Essai

[p. 5]

SENSVIVENT LES
epitres :

[1] et premierement,
Epistre au Roy, à qui l’Auteur adres-
soit vne sienne traduction.

S i vostre esprit autant hault en sa-
gesse

Que vostre haulte, & eureuse no-
blesse

Est éleuee en toute autorité,

( Roy admirable à la posterité)

Vient à penser qui auroit peu induire

Ma Muse basse à ce liure traduire

Plus tost que nul des autres de l’auteur,

Dond le renom croist en toute haulteur :

Secondement quelle chose soudaine

A fait changer la petite Fontaine,

Qui feit courir en fin de l’autre esté

Vers vostre grande, & haulte maiesté

Vn ruisselet de source encor plus nette :

a 3 [p. 6]

Souuerain Roy oyez ma raisonnette

Communement chascun sait tresbien dire.

Que qui choisit ne doit prendre le pire.

I’ay donc eleu ce liuret cy, pourtant

Que de santé l’Auteur y va traitant,

Et qu’il vault mieux estre sain que malade :

Cenonobstant assez me persuade

Qu’en autre endroit pourrois tãt bien, ou mieux

Qu’en ce labeur qui va souz voz clers yeux :

Lequel traitant des moyens de santé,

Par bons propos en a maints contenté :

Et tout esprit qui bon repos demande.

Y trouuera recreation grande.

Vous y verrez comme on doit s’occuper,

Pour toute oysiue occasion coupper,

Ou en l’amour de victoire par guerre,

Ou à chacer, ou cultiuer la terre :

Qui sont trois pointz de noblesse tenans,

Qui sont trois pointz à vous appartenans,

Ou l[’]on a veu tout le cours de vostre aage

Sur tous noz Roys emporter l’auantage :

Second Cyrus vous estes en culture :

Le chacer est vostre propre nature :

Mais [p. 7]

Mais en bataille, à la lance ou espee,

Vous resemblez vn Cesar ou Pompee.

Ce traité donc qui proficte, & ne nuit,

N’est sans plaisir, & si n’est pas sans fruict :

Vous presentant donques le contenu,

Comment pourrois-ie estre le mal venu ?

Mesme vers vous, Prince tant debonnaire,

Qui de bonté, & de grace ordinaire

Recueillez bien toutes gens de sauoir,

Puis les haulsez, comme chascun peut voir :

Qui ornez vostre vniuersité saincte

De gens lettrez, & de science mainte :

Qui long temps a, & de propos certain,

Auez conceu en vostre esprit haultain

D’edifier vn trilingue college,

Et l’enrichir de maint grand priuilege :

Mais ce pendant par vos raisons prudentes

Auez mis fin aux choses plus vrgentes.

Puis auez fait commandemens expres

Que les ouuriers d’y besoigner soyent prestz :

En quoy ne peult esprit, tant soit insigne,

Vous extoller par louange assez digne :

Que Dieu vous face auec son bon plaisir

a 4 [p. 8]

8 60

Mettre en effet ce tant noble desir,

Si qu’en voz iours pleins de fortune eureuse,

Et en santé de cent ans plantureuse

Vostre noble œil l’oeuure parfaite voye,

Et vostre esprit en ait le fruict, & ioye.

Or maintenant touchant le second point,

Tresnoble Roy, nier ie ne veulx point

Qu’il n’y ait bien assez grand’ difference

Aux deux traictez, de stile, & de sentence :

Mais tout esprit à l’estude arresté,

Est recreé [sic pour recréé] par maint diuers traicté.

Vray est que l’vn à corriger s’applique

Vn vice ou deux souz stile Poëtique :

L’autre corrige, & maintz vices efface

Souz vn esprit plein de diuine grace.

Combien pourtant (sans que desplaise en riens

Au hault esprit rempli de si grans biens)

A bien parler qu’est-ce que Poësie

Fors vne ardante, & saincte phrenesie ?

Comme bien lire en nostre Ouide on peult,

Dieu est en nous, qui nous eschaufe, & meut.

Et de là vient cette fiction belle

Que de Bacchus font feste solennelle

Poëtes [p. 9]

Poëtes saintz, & a obtenu lieu

D’estre appelé des Poëtes le dieu :

Pource que quand le sainct Nectar s’apreste

A leur monter en leur sacree teste :

Diuinement, & si bien les enyure

Qu’on les diroit ailleurs penser, & viure,

Tant sont hors soy eleuez & rauis.

Sur ce propos diray-ie point l’aduis

De quelques gens, dont l’ignorance blasme

En moy cet art, qui doit estre sans blasme :

Ou pour mieux dire, ilz me vont blasmãt, pource

Qu’il me garnit petitement la bource.

Ò quantesfoys ils m’ont crié, ta Muse

T’abuse trop, non seulement t’amuse :

Gens ignorans (car le meilleur tresor

Point ne consiste en argent, & en or)

Et non sentans le bien, & la richesse,

100

L’honneur, le fruict, la ioye, & la liesse,

Qui par le temps, glaiue, & feu ne perit,

Ains sans fin brule vn Poëtic esprit :

En ce disant ne blasme leurs personnes,

Lesquelles sont moins sauantes que bonnes :

105

Si croira bien vostre esprit tant sauant

a 5 [p. 10]

Que sans propos n’ay parlé si auant.

Si à cet art i’estoye destiné

Des que sur terre enfant petit fus né,

Pourrois ie bien de cœur trop endurci

110

Combatre Dieu, & la nature aussi ?

L[’]on dit tresbien, tout esprit d’autre estoffe,

Soit d’Orateur, ou soit de Philosophe

Se fait par art, sollicitude & cure,

Mais le Poëte est faict tel de nature.

115

Il est bien vray (Sire) que poureté

Maint hault esprit a tout court arresté :

Tel n’est le mien qui tous les iours aprend,

Mais tous les iours ie say comme il m’en prend.

Le riche auare est tout accoustumé,

120

Louer de bouche vn oeuure bien limé

Et puis c’est tout : l’autheur demeure là :

Et, tout comté, ce seul salaire il a.

Si Heroët est loué iusqu’au bout,

Et Sangelais, qu’est-ce si c’est le tout ?

125

Que si au moins en fin la recompense

Correspondoit au labeur, & despence,

Mille espritz bons, pour vn apparoistroient

En vostre France, & tous les iours croistroient :

Mais [p. 11]

Mais poureté qui les garde de croistre,

130

Pareillement les garde d’apparoistre.

Car poureté auec son obscur voile

Obscurciroit la plus luisante estoille.

Poësie est noblesse, & gayeté

D’esprit tranquille, & en grand liberté,

135

Lequel n’admet double sollicitude :

Tel noble esprit occupé à l’estude,

Pour vn chaslit ne se doit trauailler,

Ny pour auoir vn linge, ou oreiller.

Car si Vergile est en grande souffrette,

140

S’il n’a ne lict, ne tect, ne maisonnette,

Ne seruiteur, ne pecune moyenne,

Escrira il de la guerre Troyenne ?

Quand on est ieune en grand esbatement

Pour passetemps, & pour contentement

145

C’est vn plaisir de sonner la musette :

Mais puis apres quand l’aage, & la disette

Surprennent tost le Poëte estonné,

Alors s’en va son chant mal entonné,

Diminuant tout petit à petit,

150

Car de sonner il perd tout appetit :

Alors il hayt sa Musette, & sa Muse :

Si elle [p. 12]

Si elle s’offre, il la iette, & refuse :

Le seul Poëte en ce point esperdu,

Demeure là esgaré, & perdu.

155

Mais maintenant Poëtes à merueille

Et en grand nombre, ont bien qui les reueille :

Car vn grand Roy le grand Dieu de là sus

Nous a donné, qui les a remis sus.

O Roy , franc Roy, le seul vray Roy vous
estes,

160

Qui d[’]espoir grand, & de gages honnestes

Entretenez les Poëtes sans fin

De vostre temps, plus que l’or pur, & fin.

Parquoy souuent, contre fortune forte,

D’auoir tel Roy ma Muse se conforte,

165

Et de faueur d’vn tel Prince alaitee,

Ia par deux foys s’est à vous presentee.

Epitre [p. 13]

[2]EPITRE, PHILOSO-
phant sur la bonne amour :
à vne dame.

I ’ay poursuiuy tousiours l’amour
honneste,

Comme raison par honneur m’admo-
neste :

Ie n’ay iamais aymé sinon pour bien :

Par cet escrit (dame) l’entendrez bien.

Que si l’amour est chose en moy fatale :

Ce n’est l’amour charnelle, ne brutale,

Ce n’est l’amour de beauté, qui empire,

Et qui tousiours à sa vieillesse tire :

Ce n’est l’amour qui donne passion

Pour les beaux traitz, ou la proportion :

Ce n’est l’amour ou de corps, ou de face :

Ce n’est l’amour qui auec temps s’efface :

Mais c’est l’amour, qui de bonne nature

En vertu croist, & prend sa nourriture,

Et qui mourroit, certes, & cesseroit

Quand la vertu subiette à mort seroit :

Mais la vertu comme elle est immortelle,

Confesser fault que son amour est telle.

Pre [p. 14]

Premierement fault voir que c’est qu’amour :

Comme l’entens le diray sans seiour.

Amour, amye, est vne passion,

Qui de beauté quiert la fruition :

Et beauté est vn rayon cler, & digne,

Vne splendeur de l’essence diuine,

Que Dieu voulut à nostre ame, & à l’ange,

Communiquer, dont luy deuons louange :

En tous ces deux, comme en double miroir,

Dieu faict sa gloire, & lumiere apparoir :

En tous ces deux (di-ie) ce neantmoins

Entendre fault en l’vn plus, l’autre moins.

Car l’esprit d’ange empesché nullement

Du corps mortel, qui donne empeschement,

Se refleschit en soymesme, & contemple

Dedans son sein, comme en vn diuin temple,

De Dieu l’image, en contemplant, s’y mire :

En s’y mirant, luy adhere, & l’admire.

Telle splendeur de la diuinité,

En cet endroit nous l’appellons beauté :

Et telle ardeur de l’Ange y adherant,

Nous l’appellons amour. Ò corps mourant,

Ò pleust à Dieu que nostre ame iamais,

Ne tant [p. 15]

Ne tant, par toy fust empeschee ! mais

Peust contempler en soy de Dieu la face,

Et l’embrasser par amour, & par grace

Perfaictement, & qu’en ce peust ensuyure

L’ange diuin, qui est de corps deliure.

Ainsi beauté n’est chose corporelle,

Pareillement n’est chose temporelle.

Mais la beauté, qu[’]on dit communement

Beauté de corps, dont le liniament,

La quantité, couleur, proportion

Tire nostre œil en admiration,

Ce n’est sinon qu’ombre declaratiue

De la beauté eternelle, & naïve :

Et ce n’en est qu’vne image, ou peinture,

Pour paruenir (comme dit l’escriture)

Au hault degré des choses inuisibles :

Qui tousiours sont belles, & impassibles :

La grand’ beaulté desquelles, & la gloire

Le ciel racompte, & nous la fait notoire,

Comme aussi font la Lune, & le Souleil,

Et tout cela qu’au ciel voyons à l’oeil,

Si donc ie trouue, ou homme, ou femme belle,

En la beauté que l[’]on dit corporelle,

Cela [p. 16]

16 65

Cela me plaist, comme vn indice, & signe,

Que là dedans est l’image diuine,

Que veux aymer, pour sa grande beauté,

Perfection, infinie clarté.

Parquoy ne veux m’arrester au dehors,

Ny seulement considerer le corps :

Mais procedant plus oultre, veux congnoistre

Si au dedans l’image qui doit estre

Saine & entiere, & la beauté naiue,

Du tresparfaict, y est point morte, ou viue.

Et si aux faictz, aux dictz, à la pensee,

La viens trouuer là dedans effacee,

Incontinent de là ie me retire :

Et mon amour en vne autre part tire,

Disant ainsi : ce corps est seducteur,

Ce corps est sainct, ce corps est vn menteur :

Car de beauté a le signe, & indice,

Mais la dedans la corrompt par son vice.

Ce corps menteur sans effect, a le signe

De la beauté dont il se rend indigne.

Or ie ne veux la seule ombre poursuyure,

Et Narcissus en ce ie ne veux suyure :

Car comme luy en fin trompé serois,

Quand [p. 17]

Quand trop en vain l’ombre i’embrasserois,

Pour le vray corps de la beauté extreme,

Qui est de Dieu l’image, mais Dieu mesme.

Dame, tu voys comme on doit estimer

La beauté vraye, & poursuiure, & aymer :

Et l[’]on ne doit, au contraire, auoir cure

De beauté faincte en couleur ou figure :

Et que l’amour est chose vertueuse,

Honneste, belle, & non voluptueuse :

Pareillement comment l’amour s’estend

Sur homme ou femme, & nul mal ne pretend.

Car aussi tost sur femme, que pucelle,

100

En qui de Dieu la clarté estincelle,

Et aussi tost sur homme que sur femme

Mon cueur d’amour vertueuse s’enflamme :

Ie ne m’arreste aux constellations,

A nourriture, & aux complexions.

[3] E. H. à C. Fontaine.

Il me desplaist que n’ay fait mon deuoir

En mon logis de te mieux receuoir :

Car vn ruisseau (c[’]est bien chose certaine)

N’est rien au pris d’vne viue fontaine :

b [p. 18]

18 5

Le ruisseau suys limonneux, toutesfoys

Fauorisé ie coule quelquefoys :

Fontaine es tu en France renommee,

Mon nom n’a pas si bonne renommee,

A ton auis, ce n’est que bruit qui court

Legerement parmy les gens de court.

Certainement ie ne veux consentir

Te suader, ou te faire sentir

Chose de moy qui merite louange :

Te suppliant de ne trouuer estrange

Si humble suis par rencontre des loups,

Qui m’ont gardé de montrer mon veloux.

Ces loups ce n’est que fortune mauuaise,

Qui me met hors, quelque temps, de mon aise :

Ayant perdu six vingtz escuz en bourse,

Pour voir icy des imprimeurs la source :

Et sceu assez que tu es bien idoine

A son habit ne congnoistre le moyne.

Il m’est auis qu’il y a dans ton cueur

Quelque secret de ma veine moqueur :

S’il est ainsi, donc vn potier prouoque

L’autre potier, & de son art se moque.

S’il est ainsi, ie te laisse la gloire,

Voulant [p. 19]

Voulant tirer d’humilité victoire :

Bien esperant rencontrer imprimeurs,

Qui pour ce cas seront trampes, & meurs.

Si autrement de moy ton cueur en porte,

Pour banqueter vien frapper à ma porte.

[4]RESPONCE PAR
Charles Fontaine.

Hier au soir ta lettre ie receu

De l’imprimeur, par laquelle ie sceu

Que ton auis assez mal a visé,

Sur le propos qu’ay de toy deuisé :

Et pour tesmoings ie puis prendre tes gens,

Soient compaignons, ou amis diligens :

Deuant lesquelz, & autres, à voix pleine

I’ay souuent dit que tu as bonne veine :

Mais me contrains de te dire à cette heure,

Que par le monde y en a de meilleure.

Du iugement, & termes, m’en tairay,

Et aux sauans ie m’en rapporteray.

Ie te [respons] quant à ma renommee,

Si elle n’est en tant d’œuures semee

Comme la tienne, aussi ie n’attends pas

b 2 [p. 20]

Si tost l’honneur que donne le trespas :

Moy vif ne veux à ce loz aspirer,

Lequel on peult de seule mort tirer

Ie ne quiers voir en ma vie ma gloire,

Ains la remetz au temps, & à memoire.

Perse a plus fait en vn sien petit liure,

De iugement, & bon sens non deliure,

Que n’a pas fait, par sa legere plume,

Marsus Poëte, auec son grand volume.

L’on sait assez comme Horace souhaitte

Du temps aux vers, pour vne [œuure] parfaicte :

En se plaignant de maint (non à bon heur)

Voulant gaigner deuant le temps l’honneur :

Et refuyant le labeur de la lime,

Qui le beau vers, par neuf ou dix ans, lime.

L’honneur de nous appeté, nous fuyra :

Non appeté, pour certain nous suyura :

Pource qu’il est d’vne nature telle

Que la vertu, & la science belle,

De modestie ayant tousiours le [mords,]

Il suit par tout, comme l’ombre le [corps.]

Si le pris est au plus grand escriuant,

Et qui par tout met ses vers en auant,

Iettez [p. 21]

Iettez assez legerement en moule,

L’honneur est tien, afin que ie te saoule,

Mais possible est, quant i’aurois entrepris,

Qu’en quantité, ny qualité, le pris

N’aurois sur moy : & cela i’ose dire,

Considerant ton audace d’escrire.

I’ay veu que ieune en chaleur ie rimoye,

Mais l’aage meur en mit tant bas la ioye,

Qu’il a beaucoup mes Muses refroidies,

Et par froideur rendues moins hardies :

Or ie retourne à mon commencement,

De ton auis, & de ton iugement

Conceu de moy : car aussi par tes uers

Tu en sens mal, mesme en lieux diuers.

Mais es tu Dieu, pour dedans mon cœur lire ?

Qui t’a donq fait si hardi que d’escrire

Qu’il t’est auis qu’il y a dans mon cœur

Quelque secret de ta veine moqueur ?

Cela est faux, i’ay honoré ta veine,

Et ne l’ay prinse en moquerie vaine :

Ie suis ami, & moqueur ne suis point,

Ny controlleur : ains quand il vient à point

A mes amis ie dy ouuertement,

b 3 [p. 22]

(Quand on m’enquiert) tel est mon sentiment :

Parquoy te dy aussi qu’en cest endroit,

Comme en maint autre, est ton iugement droit.

Ie suis trop long : pour plus outre passer,

Ton vers te couppe, à bien le compasser :

Car tu as dit tout haut (s’il t’en souuient)

Que pour son faict ta Muse ici ne vient :

Et que tu as affaire plus vrgent,

Qu’à visiter l’imprimeur, ou la gent :

Et ores dis, en propos bien peu meurs,

Tant d’argent perds pour voir les imprimeurs.

Quelque propos aussi en apparence

Tu as laissé, sans bonne dependence.

Ce qu’a senti tost nostre ami Sabon,

Qui pour certain a le iugement bon :

Ie ne say pas comment tu l’as passé,

Si tu as rien d’auenture laissé.

Ie ne say pas aussi qui t’importune,

D’interpreter les loups pour la fortune :

Il semble à voir que tu vses de loups,

Pour rencontrer seulement sur, veloux :

Car autrement (qui bon sens veut prester)

Larrons sur loups vaut mieux interpreter.

Pareil [p. 23]

23 85

Pareillement sur, fortune, ie trouue

Qu’il viendroit mieux de l’interpreter, louue :

Mais d’auantage ou, ny quand, ny comment

La perte fut, nul mot aucunement.

Tu veux tirer d’humilité victoire :

Dieu sait comment elle est en toy notoire

L’humilité que par occasion

Te dis auoir, non par infusion.

Tu me prens mal, car i’ay par quelques ans

Assez, & trop congnu telz courtisans :

Dont ie ne veux, & ie n’entens mesdire,

Aymant trop mieux me taire que mal dire.

I’ay veu païs deça, dela les montz,

Dequoy souuent les gens nous estimons :

I’ay grace à Dieu auec quelque science

100

Conioint l’vsage, & longue experience.

Tu dois penser (si pensé tu ne l’as)

Que ie ne suis pour tost tomber es laz.

Auant iuger ie ly, ie voy, i’escoute :

L’experiment cinq cens escuz me coute :

105

Nouueau ne suis, tu dois estre asseuré

Que ie suis faict, & desia tout leurré.

I’ayme la Muse avecques modestie,

b 4 [p. 24]

Et la personne a douceur conuertie :

Et n’ayme pas ny gens qui tant se vantent,

110

Par leurs propos, ny vers qui tant s’esuentent.

Neuf ans entiers, & plus, ie me suis teu :

Puis peu de gens de mes œuures ont eu :

Mais toutesfois i’ay regret bien souuent

De m’estre mis encor si tost au vent :

115

Car ne quiers voir mon nom tant exalté,

I’en laisse faire à la posterité :

Quant au veloux, i’en porte moins que toy.

A brief parler, apparence ne voy

En tes propos : dont des escuz six vingtz,

120

Que tu perdis (dis tu) quand ici vins,

Me fais doubter : toutesfoys, pour ta veine,

Ie te prometz iurant foy de Fontaine,

Que te dirois, si i’en auois les douze,

Ne tienne aux six que ton pied ne se houze.

125

Et nonobstant qu’as dit que trouueras

Vingt escus seurs quand t’en retourneras,

Des apresent tel offre te ferois :

Combien plus fort quand tu m’en requerrois ?

C. Fon [p. 25]

[5] C. FONTAINE,
A N. le Iouure.

Trois mois y a, tu m’escriuois en prose

Que m’escrirois dans briefz iours quel-
que chose

En vers François, prenant quinze iours terme :

Mais ie t’en ay donné de propos ferme

Deux mois entiers plus que n’es attermé,

Et si n’as point ton escript confermé.

I’estimois bien au moins qu’à cette foire

Seroit l’effet de tes lettres notoires :

Et si n’eusse onq pensé que fust passee

Sans quelque Epistre en vers bien compassee.

Plus tost (i’ay dit) Loire ira contremont,

Deuiendra val de Sancerre le mont,

Bourges la belle en Touraine sera,

Et Tours tournant en Berry passera,

Que Iouure faille, & que son bon cœur cesse

En mon endroit, d’escript & de promesse :

Mais ie suis trop de mon espoir trompé.

Et si tu dis qu’ailleurs es occupé :

Que n’as-tu fait en tes lettres de Tours

La tiẽne excuse, en deux motz brief, & courtz ?

b5 [p. 26]

Bourges or sus en la Touraine passe :

Tours vien, en droit de Bourges en la place :

Loire retourne, & contremont remonte :

Descens Sanserre en val soudaine, & prompte :

Le Iouure faut de promesse, & d’escript :

Et n’est pas tel comme il auoit escript.

O Iouure, amy, quoy qu’on y roigne, ou taille,

Tu n’y saurois mettre piece qui vaille.

Ny plus ny moins que le Poëte aussi,

Qui feit promesse en passant par ici.

Mais nonobstant resembler ne vous veux :

Bien qu’il y ayt cause dont ie me deux.

Et si plus tost n’ay eu de toy response,

Point n’a tenu à ma grande semonce.

Ie suis ioyeux qu’as si bien rencontré,

Qu’es en estat, grace, & promesse entré,

Enuers la Dame en cueur des plus entieres,

C’est à sauoir madame de Lynieres.

Que pleust à Dieu qu’en veissiõs maintes telles,

Ie n’aurois pas ainsi courtes les ailes,

Vn peu plus hault voleroit nostre stile :

Vn Mecenas fait bien vn bon Vergile.

Mais que veux tu ? il me fault prendre en gré,

Et [p. 27]

Et demourer en ce mesme degré,

Quand n’est permis que plus outre ie passe

Que seulement en promesse, & en grace.

Car ie ne puis m’esuenter, ne vanter :

Et si ne puis ne presser, ne flater :

Mon naturel ne peult prendre acointance

Auec ces deux, flaterie, & vantance.

Voila que c’est, vertu, simplicité,

Pres flaterie, & importunité,

Entierement, & tout quicte le perd :

O bon amy, i’en parle comme expert.

Vertu pourtant s’elle est póure & deserte,

Ne laisse point d’estre noble & ouuerte :

Ne laisse point de luire, & esclerer :

Et ou elle est el’se vient declairer :

Pource que telle est tousiours sa nature

De se montrer de faict, ou d’escriture.

Malgré le temps, les gens, l’iniquité,

Malgré l’enuie, & la necessité.

Passons plus outre, & ce propos laissons,

Que nostre cœur plus auant ne blessons.

Tu dis (amy) pource qu’es peu habile

D’vn de tes piedz, par fortune debile,

Que chacun va tousiours plus tost que toy,

[p. 28]

Et mesmement ou le Sauuage, ou moy.

Mais toutesfois le forgeron boiteux

Ne fut si mal habile, ne honteux

Qu’il ne passast par sa subtilité

Du grand Dieu Mars la force, & la santé,

Quand le rendit captif, lié, & pris :

Quand fut moqué de tous dieux dehault pris.

Puis n’a il fait de grand esprit les armes

D’ Achilles preux, en combatz, & alarmes ?

Venus sa femme, & tant belle deesse,

Dame d’amour, & de toute liesse,

Nauree au pied, & laidement boiteuse,

Laisse elle (ami), d’estre forte, & eureuse ?

Et de passer auec son chaud flambeau

Par tout le monde ? & par feu, & par eau ?

Non, non : mais bien auec son chault brandon

Elle ne fait à nul viuant pardon.

Et dauantage il est bien tout notoire,

Que de la Troye aux Grecz causa victoire

Philoctetes que d’ Hercules le dard

Naura au pied, dont fut gueri bien tard.

Ainsi les piedz, ni les iambes ne font

Tardifz de cœur, ceux qui telles les ont,

Et enc [p. 29]

Et encor moins d’esprit les font tardifz :

Si pren-ie en ieu, & pour rire tes dictz.

En fin me viens de promesse semondre :

Sur quoy (ami) ie te veux bien respondre,

Que voirement i’auoye en fantaisie,

Mettre en lumiere aucune Poësie,

Ce que n’ay fait : mais ce n’est pas le tout

Que i’ay pensé, sans en venir à bout.

Puis en tel cas tu peux tresbien entendre

100

Qu’on ne sauroit iamais par trop attendre :

Le trop haster cause enuie, & malheurs :

Les fruitz tardifz sont tousiours les meilleurs :

Et maint Poëte ayant mal enfourné,

Comme Icarus est cheu trop fortuné.

105

Mains tu en says, comme les Sagouïns,

Les hobereaux & causars babouïns.

L’oyseau sans plume & foible, n’est si fol

De se ietter en l’air prenant son vol :

Nul ne se met à regir vn nauire,

110

Qui n’a aprins, & ne le sait conduire :

Qui n’est expert ne va sur mer ou terre,

Prendre l’estat de Capitaine en guerre :

Les medecins de medecine traitent :

[p. 30]

Les charpentiers à charpenter s’arrestent :

115

Mais ignorans, & sauans, nous voulons

Escrire en vers, & sans ailes volons,

Trop plus enflez que Cyclicus en vers.

Ainsi qu’on fuit les gens qui sont couuertz

D’infection de roignes, & gratelles,

120

Ceux qui d’esprit ont viues estincelles,

Fuyent le fol Poëte, & glorieux :

Les autres folz, ignorans, & sans yeux,

Le vont loüant, l’estiment, & cherissent :

Mais en la fin tous ensemble perissent,

125

Et le Poëte, & ses admirateurs :

Bons yeux agus n’ont pas tous les lecteurs.

Il est bien vray, les Poëtes ardans

Ne vont sinon le commun regardans :

Mais gens d’esprit, & les Poëtes sages,

130

Craingnent de mettre en auant leurs ouurages :

Redoutans fort qu’il en peult auenir :

Car ilz ont l’œil sur le temps à venir.

Ilz ont en doute, & n’ont pas arresté

Le iugement de la posterité.

135

Estime tu (o ami) qu’il suffise

De faire vers en mesure comprise

Bien [p. 31]

Bien iustement, si qu’on n’en puisse oster

De la mesure, ou aussi adiouster ?

Que soit assez d’auoir bon, & doux stile,

140

Termes communs, & langage facile :

Non, non, ami : il fault grand iugement,

Bon sens rassis, pesant soigneusement

Auec l’oreille, & sans legereté,

Le son des vers, la grace, & grauité,

145

Là sont plusieurs inuentions requises,

Dignes propos, & sentences exquises :

Si nous voulons qu’ils soient par cy apres

Escritz, gardés en cedre, & en cypres.

Celuy en qui nul sauoir ne deffault,

150

Qui a l’esprit bien diuinement hault,

La bouche d’or, & la plume diuine,

Luy seul du nom de Póete est bien digne.

Tout autre estat a mediocrité,

Mais cetuy-cy gist en infinité.

155

Brief, ce n’est rien si auec grand science

Ne ioint eureuse, & longue experience.

Et tout ainsi comme entre les repas

Chant de Musique on n’estimera pas

Quand il discorde en la moindre partie,

[p. 32]

32 160

Ny vne sausse assez mal assortie,

Car on pouoit de cela se passer :

Pareillement, ami, tu dois penser

Que Poësie a l’esprit ordonnee

Pour recreer, à ce seulement nee,

165

S’elle deffaut, voire tant soit petit,

Descend trop bas, & pert tout appetit.

Pource l’on doit long temps ses vers garder,

Car il les faut mille foys amander,

Et chatier, si qu’ilz portent les marques,

170

Ou de Varus, ou bien des Aristarques.

Ce qui vaut mieux que de les mettres es dentz

Des enuieux, & detracteurs mordans.

Ouide dit, contre les enuieux,

Que les escritz apres mort plaisent mieux :

175

Car fausse enuie aux gens mortz ne s’attache :

Mais sur les vifz iette tousiours sa tache.

Elle se paist de cher viue, de sorte

Qu’elle ne suit, ne quiert point la cher morte.

Vergile, Homere, & autres, en leurs vie [sic pour vies],

180

Ont bien senti la dent de fausse enuie.

Pareillement il est tout manifeste

Qu’ Horace humain, en faits : & dits modeste,

Accusé [p. 33]

Accusé fut iadis de nouueauté,

Et de taxer en trop grand liberté.

185

Il est tout seur que ne peult le Poëte

Que quelquesfois ne picque la Chóete,

Le fin Regnard, le Sacre rauissant,

Le Pan pompeux, & le Chien blandissant :

Puis dentz, & becz soudain ces males bestes

190

Vont aguísant, & luy dressent leurs testes :

En telz dangers souuent on y demeure,

Ou bien nauré on en vient, ie t’asseure.

Ie t’en pourrois de tout temps, & tous regnes

Alleguer maintz, comme Iules de Senes :

195

Par auant luy Ouide, Claudian.

Auec Lucain, & maint autre ancien.

Mais de nostre aage, & de ce temps ici,

Le grand Robin , & Rocardot aussi.

Ouide escrit, & plainement declare,

200

Quand il estoit auec la gent barbare,

Loing de sa femme, & loing de tous amis,

Qu’en tel estat Poesie l’a mis :

En païs froit, plein de bize, & de guerre,

Au bout du monde, & en estrange terre.

205

Ostez (dit-il) Poësie, & l’estude,

c [p. 34]

Vous osterez de moy la solitude :

Ostez mes vers vous osterez mon crime.

Mesme en son cœur telle douleur s’imprime

Que quelquesfoys souhaitoit pour tout seur

210

N’auoir gouté des Muses la douceur :

Car luy estant ainsi banni par elle,

Ayme son mal de trop conuoiteux zele :

Et ne se peult d’escrire contenir,

En vers, qui l’ont en exil fait venir.

215

Mais y venant, au feu ietter il ose

Son plus d’honneur, c’est sa Metamorphose :

Qui s’est sauuee en despit de fortune,

Car de copie il s’en trouua plus d’vne.

Si noz vers sont comme noz enfans mesmes,

220

Nous les aymons d’affections extremes :

Et les aymant le cœur ne peult porter

De les voir batre à tort, & souffreter.

O bon amy, c’est chose trop amere

Quand tourmenter voit son enfant la mere,

225

Naurer, moquer : Il a la teste ague,

Les piedz tortus, & l’espaule bossue.

Sagement donc nous fault noz vers parer

De longue main, polir, & reparer :

A fin [p. 35]

A fin que quand on viendra à les voir,

230

Nous en puissions moins de reproche auoir.

Car ils ne sont comme enfants qui demeurent

Telz qu’il [sic pour ils] sont faitz, iusques à ce qu’ilz meurent :

Noz enfans sont, quant à l’affection

Que leur portons, & grand dilection :

235

Quant au trauail, qu’ilz nous donnent, & cure :

Quant à l’honneur aussi qu’on leur procure :

Mais il nous fault prendre soing de tout point,

Si possible est, qu’il ne nous meurent point.

Et le moyen, c’est que quant ilz sont faicts,

240

Ne les laissons rudes, & imperfaicts.

Vn paintre est bien lõg tẽps sur vn tableau,

Quand il le veut rendre perfait, & beau :

Mille foys met la main sur vne image,

Souuent efface, ou y met dauantage,

245

Vn trait en haut, & puis vn trait en bas :

D’y aiouster iamais n’en seroit las :

Et quoy qu’auec grand labeur la decore,

Luy, ny autruy ne s’en contente encore :

Au membre droit y aiouste clarté :

250

Au membre courbe y met obscurité.

Brief, tant y veille, y aioute, ou efface,

c 2 [p. 36]

Que plus perfaicte, & plus viue il la face.

Ainsi doit faire vn Poëte constant,

Ses œuures doit garder bien plus que tant :

255

Car elles sont trop plus que images paintes.

Garder les fault donques ces œuures saintes,

Reuoir, polir, veiller, les ongles mordre,

Et bien souuent cheueus, & barbe tordre.

Lisons nous pas que le Poëte alloit Vergile.

260

Forgeant ses vers mal poliz & faloit

Qu[’]il les leschast long temps pour rẽdre beaux,

Comme fait l’Ourse à ses petis Ourseaux ?

Horace dit que l’honneur des Romains,

Qu’ils ont acquis par sus tous les humains,

265

Au faict de guerre, onques n’eust esté moindre

Quant à leurs vers, s’ils eussent peu conioindre

Veilles, labeurs, reueües, & attendre

Que plus perfaicts ilz les eussent peu rendre :

Mais peu soigneux, en euxmesmes contens,

270

Vouloient gaingner l’honneur deuant le temps :

Faisans ainsi que feit le glorieux

Empedocles, d’honneur fol curieux,

Qui dans le feu du mont Gibel se iette,

Si qu’apres mort immortel on l’admette.

Mais [p. 37]

37 275

Mais au contraire il y est demouré

Mort, bruslé, ars, & tout deshonoré.

L’honneur qui est trop appeté, nous fuit,

Non appete, bon gré mal gré, nous suit :

Car la vertu l’honneur point ne demande,

280

Mais l’honneur suit tousiours la vertu grande.

[6]A VNE DAME POVR
la consoler sur la mort de
son mary.

Ces iours passez mon esprit a conceu,

Mais a gouté, consideré, & sceu

Le dueil qu’auez, au moins vne partie,

Pour le depart de la vostre partie,

Feu Monseigneur : Or combien que i’arriue

Pour le present en la saison tardiue,

Si ay-ie quis l’occasion expresse

Que par escrit ma plume à vous s’adresse.

I’escriray donc, voire cenonobstant

Que la vertu de vostre cueur constant

Laquelle luit en vostre face, & yeux,

En vostre port, & maintien gracieux,

Facilement pourroit estre maitresse

c 3 [p. 38]

D’vne infinie amertume, & detresse.

Premierement vous n’estes à sauoir

Que rien parfait au monde on ne peult voir :

Secondement que Dieu a ordonnez

Noz certains iours, si tost que sommes nez :

Et tiercement que meilleurs biens possede

Le bon cretien qui en la foy decede.

Ces trois pointz là bien imprimez en cueur,

De tout ennuy le font maistre, & vainqueur :

Ces trois poinct [sic pour poincts] là, en vostre conscience

Engendreront confort, & patience.

Considerez donques en premier point,

Quand le remors de telle mort vous point,

Qu’il n’y a rien en ce monde durable,

Rien de parfait, rien de constant, ne stable :

Et si voulez es choses naturelles

Querez exemple, & les trouueres telles.

Ne voyez vous qu’apres le iour qui luit,

Incontinent nous prent la noire nuict :

Ne voyez vous comment ne nuictz, ne iours,

N’yuer, n’esté, ne durent à tousiours ?

Mais l’vn s’en va, puis apres l’autre vient,

Puis s’en reua, mais iamais ne reuient.

Ne [p. 39]

Ne voyez vous que la muable Lune

Durant le iour ne rend lumiere aucune ?

Ne voyez vous tout au contraire aussi,

Que le Souleil, tant beau, tant esclarci,

Apres qu’il a dessus nostre hemisphere

Rendu chaleur, & grand lumiere clere,

Faisant son tour, donne à la Lune place,

Qui vient de nuict auec sa brune face ?

L’yuer tant laid succede au bel esté :

Dieu a le tout en ce point arresté

Et a voulu toute chose en son ordre,

Dessus autruy n’entreprendre, ne mordre :

Ne pourroit pas le beau Souleil contendre

De quoy ne peult ses rays de nuict estendre ?

La Lune aussi repliquer à son tour,

A quoy tient il que ie ne luis de iour ?

Certainement ores que parler peussent,

Ne le diroient : & encor que dit l’eussent

Ia pour leur dit ainsi ne seroit fait :

Ains dureroit l’ordre en nature faict :

Car le seigneur, qui par tout seigneurise

Ia vne foys y a sa grand’ main mise.

Au second poinct, quand bien y penserez,

c 4 [p. 40]

40 60

Plus au leger vostre dueil passerez :

Car Dieu n’a pas ordonné seulement

Vn certain ordre en chacun element,

Comme en la mer, qu[’]il a si bien bornee,

Qu’elle ne peult la terre bien ornee

D’arbres, & fleurs, iamais outrepasser :

Mais a voulu nostre aage compasser,

Et y a mis par science hautaine

Vn ordre tel, vne fin si certaine,

Que tout viuant en aucune manière

Ne peult aller ny auant, ny arriere.

Pource l[’]on dit, quand on veult excuser

La mort d’autruy, & en rien n’accuser

Du sort facheux quelque desconuenue,

Remede n’a, son heure estoit venue :

Pareillement on dit souuentesfois,

Va ou tu peux, & meurs là ou tu dois.

Iesuchrist dit, & bien nous admonneste,

Que ne peult cheoir vn poil de nostre teste

N’aussi de l’arbre vne fueille petite,

Sinon quand Dieu le permet, & l’incite.

Que veult-il donc par ces similitudes

Donner entendre aux gens simples, & rudes ?

Sinon [p. 41]

Sinon qu’en nous, soit de vie, ou de mort,

Dieu permet tout, & si n’a iamais tort ?

Et qu’en nous tous la mort eureuse, & bonne

Dieu la permet, Dieu l’enuoye, & la donne ?

S’il est ainsi mesmement qu’vn potier

Façonnera vn pot de son mestier

Pour durer peu, l’autre pour long espace,

Pourquoy ne peult le grand ouurier, qui passe

Les autres tous, en nous vie inspirer

Pour tost ou tard de nous la retirer ?

Ha, gardons nous que par nostre imprudence

N’entreprenons sur sa grand prouidence,

Contredisans à son autorité

Iob a escrit que Dieu a limité

Le temps de l’homme : & si tel le veult faire,

Qui est celuy qui dira du contraire ?

Ou est le cœur, tant soit triste, & marri,

100

Qui dit pourquoy m’ostes tu mon mari ?

Femme, tais-toy, & baisse les oreilles

Aux faitz de Dieu (choses tant nompareilles.)

Dy seulement, soit en terre, ou au ciel

Soit dessus moy, soit sur ieune, ou sur viel,

105

Le seigneur Dieu face son bon plaisir :

c 5 [p. 42]

Dy seulement, quand dueil te vient saisir,

N’auois-ie pas espoux homme mortel ?

Non pas espoux plus qu’homme, ou immortel ?

Quant au tiers point fault que vostre esprit
gouste

110

Que le Cretien qui est mort, somme toute,

Il est bien mieux qu’il n’estoit pas ça bas :

Et que pour vn, il a cent mille esbas :

Ie di pour vn, si au monde il s’en trouue,

Voire vn tout seul, que vray plaisir on prouue :

115

Car ie ne voy qu’on me puisse prouuer

Qu’au mõde on puisse vn parfaict bien trouuer,

Ioye n’y a tant soit elle acomplie,

Qu’elle ne soit de peine, & dueil remplie :

Il n’y a bien qu’on die tant parfaict,

120

Que quelque mal n’accompaigne en effect.

Et bien souuent ou plus grand eur abonde,

S’y vient ruer le malheur de ce monde.

Hannibal s’est tué par sa poyson :

Et Cesar fut occis en trahison.

125

Pareillement le grand, & fort Pompee,

Pour son refuge eut la teste coupee :

Iadis plusieurs en ont donc fait l’essay,

Et en noz iours monsieur de Samblançay,

[p. 43]

Qui fut vn temps au plus hault de fortune,

130

Et maintenant au plus hault d’infortune.

Vn chancelier est mort par vn faux pas

De son mulet, qui est vn piteux cas :

Et l’autre cheut du hault d’vn tel office

En la prison, loing de grace, & seruice :

135

Et puis Ionas dans la mer englouti,

Dont il n’est point comme l’autre sorti :

Aioutez y le Gentil president,

Qui pres Paris feit le fault euident.

Les plus grãs vens les plus hautz arbres fachẽt :

140

Foudre & tempeste aux plus haultz mons s’at-
tachent.

Mais le Cretien mort chez soy en honneur,

O qu’il est plein de grace & de bon heur !

Maintenant rit & fortune il despite :

Maintenant monde, & mort il suppedite :

145

Et maintenat il se trouue tresbien

Auecques Dieu, son tressouuerain bien.

Madame donc, estes vous enuieuse

De son grand bien : O espouse facheuse !

S’il n’est plus cy attendant ce moment,

150

S’il n’est plus cy tousiours en mouuement,

Comme tendant de fleur d’aage en vieillesse,

[p. 44]

De vie à mort, de force à la foiblesse,

Et toutesfoys en plaintz, en pleurs, & criz,

Le souhaittez encor en ces perilz,

155

Il m’est auis (dame ne vous desplaise)

Que vous montrez fachee de son aise.

Si à present il luy estoit permis

Qu’à vous parlast, & qu’il vous fust transmis,

Il vous diroit : bonne espouse, & amie,

160

Cesse vn petit, cesse d’estre ennemie

De mon grant bien, lequel si tu sauois,

Tant de souspirs, & gemissantes voix,

Tant de regretz cesseroient tout à l’heure :

Car ie ne puys estre en place meilleure.

165

De tous les biens du monde ne me chault :

Ie ne suys plus subiet à froit ne chault,

A faim, à soif, à manger, ny à boire :

Car maintenant suys en parfaicte gloire :

Me desirant en ce terrestre val,

170

N’y souspirant, tu desires mon mal :

Car tout l’honneur qui peult estre en ce monde,

Enuers le ciel ce n’est que chose immonde.

I’ay acompli, & fait vn grant voyage,

I’ay ia passé le dur, & grief passage,

M’y [p. 45]

45 175

M’y veux tu dont mettre à recommencer,

Par ton crier, ton pleurer, & penser ?

Non, non : en vain ton cueur en dueil seiourne

M’y regretant, iamais ie n’y retourne,

Car ie ne puys : & quand bien le pourrois :

180

Certes aussi retourner n’y voudrois

Tu es encor (grace à Dieu) ieune & saine,

Tu es encor de vie, & vigueur pleine

Pour contenter autre noble mari,

Dont ne seray, ne doy estre marri :

185

Car entre nous la mort interuenue

Fait qu’en ce cas n’es plus à moy tenue.

Mort rompt tousiours la loy de mariage :

Mais i’en remetz à ton cueur bon, & sage,

Lequel saura apres bien proposer,

190

Discretement de tout cas disposer.

Dido la royne extremement marrie

De son espoux Sycheus, se marie

Cenonobstant à Eneas Troyen,

Quand fort amour luy donna le moyen.

195

Voila comment vostre loyal espoux,

Vous consolant tiendroit propos à vous :

Voila comment feu monseigneur diroit :

Quan [p. 46]

Quand à present à vous il parleroit :

Maintenant donc cette parolle bonne,

200

Si la prenez comme de sa personne,

Si l’estimez comme de luy parlant,

La sentirez vostre esprit consolant :

La sentirez chassant dueil sans seiour,

Comme souleil la nuict au point du iour.

205

Mais, dame, plaise à la prudence vostre

De prendre en gré ce petit labeur nostre.

[7]À MADAME RENEE
DE FRANCE, DV-
chesse de
ferrare.

Fille de Roy, & treshaute Duchesse,

Fleuron du Lys, fleur de toute noblesse,

Fille de Roy, diray-ie plus grand cas ?

Fille de Dieu, & tresbonne Dorcas :

Si ta bonté, par tout tant decoree,

Si ta vertu, des cieux mesme admiree,

A fait monter la Fontaine en maint mont,

Et [p. 47]

Et transuerser la France, & le Piedmont,

En querant droit de ton païs la riue

Ou à present grace à Dieu elle arriue,

Pour saluer ta hautesse tant pleine,

Au son tant bas de sa petite veine :

Tu dois penser que son petit pouoir

N’est sans auoir pour guyde grant espoir.

Plusieurs marchans, ayans ce monde cher,

Des perles vont jusqu’aux Indes chercher :

Autres vont loing pour voir bien peu de chose :

Mais ce bas monde (ainsi dire ie l’ose)

Bien grant besoing auroit en mainte terre

De telle perle, & precieuse pierre.

Le sage Roy Salomon renommé,

Bátit iadis vn beau temple estimé,

Plein de richesse, & de deuotion,

Qu’on alloit voir par admiration :

Mais Iesuchrist, vray Salomon le sage,

En a ici vn riche à l’auantage :

Edifié, d’industrie naïue,

Et si l’a fait de belle pierre viue,

Et consacré de son sang precieux,

Qui [p. 48]

48 30

Qui le fera eleuer iusqu’aux cieux.

Eureux donc l’oeil qui voit & qui contemple

Les dons de Dieu dedans ce sacré temple :

Et plus eureux qui par immortel nom

Luy en rendra grace, gloire, & renom.

fin des epistres.

S’ENSVIVENT LES
ELEGIES.

[p. 49]

[1]ELEGIE SVR LE
trespas de Catherine Fontaine,
sœur de l’ Autheur.

L as, elle est morte, elle est en terre mise

Celle que Dieu, voire seule, a permise

Viure auec moy, apres tout frere • il s'agit de Pierre Fontaine, Benoist Fontaine &
sœur • il s'agit de Jacqueline Fontaine ,

Et apres pere & mere : or est il seur.

Las, elle est morte, & en terre boutee.

Mercure auec sa verge redoutee

De tous esprits, Mercure aimé des Dieux

Son cler esprit a conduit es hauts cieux.

Arriere pleurs donques, Fontaine, arriere :

Pourquoy es tu conuertie en riuiere ?

Or say-ie bien que quand ie chanterois

Mieux qu’ Orphëus, ne la retirerois

De la puissance & charge de Mercure,

Qui, en ce cas, de m’exausser n’a cure :

Et si say bien qu’elle a son mal vaincu,

Par qui elle a plus languy que vescu

Cinq ou six ans : mais l’amour fraternelle

Ne me sauroit deffaillir enuers elle.

d [p. 50]

C’est ceste amour qui l’arrose en mes pleurs,

Et l’arrosant augmente mes douleurs.

C’est ceste amour, sur toutes principale,

Qui m’a rendu esplouré, triste, & palle.

C’est ceste amour que nature enracine,

Qui de mon poing fait batre ma poictrine,

Et qui me fait auec pleurs souspirer,

Tant que ne puis mon aleine tirer.

Si Aurora, & Tethys, grans Deesses,

Du ciel & mer regentes, & princesses

Ont tant pleuré Achilles, & Memnon,

Puis-ie ne pleindre, & ne pleurer ? ha non.

Et si encor du grand Souleil les filles

Ont eu les yeux à pleurer tant faciles

Dessus leur frere, abysmé sans secours,

Qu’en arbre humide, & qui pleure tousiours

Muees sont : qui me pourra deffendre

De ne pleurer ma sœur, ia terre, & cendre ?

Toy son espoux pleure sur ton espouse :

Et moy son frere, autant que dix ou douze

Dessus ma sœur ie pleureray sans cesse.

Or sus allons tous deux pleins de tristesse,

Vestuz, helas, de noirs habitz non ceinctz

Les [p. 51]

Les yeux de pleurs, les cœurs de regretz pleins,

Chanter sus elle vn piteux requiem.

Allons offrir à Pluton l’ancien,

Vin auec laict, noirs moutons, & brebis.

Allons en dueil & de cœurs & d’habitz

Ses beaux os blancs recueillir tous ensemble.

Auec la main qui toute de dueil tremble :

Puis les mettans en beau coffre de marbre,

Pres d’vn cypres, qui est douloureux arbre,

Les baignerons en pleurs, en laict, & vin,

Entremeslans ce seruice diuin

De telz regretz : Or es tu trespassee,

Et comme fleur or es tu tost passee.

Encor n’auois ton cours demy parfaict,

Quand fauce mort ce meschant tour t’a fait :

Encor n’auoit la ride fait outrage

A ton bening, & ton tendre visage.

Cire n’auoit bordé tes yeux si bons,

Ny la blancheur gasté tes cheueux blonds.

Maudite mort, tousiours tes noires ailes

Abbatront ilz les choses les plus belles ?

Outre ceux là, tant de regretz diray

Qu’au tour de moy tout l’air i’en rempliray.

d 2 [p. 52]

52 65

Ma seule sœur, non plus sœur, car ie suis

Frere sans sœur, di pourquoy tant me fuis ?

Tu n’auois pas demi parfait ton aage

Quand Lachesis trop lasche de courage

Ne voulut plus desuuider le beau fil

Tant delié, tant blanc, & tant subtil,

Lors Atropos par trop pleine d’enuie

S’en vint couper ce beau fil de ta vie.

Pourquoy m’es tu tant contraire, ô fortune ?

Quand apres tout tu m’en as fait perdre vne,

Vne de corps qui valoit dix de cœur ?

Perdue l’ay suyuant vn belliqueur,

Loing de Paris, voire bien loing i’estois,

Entre les monts la mort ie ne doutois :

Et toy ma sœur qu’en la plaine laissoye

Dedans Paris trouuas de mort la voye.

Fontaine, helas, depuis que tu fus né

Or es-tu bien au monde fortuné.

Mais si i’ay veu quelque temps si prospere

Que frere estois, ores ne suis plus frere :

Car i’ay perdu le reste de mes sœurs,

Qui me sera commencement de pleurs.

Eleg [p. 53]

[2]ELEGIE SEVR LE
trespas de René, cinqiesme [sic pour cinquiesme] en-
fant, & tiers filz de l'auteur.

Dieu te gard donc mon petit filz René,

A Dieu mon filz aussi tost mort que né :

Dieu gard mon filz venant sur terre ronde,

Adieu mon filz departant de ce monde.

Tu n’as encor le laict bien sauouré,

Tu n’as encor le tien pere honoré,

Ne seu que c’est de maux & de liesses,

Que loing de nous tu t’en vas, & nous laisses.

Tu n’as encor vne seule sepmaine,

Que tu depars de ceste vie humaine.

Pourquoy fais-tu ton dernier partement

Si tost apres le tien enfantement ?

Petit enfant qui t’a donné enuie

De si soudain aller en l’autre vie ?

Il semble à voir que tu congneusses bien

Qu’en ceste vie y a petit de bien,

Dont as choisi les grans ioyes celestes

Pour de ce monde euiter les molestes.

Petit enfant ie croy bien que tu as

Vn autre pere au ciel, là ou tu vas,

d 3 [p. 54]

Lequel a fait que ton cœur le desire,

Quand le charnel laisses pour l’autre elire.

Petit enfant qui n’as guerre teté,

Ie ne croy point que tu n’eusses gousté

Du laict celeste, au moins deux ou trois goutes,

Quand tu t’en vas à fin que plus en goustes.

Puis que tu veux l’eternel bien choisir,

Laissé m’en as vn merueilleux desir.

O mon enfant qui as vie tant brieue,

La mienne, estant moyenne, m’est ia grieue :

Et si te dy qu’à l’exemple de toy

Me tarde bien que mon Dieu ie ne voy.

fin des elegies.

[p. 55]

SENSVYVENT LES
chantz divers.

[1]ET PREMIEREMENT,
Chant sur la naissance de Ian, second
filz de l’auteur.

M on petit filz qui n’as encor rien veu

A ce matin ton pere te salue :

Vien t’en, vien voir ce monde bien
pourueu

D’honneurs & biens, qui sont de grant value :

Vien voir la paix en France descendue :

Vien voir François, nostre Roy, & le tien,

Qui a la France ornee, & deffendue :

Vien voir le monde ou y a tant de bien.

Vien voir le monde, ou y a tant de maux,

Vien voir ton pere en proces, & en peine :

Vien voir ta mere en douleurs, & travaux,

Plus grands que quant elle estoit de toy pleine :

Vien voir ta mere, à qui n’as laissé veine

En bon repos : vien voir ton pere aussi,

d 4 [p. 56]

56 15

Qui a passé sa ieunesse soudaine,

Et à trente est en peine & souci.

Ian, petit Ian, vien voir ce tant beau monde,

Ce ciel d’azur, ces estoilles luisantes,

Ce Soleil d’or, cette grand terre ronde,

Cette ample mer, ces riuieres bruyantes,

Ce bel air vague, & ces nues courantes,

Ces beaux oyseaux qui chantent à plaisir,

Ces poissons frais, & ces bestes paissantes :

Vien voir le tout à souhait, & desir.

Vien voir le tout sans desir, & souhait,

Vien voir le monde en diuers troublemens,

Vien voir le ciel, qui ia la terre hait,

Vien voir combat entre les elemens :

Vien voir l’air plein de rudes soufflemens,

De dure gresle & d’horribles tonnerres :

Vien voir la terre en peine & tremblemens :

Vien voir la mer noyant villes, & terres.

Enfant petit, petit & bel enfant,

Masle bien fait, chef d’œuure de ton pere,

Enfant [p. 57]

57 35

Enfant petit en beauté triomphant,

La grand liesse, & ioye de ta mere,

Le ris, l’esbat de ma ieune commere,

Et de ton pere aussi certainement

Le grand espoir, & l’attente prospere,

Tu sois venu au monde eureusement.

Petit enfant peux-tu le bien venu

Estre sur terre, ou tu n’apportes rien ?

Mais ou tu viens comme vn petit ver nu ?

Tu n’as ne drap, ne linge qui soit tien,

Or, ny argent, n’aucun bien terrien :

A pere & mere apportes seulement

Peine & souci : & voila tout ton bien.

Petit enfant tu viens bien pourement.

De ton honneur ne vueil plus estre chiche,

Petit enfant de grand bien iouissant,

Tu viens au monde aussi grand, aussi riche

Comme le Roy, & aussi florissant.

Ton Tresorier c’est Dieu le tout puissant,

Grace diuine est ta mere nourrice :

Ton heritage est le ciel splendissant :

Tes seruiteurs sont les Anges sans vice.

d 5 [p. 58]

[2]Chant nuptial allegorique.

Par vn matin que Phebus vit

Aurora la gente, & la belle,

Sa grace, & beauté naturelle

Si fort l’esprint, & le rauit,

Qu’apres l’aymer, la poursuyuit.

La poursuyuant demoura telle,

Sa constance n’en perdit elle,

Ains plus grant beauté s’ensuyuit,

Iuppiter de son trosne hault,

Dont la prouidence ne fault,

Voyant cette amour commencee

N’eut onques contraire pensee :

Transmit auec son brandon chault

Venus sa fille, qui tant vault,

Par qui l’amour fort auansee,

Feit qu’ Aurora fut fiansee.

Dont la ioye au ciel ne deffault,

Car tous les dieux & les deesses

Menerent diuines liesses :

Hymen apres les fiansailles

Les va semondre aux espousailles :

Iuno, l’vne des grans princesses,

Y vint [p. 59]

Y vint couuerte de richesses :

Mars quicta ses dures batailles :

Vulcain en laissa ses ferrailles :

Tous dieux feirent feste & caresses

A Phebus, & à Aurora,

Et chacun d’eux les honora

Pour l’vnion de leurs haultesses.

Apollo auoit, encor a,

Sa harpe de fin or doree,

Sa harpe des dieux adoree,

Dont les nopces il decora,

En iouant matin, & seree.

Qui en la sorte le verra,

Et sa chanson diuine orra,

Sera bien personne honoree :

Et qui à sa note sacree

Vn seul tordion dansera,

En l’instant immortel sera.

Mercure, qui maint cœur recree,

Dont le chant mesme aux dieux agree,

Y deffailloit tant seulement :

Iuppiter en autre contree

L’enuoya de son firmament

Porter message promptement

[p. 60]

Pour le Dieu Mars, qui au banquet

Alloit portant ioyeusement

Au bout de sa lance vn bouquet,

Qui se rioit au ferrement.

[3]LE DIEU GARD À
la ville de Lyon, faict l’an
1540.

Dieu gard Lyon, la clef de France,

Pleine de gens, & de cheuance :

Dieu gard Lyon, qu’en marchandise

Par-dessus toute autre l[’]on prise :

Dieu gard Lyon, dont m’esmerueille,

Apres Paris la nompareille :

Dieu gard Lyon bien decoree

De mainte deesse honoree.

Dieu gard les seigneurs, & les dames.

Dieu gard les corps, & plus les ames :

Dieu garde le Rosne auec la Saone :

Que fussiez vous vin blanc de beaune,

Ou encor meilleur, & plus doux,

Croyez que i’en beurois à vous.

L’adieu [p. 61]

[4]L’ADIEV À LADITE
ville, ou l’auteur auoit prins fem-
me, & pour vn sien proces
s’en alloit à Paris l’an
1547.

A Dieu Lyon la clef de France,

Abondant en toute plaisance :

Adieu Lyon, dont ie depars :

Adieu amis de toutes pars.

Adieu mon seul filz & sa mere :

Priez à Dieu qui gard le pere.

Adieu les dames de Lyon,

Et des atours vn milion :

Ie ne dy point adieu dorures,

Cheines, carquans, & garnitures,

En May, que fustes en esmoy,

Ilz vous dirent adieu sans moy.

Adieu comperes, & commeres :

Adieu les filles, & les meres :

Adieu les filles bien coiffees,

Doy-ie dire nymphes, ou fees ?

Adieu le Rosne, adieu la Saone,

Qu’eussiez vous le sable d’or iaune

Comme le beau fleuue Tagus.

[p. 62]

62 20

Adieu les yeux fins, & agus,

Adieu les beaux tetins ouuers,

Adieu les colz tous descouuers :

Adieu veloux, & fine soye,

Adieu iusques ie te reuoye.

Mais adieu ne diray-ie mye

A l’amy, qui de son amye

Quatre beaux cheueux m’apporta ?

Adieu le chef qui les porta :

Adieu le corps qui le chef porte :

Adieu celuy qui les apporte :

Que puissiez vous tous deux tousiours

Eureusement viure en amours.

[5]Le Dieu gard à la ville
de Paris.

Dieu gard Paris le chef de France,

Qui est le lieu de ma naissance :

Dieu gard Paris, puis que ma veuë

Depuis sept ans ne l’auoit veuë :

Dieu gard Paris creuë, & enflee,

De gens, & maisons redoublee,

Qu’on vit tresgrant croissance prendre

Du temps de la grant Salemandre :

Dieu [p. 63]

Dieu gard Paris encor croissant

Du temps de ce noble Croissant.

Dieu gard Paris en communs dictz,

Des femmes le grant Paradis.

Dieu gard Paris, entre dix mille

La grande, longue, & large ville :

Dieu gard le plus hault Parlement,

Iugeant tant equitablement,

Qu’il est, par sus tout autre iuge,

Des oppressez le vray refuge.

Dieu gard la ville, & la cité,

Et la haulte vniuersité,

Vray mont d’Helicon, ou les Muses

Sont copieuses, & diffuses,

Ou maint bon esprit me semond :

Dieu gard donques, Dieu gard ce mont

Qui toute la ville decore.

Dieu gard les Pontz : Dieu gard encore

Les longs fauxbourgs, pres des villages :

Dieu gard les beaux grans heritages

Dieu gard sainct Denis, & Montmartre :

Et de sainct Valeri le tertre.

Dieu gard ma maison paternelle,

Au be [p. 64]

Au beau milieu de l’Isle belle,

Maison assize vis à vis

De nostre dame, & du paruis,

Qui a la belle fleur de France

Pour son enseigne & demontrance.

Dieu gard mes parens, & amis :

Dieu me gard de mes ennemis :

(Si la fortune ennemis donne

A celuy qui ne hayt personne :

Et si l[’]on porte inimitié,

A cil qui ne quiert amitié.)

O quel desplaisir mon cœur sent,

Que ie ne puis dire à present,

Dieu gard mon pere auec ma mere,

Dieu gard ma sœur • la dernière sœur vivante de Charles Fontaine est Catherine Fontaine , dieu gard mon frere • Le dernier frère vivant de Charles Fontaine semble être Pierre Fontaine !

Dieu gard Clamart & Ian Ticier

Mon gentil pere nourricier :

Dieu gard sa femme sans malice,

Qui fut ma gentille nourrice :

Dieu gard la riuiere bien pleine,

C’est asauoir la belle Seine,

Dont i’ay veu de fresche memoire

Deux belles sœurs, la Saone, & Loire.

Dieu [p. 65]

65 55

Dieu gard de plus grande ruine

Le pont saint Michel, qui decline.

Dieu me gard de beaucoup troter,

Ie pourrois bien trop me croter :

Dieu me gard que mon long proces

Voye deux foys sol en Pisces.

[6]PETIT CHANT DE
lovange, à tresillvstre,
& tresuertueuse Princesse, Madame
Marguerite de France, Du-
chesse de Berri, fille
& sœur de Roy.

Fille de Roy perle vnique de France,

Et sœur de Roy d’inuincible puissance,

Seule Pallas dont l’oliue on espere,

Signifiant paix au monde prospere,

Vraye Pallas en science, & vertu,

En cœur, de force armé, & reuetu,

Des bons espritz le support & l’attente,

Comme ta noble, & vertueuse tante,

Qui t’a laissé (apres que par grand aage

Elle a vescu) cet office en partage,

Si que l’on dit qu’elle reuit en toy

e [p. 66]

Par ton grand sens, & purité de foy :

O de tous biens la source & la Fontaine,

En qui la France a fiance certaine,

Ie di encor toute la Chrestienté,

De voir vn iour son repos & santé,

Si en mes vers tant bas, voulois coucher

Ton loz tant hault, ou ma plume aprocher

Tant seulement, à descrire en mon stile

De tes vertuz la moindre entre cent mille

(Combien qu’en toy n’y a don que bien grant)

Ie n’aurois pas Apollo pour garant.

Car ton illustre, & treshaute noblesse,

Ton cler esprit, ta diuine sagesse,

Ta modestie, & tant forte constance,

Ta iuste main, ta vraye temperance,

Puys ta beauté, & plus qu’humaine grace,

Brief, tout en toy toute Muse surpasse.

Fin des chantz divers,
des ruisseaux de Fontaine.

[p. 67]

S[’]ENSVIT VN LIVRE
d’epigrammes, adressé par l’auteur,
à Monsieur le conseiller
Ian Brinon.

A pres lõgs traits des traitez precedẽs,

Pour le repos & d’esprit, & d’aleine,

Suyuez, Seigneur, lisant ici dedans

Ces petis vers en ma petite veine,

Dont la matiere est en partie pleine

D’honneste ioye, & recreation :

Et excusez ces ruisseaux de Fontaine

Sus mon vouloir, & bonne affection.

[2] L'auteur à sa Flora.

I’ay delaissé à Paris mes parens

Pour auec toy estre à Lyon lié :

I’ay laissé loing mes amis apparens,

I’ay mon païs, & mon bien oublié

Pour à toy seule estre seul desdié,

Tant qu’à Flora Zephyr loyal fut onque :

Puis qu’ainsi est, tu es, & seras donque

e 2 [p. 68]

Ton seul Zephyr par grand amour suyuant :

Aussi tu fuys tout autre homme quelconque,

(Hors mis luy seul) tout autre homme viuant.

[3]L’AVTEVR À SES
amis, amateurs de Poësie.

Le trezieme du moys fus né

Qui de Iules porte le nom :

Iules fut à Mars adonné,

Et moy bien peu, ou du tout non.

Iules en triomphe eut renom :

Mais bien tost Phebus parfera,

Et les neuf sœurs dont suis mignon,

Que ma Muse triomphera.

[4]A Michel du Rochay.

Rochay, Rocher d’amitié ferme,

Par oui dire tu as seu

Mais par escrit te le conferme,

C’est qu’à Lyon i’ay liesse eu,

Et que tant bon eur i’ay receu

Que ie n’ay plus de moy pitié :

Parfait suis, & ne suis deceu,

Car i’ay recouuré ma moytié.

L’aut [p. 69]

[5]L’AVTEVR À SA
Flora.

Nous viuõs bien, sans tort faire à personne,

Et toy, & moy, & nos enfans aussi :

Le grand tresor de santé Dieu nous donne,

Que ie pry fort nous maintenir ainsi.

Des biens mondains auoir ne puis souci,

Mon esprit sent quelque cas de plus hault

Que s’abaisser à cette terre cy :

Du ciel il vient : là retourner luy fault.

[6]A MONSIEVR
Brinon.

Le ieu est faict pour la resiouissance

Autãt ou plus que pour perdre ou gaigner :

Mais resiouy pourrois ie estre en l’absence

De ma Flora qui me peult seule orner

De fleurs de ioye, & seule regaingner.

Seule elle m’a gaingné, & puis perdu,

Dont son esprit, dans le mien, esperdu,

Me regaingnant se perd, & se perdra,

Iusques à tant que son gaing, loyal deu,

Par sa presence esiouy me rendra.

e 3 [p. 70]

[7]Dieu gard à la ville de Chartres.

Dieu gard Chartres, & les Chartrains,

Et toy mon grand amy d’elite,

Qui ma Muse à te voir contrains

Pour l’honneur plus grand que merite

La vertu qui dans toy habite :

Dieu gard ta nymphe & damoiselle,

Ta famille, & toute ta suite,

Et bon eur soit tousiours en elle.

[8]Au lecteur.

Si Martial est renommé

Epigrammataire gentil,

Pour auoir son temps consumé

Et maint epigramme subtil,

Pour quoy donc ne sera l’outil

De ma Françoise Muse aymee,

Renommé ? encores eust il

La pointe vn petit moins limee ?

A Iean [p. 71]

[9]À I. Gentil, & à son fils, menestriers de
Paris, & Musiciens du Roy.

Tv es Gentil, Gentil es tu

De cœur, de corps, de nom, de faict :

Et si vas gentiment vestu

Auec ton filz que tu as fait

Comme vn autre toy tout parfaict

A sonner les gentes aubades :

Qui fait gentilz saultz, & gambades

Que me montrastes gentement :

I’ay veu Phebus, & les Dryades

Ne baler pas plus brauement.

[10] L'auteur à ses Vers.

C’est vous, c’est vous mes petis metres

Qui me faites estre du nombre

De ceux lesquelz viuent en l’ombre,

En la peine, & plaisir des lettres.

[11]Dieu gard à la ville d’Oorleans [sic pour Orleans],
en Nouembre. 1554

Dieu gard la ville d’Orleans,

Ville sus toute bien fournie

e 4 [p. 72]

D’excellens vins qui sont leans

En grand quantité infinie :

Dieu gard mon alliance vnie,

Touchet, planté au territoire :

Son nom, que ma Muse n’oublie,

Sur le vieil temps aura victoire.

[12]À Monsieur le Baron de l’Espinasse.

Reuisitant vostre grand librairie

(Seigneur Barõ) mõ esprit eut grãd ioye :

Mais puis apres, entrant en facherie,

Il commença cheminer autre voye :

Et c’est pourtant que fortune conuoye

Mon esprit prompt d’vn regard de trauers :

Et que ne puis, par faulte de monnoye,

Liures auoir, soit en prose, ou en vers.

[13]À Monsieur Angelus.

I’ay bien deux ou trois cens amis,

Mais voire bien deux ou trois mille :

Si donc chacun d’eux auoit mis

Pour petite estreine gentille

Vn bel escu d’or, croix & pille,

En ma bourse, voire & non plus,

Lors [p. 73]

Lors par leur amitié vtile

I’aurois deux ou trois mille escus.

[14]À Monsieur Saliat.

Ie ne suis pas vn importun,

N’y ne seray, ny n’ay esté :

Mais trouuant le temps opportun

Vers quelque homme d’autorité,

Lors sans grande solennité

(Et sans trop me recommander,

Sous espoir d’en tirer du bien)

I’ay demandé sans demander,

Ou n’ay demandé du tout rien.

[15]À Monsieur le Conseiller
Ian Brinon.

Sous vn climat tous deux nous sommes nez,

Tous deux d’vn cuir, & quasi d’vn pelage :

Sous mesme guide, & de feruent courage

Nous poursuyuions de science estre ornez :

Et puis encor ces trois nous sont donnez,

Vn parler cler, & quasi vn mesme aage,

Vne amitié de bien ferme alliance :

e 5 [p. 74]

Puis qu’ainsi est, di moy en conscience,

Comment se fait qu’as si grand auantage

Par dessus moy, en biens, & en science ?

[16]Apostrophe à la riuiere de Saone :
quand l’Auteur faisoit sa
prouision en Bour-
goigne.

De toy me plaings, Saone sourde, & fa-
cheuse,

Et m’en plaignant, ie ne fay que deuoir :

A m’exauser tu es trop paresseuse,

Ne t’abaissant pour me porter reuoir

Flora ma Nymphe : & sans moy la vas voir

Dedans Lyon, ou i’aspire, & i’espere :

S’il ne te plaist m’y donner cours prospere

Dedans briefs iours, vers mon cœur, & mõ biẽ,

Ie le diray au Rosne ton grand frere,

Rosne le fort qui te menera bien.

[17]À sa Flora.

Ie suis bien sain, & si vis à regret

En mon seiour, de mon destin permis :

Ie ri aux gens, & souspire en secret

Qui ay plus mis que ne t’auois promis,

Voire [p. 75]

75 5

Voire de temps i’en ay doublement mis.

En deuisant, mesme à table, il m’ennuye :

Et si me fasche entre mes grans amis,

Loing de Flora, ma seule & grande amie.

[18]Autre à elle mesme.

La Saone va sur les prez, & buyssons

Lauer les piedz des arbres esbahis,

Qui vont tremblans auec leurs chefs grisons,

Et pensent estre en vn nouueau païs,

Car de voir l’eau ilz sont tous esblouys.

Tout ainsi est la Fontaine esblouye,

Tout ainsi est la Fontaine esbahie

De ne plus voir Flora qui tant merite :

Et voudroit bien, pour estre resiouye,

Courir au pied de cette fleur d’elite.

[19]À vn glorieux importun, qui s’en-
queroit tousiours, & trop, de
l’auteur, que c’est qu’il
faisoit.

C’est raison que ie remercie

Cil qui tant de moy se soucie

Que s’enquerir tant que ie fais,

Sans que i’enquiere de ses faits :

Ie [p. 76]

76 5

Ie luy respons par raison viue,

Que ie songe, à fin que ie viue.

[20]Autre, audict importun.

Te rencontrant, ce m’est vn faix,

Qui t’enquiers tant de mon affaire :

Mais quand tu quiers tant que ie fais,

Ie croy bien que tu n’as que faire.

[21]À sa Flora.

Nul chantz y a aux champs,

Nul oyseau y iargonne :

Mais les vents y couchans

Meinent si rudes chants

Que la teste m’estonne.

Tout arbre aux champs grisonne :

Et ie y grisonne aussi,

Par ennuy & souci

Qui mon cœur enuironne :

Si de là iusque ici

Ton amour sans nul si

Lyesse ne me donne.

A l’a [p. 77]

[22]À l’ ami qui ne prestoit que sur bon
gage, ou sur bon hypothecque,
mesme à ses plus grans
amis.

Qvand Guy demande argent pour prest,

Tu dis, que sa vigne en responde :

S’elle en respond, tu es bien prest

De luy prester la somme ronde.

Ton espoir donc se fie, & fonde,

Et ton amour prent son appuy

Plus sur sa vigne que sur luy.

Or maladie non petite

Te tient au lict, & en ennuy,

Dy que sa vigne te visite.

[23]À vn ami.

I’ay presté deux où trois cens francs,

Sous sedules, & sans sedules :

Ainsi que les bons amis francs

N’ont particularitez nulles,

Lisans es cœurs trop mieux qu’es bulles.

Tu dis que c’est argent perdu :

Ie di que c’est argent rendu :

Dieu me le prestoit pour luy rendre :

Quand [p. 78]

Quand tout sera bien entendu

I’ay semé mon grain en temps deu,

Plus ne le puis perdre, ou despendre.

[24]À E. M.

Tv crains que ta femme & enfans

Ne tombent en necessité,

Toy qui de sept ou huit cent francs

Es à quatorze cens monté :

C[’]est a dire (à la verité,

Et à le prendre en son bon sens)

Que tu cains que la poureté

Ne t’arreste à quatorze cens.

[25]Au Seigneur I. de Cambray Chancelier
de Bourges, estant à Constantino-
ple, & tenant le lieu de mon-
sieur d’Aramon.

Depuis quatre ans de pardeça

L[’]on vous disoit surprins de mort :

Mais depuis quatre moys en ça

I’ay seu que ce bruit vous feit tort :

Car il n’est rien de ce cas là.

Or, bon ami, i’ayme plus fort

Qu’en santé soyez par dela

Que par deça malade ou mort.

A son [p. 79]

[26]À son ami-ennemi.

Ce que le ciel a ordonné

Tu veux donc m’empecher d’auoir ?

Mais en fin il le m’a donné

Malgré toy à male heure né,

Auec tout ton damnable auoir.

Du bien que m’as veu receuoir,

Qui fut à moy seul destiné,

Tu peus (miserable) ia voir,

(Sans mon attente deceuoir)

Le beau fruict de graces orné,

Fruict durable, & non terminé :

Mais le ciel fait en toy deuoir,

Quand il te fait aperceuoir

Ton blé en herbe ruiné.

[27]À sa Flora.

La viue odeur de ta vertu aymable,

Par vn destin à t’aymer m’a raui :

Et puis sentant vne mort transformable,

Ores en toy, non plus en moy ie vi.

A sa [p. 80]

[28]À sa Flora : sur ce que le temps, & le
ciel, guident & fauorisent
leur amour.

Faisant chemin deuers ma Fleur d’elite,

I’ay temps à gré : mais partant d’auec elle,

Le ciel se trouble, & le temps se despite,

Le vent me poulse, & m’est par trop rebelle :

C’est vn grand cas, mais la chose est bien telle.

Certes le ciel, & chacun element

Ne peult souffrir nostre departement,

Mais nous fait voye, & nous rit au retour :

La raison est, ie le croy fermement,

Car du ciel vient nostre loyale amour.

[29] L’auteur à son detra-
cteur.

Tv dis ma Muse sans esprit

Puis que ne s’est peu faire riche :

Mon bien paternel elle prit,

Qu’elle mit en partie en friche :

Et d’autre part ie ne fus chiche

Ny a parens, ny a amis,

Ny mesme à mes ennemis :

I’ay toutesfois, & sauf ta grace,

Plus [p. 81]

Plus que toy, ny toute ta race

Obscure, incongnue à tousiours,

I’ay vn bien qui tous les biens passe,

Et qui croistra apres mes iours.

[30]Autre, audit Zoïle detracteur.

Si i’ay eu l’esprit de dresser,

De grace, & audace non molle,

Batiment plus hault qu’vn Mausole

Que l[’]on vit au ciel se haulser :

N’eusse-ie pas peu amasser,

D’vne inuention non friuole,

Le tresor mondain qui s’enuole

Auec noz ans qu’on voit passer ?

Ie pouois tant te surpasser

En cette terrienne escole,

Que toute en fin or mon idole

T’eust peu par son lustre effacer,

Et par sa pesanteur presser.

[31] L’auteur escrit de sa naissance, & sous
quelz Roys il a vescu.

Au beau milieu de la grand ville

Sans per, & au milieu d’vne isle

Entre le Nort & l’Occident,

f [p. 82]

Deuant le grand temple euident

(Dont le hault front bien atourné

De deux grans cornes est orné)

Fontaine a pris sa source & course,

Quand le Roy-Pere, tresprudent,

Au Fleuue Styx alloit tendant,

Sans ruisseaux masles de sa source.

Puis le Roy Franc, qui tint la bourse

Ouuerte aux Muses & aux ars,

Leua son beau grand chef, & pource,

Se feit paroistre en toutes pars.

Apres luy vn Croissant de Mars

Nous montre ores sa face ouuerte

(Comme Sol, en lumiere aperte,

Plus cler que l’Astre des Cesars)

Compensant des premiers la perte.

[32]À Clement Marot, quand l’auteur
alloit disner auec luy.

Ie n’ay veu ton pareil encor

En douceur de rime Françoise :

Car, ami Marot, autant qu’or

Plus qu’autre metal luit, & poise.

Tes vers François en douce noise

Vont [p. 83]

Vont surpassant le stile antique.

Et croy qu’en ton art Poëtique

Le temps à peine amenera

Vn Poëte si doux-vnique

Qui plus doucement sonnera.

[33] L’auteur à sa Flora.

Le vieil Poëte Ascree (né

En petit lieu, hault, infertile)

Son nom iusqu’à nous a mené

De ses vers vetu, & orné :

Moy (d’vn grand lieu, bas, & fertile)

Ailé de ma Muse gentille,

Ton nom, & le mien porteray,

Et bien loing ie le planteray,

L’arrosant de l’eau de mon stile

Pour reuerdir au diuin pré,

Vainqueur de l’antique faucille.

[34]À Monsieur du Parcq.

Ie n’escri pas pour deux, ne trois, ne quatre,

Ie n’escri pas pour cinq, ne six, ne sept,

I’escri pour moy : puis apres pour esbatre

Cent mil esprits : ainsi comme l[’]on scet

f 2 [p. 84]

84 5

Que mes vers sont comme grans prez ouuerts

Ou cent mille fleurs de cent mille personnes

Cueillies sont, & Estez, & Yuers,

Fleurs ne craignans ny Yuers, ny Autonnes.

[35]A vn sien amy qui portoit ceste deuise,
Tousiours ioyeux, &
leger d’argent.

Tv vis, tu ris, & fays grand chere,

Et fy d’argent, qui n’en as guere :

Si tu en auois trop aussi,

Tu serois en peine & souci,

Ou d’en acquerir dauantage,

Contrefaisant du riche & sage :

Lors tu n’y oserois toucher

De peur du poure argent fascher.

Ou bien tu prendrois autre charge

De te montrer prodigue, & large,

Et ne cesserois de penser

Sinon les moyens d’auanser

Ce bel argent, & le despendre.

Par ainsi donc, à tout comprendre,

Vault il pas mieux en heur prospere

Estre ioyeux, & n’auoir guerre ?

Au [p. 85]

[36]Au lecteur.

Que nul ne se vienne vanter

D’auoir mis la main sus mes vers

Que ma Muse voulut enter

Au tronc qui les fait reietter :

Et tousiours florissans, & verds,

Tout à plain, & tout descouuers,

En public les vient presenter

Pour dix mil autres contenter.

[37] L’auteur, à sa Flora.

Ton port droit, & ta belle allure

Auec naturelle allegresse,

Ton corps, qui de taille, & mesure

Se iette en moyenne hautesse,

Qui me passe ou qui me mesure,

Ton maintien qui me sent son bien,

Sont tes dons que chacun voit bien :

Mais ton bon sens, ioint à l’vsage,

Mais ton peu de parolle sage

Qui s’egale auec ta prudence,

Ton preuoir, & ton hault courage

Ne sont à tous en euidence.

[38]À elle mesme.

Tes grandes singularitez,

f 3 [p. 86]

Tes vertus, & tes raritez,

Muettes s’en alloyent mourir,

Sans moy qui les vien secourir.

Car mes vers par toy excitez,

Rendent tes dons resuscitez,

Les font parler, & reflorir.

[39]Autre, à elle mesme .

Le renom encores volant,

Bruit que Sapho fut accolant

Son doux luc, bien qu’elle soit morte,

Et que de luy nul chant ne sorte,

Abbatu de sort violant :

Et ie prophetise en la sorte

Qu’apres ta mort, ô ma Flora ,

Encor de toy l[’]on parlera,

Et dira l[’]on à ta loüange

Qu’as de mon luc les nerfs tendus,

Dont les chants sont loing entendus.

En la France, & en terre estrange,

Depuis le Gade iusqu’au Gange.

[40]À sa femme & enfans, pa-
rens & amis.

Vous mes amis , & vous tous mes parens,

Et vous ma femme & mes enfans aussi,

Ne [p. 87]

Ne menez dueil, ny regretz apparens

Ny en secret, quand de ce monde cy

Ie partiray, alaigre, & sans souci :

Car soyez seurs quand ce mien corps mourra,

Que mon meilleur, immortel demourra.

Ne pensez pas que vous & moy i’abuse :

Mon plus d’honneur mieux que iamais viura,

C’est a sauoir mon esprit, & ma Muse.

[41] L’auteur, à son Zoïle detracteur.

Ce qui te fait si maigre, & palle,

C’est vne auarice, & enuie,

C’est vne furie infernale

Qui ronge ton ame, & ta vie,

Trop miserable & asseruie :

C’est vne furie qui torche,

A grans coups d’vn baton de torche,

Ton cœur, de rage espoinsonné :

Et qui ton corps tout vif ecorche

D’vn rasoir de [Eac] ordonné.

[42]De sa Flora .

Le petit Prince des oyseaux

Ne chante qu’en vne saison,

f 4 [p. 88]

Et en ces chants, sur tous tresbeaux

Se complaint d’vne desraison :

Moy, aux champs & en la maison

Content, ie vois chantant sans cesse

Les loüanges de ma princesse,

De ma Flora, qui fait florir

Ces miens vers, dont elle est maitresse,

Vers verdissans pour ne mourir.

[43]Autre, à l’honneur de ses vers,
& de sa Flora.

Le viel faucheur, dont la grand faux

Fauche tout, onc ne fauchera

Mes vers, lesquelz n’ont rien de faux,

Vers (bien qu’ils ne soyent des plus haults)

Dont l’honneur iamais ne cherra,

Comme inspirez par ma Flora.

[44] L’auteur escrit ce Dizain à l’hon-
neur de ses vers.

Xerxes monté dessus vne montaigne

Pleura, voyant son cãp par la cãpaigne

(Camp qui n’a eu pareil, ny depuis l’heure,

Ny parauant) disant que fault que meure

Dedans cent ans telle gloire bellique,

Sans [p. 89]

Sans que de tous vn tout seul en demeure :

Mais moy monté sus le mont Thessalique

Certainement tant s’en fault que ie pleure,

Voyant marcher l’escadron de mes vers

Pres les ruisseaux de ma Fontaine ouuers,

Qu’en moy ie ri : ioye mon cœur époint,

Car tousiours vers iamais ne mourront point.

[45] L’auteur, en la ferueur, & faueur
de sa Muse.

Ie deuanceray la carriere

Sur ceux qui vont courant plus vitte,

Ie mettray leur course en arriere

Par la mienne encor plus subite.

Autre esprit que le mien, m’enflame

D’vne diuine ardent flame :

Ma Muse (Madame) m’incite

De voler, pour rauir le pris :

La victoire mesme i’excite,

Quand telle course, & cœur i’ay pris.

f 5 [p. 90]

[46]À tresnoble, & tresflorissante Princesse,
Madame la Princesse de Ferrare, du
temps de sa venue en France, & de ses
nopces auec Monsieur d’Aumale, à
present duc de Guise.

Pvis que tu es ô illustre princesse,

De France issue à cause de ta mere,

(La vertueuse, & tresnoble Duchesse,

Ornee en biens de la double richesse)

Bien fois venue en la France prospere,

Ou ton cœur noble en peu de iours espere

Se ioindre auec son desir ou il tend,

Le filz du Duc, qui t’ayme, & qui t’attend :

A celle fin qu’en iouissance entiere

Par amour soit l’vn, & l’autre content.

[47]Autre, à elle mesme, & audit temps.

Le mesme point qui ta mere Duchesse

Feit vingt ans a, en l’Itale passer,

Te fait aussi, ô Duchesse & Princesse

Cet an present en la France adresser :

Dont ie conclu, apres bien y penser,

Qu’à toutes deux vne chose fatale,

A fait à mere, & à fille laisser,

A l’vne France, & à l’autre Itale,

Autre [p. 91]

[48]Autre, à ladicte Dame arri-
uant à Lyon.

Qvand tu partis du lieu de ta naissance

I’ay seu que tout estoit en troublement,

Les gens pleuroient, & le grand Element :

Et maintenant arriuant en la France

Vers ton espoux, qui t’ayme fermement,

As le temps beau, & à commandement,

Et des François grand recueil, & caresse :

Il appert donq, florissante Princesse,

Que ta venue eureuse, est de grand fruict :

Et floriront en tout honneur, & bruit

Cete alliance, & cette bien venue,

Des gens aymee, & du temps bien congneue,

A qui la France, & aussi le ciel rit.

[49]Autre à elle mesme.

Grande beauté, grande race, & richesse,

Princesse, sont en toy abondamment :

Douceur, honneur, de vertu l’ornement :

Sauoir, sagesse, & santé, & ieunesse,

Noblesse aussi y est treshautement,

Brief, tous biens sont en toy parfaitement,

Et toutefoys tu n’es encor parfaite :

Si à [p. 92]

Si à Platon fault croire aucunement,

Tu n’as sinon ta moitié seulement,

Par ton espoux entiere seras faicte.

[50] L’auteur à sa Flora.

Tv dis souuent, mon Zephyr n’appert rien,

A tout le moins mõ Zephyr n’apert guere :

Cela disant, tu ne dis pas trop bien,

Flora ma Nymphe, en fleur, & fruict prospere :

Ains c’est parlé en trop basse maniere,

Dont ie t’excuse, & si tu me fais tort :

Haulse vn petit ton bas esprit plus fort,

Lors de moy mieux viẽdras dire, & cõgnoitre :

Car peu de gens ont l’honneur apres mort

Que tu me vois durant mes iours acroistre.

[51]À Françoyse Fontaine, petite
fille de l’Auteur.

Parisienne, & Lyonnoise,

Denom, & nation Françoise,

Ma seule fillette en ce monde,

Dont la charge tant peu me poise,

Quand tu te ris, ie me dégoise,

Quand tu gasoilles, ie me fonde

Rentrer en ieunesse profonde :

Dieu [p. 93]

Dieu te doint bon esprit sans noise,

Comme on lit en ta face blonde

Douceur, bon eur, grace, & faconde,

Autant qu’en Dame, ou en bourgeoïse.

[52]À monsieur Saliat.

Resiouy toy ainsi que Iuuenal,

Voyant Catulle au retour du naurage [sic pour naufrage] :

I’ay presque veu sur mer mon iour final,

Quand comme luy i’ay passé dur passage.

À la minuict tous les ventz de grant rage,

Le Nort, le Sud, l’Est, l’Oest se leuerent,

Et dessus moy de tous cotez ruerent :

Mais Eolus, & le puissant Neptune

Fontaine triste en la mer escouterent,

La preseruant de mal, & de fortune,

[53]Audit Saliat.

Voyager loing belle chose est ce,

Quand on reuient tel comme on part,

Mais vn grant argent s’y depart :

Puis i’y ay laissé ma ieunesse,

Et de mes œuures vne part.

L’aut

[54] L’auteur à ses amis.

[p. 94]

Ie say tresbien ce qu’a escrit Ouide,

Que les escrits plaisent apres la mort :

Car faulse enuie apres mort tourne bride,

Et la chair viue elle picote, & mord :

Mais d’imprimer mon œuure ie n’ay tort,

Pour obuier, en le vous presentant,

A maintz bauars qui vont tout éuentant,

Et puis apres, & aux prests, & aux pertes

De maints traitez que ie vois regrétant :

Ne sont ce point trois raisons bien apertes ?

[55] L’auteur, à vn sien ami.

Tv dis tousiours qu’honneur on ne fait pas

Aux vifs, mais bien aux Poëtes passez,

Et que i’auray apres le mien trespas

Plus grand renom auec les trespassez :

Or m’en contente, & i’en ay bien assez

(Grace à Phebus qui m’a voulu nourrir)

Mais quand i’ay bien tes propos compassez,

Tu me veux faire enuie de mourir.

D’vn [p. 95]

[56]D’vn brodeur, grand ouurier, mais
qui auoit laissé son manteau
à la tauerne, pour gage.

Ce brodeur qui me prie tant

Que quelque cas de luy i’escriue,

Sait bien de broderie autant,

Mais beaucoup plus, qu’homme qui viue :

Tantost brode vne image viue

Sur vne chappe bien en point,

Tantost vn ciel fort braue, & coint :

Puis vn colet, puis vn carreau :

Il brode tout, cape & pourpoint,

Mais ne peult broder son manteau.

[57]À Damoiselle Catherine Morelet,
fille de Monsieur de la Mar-
cheferriere.

Belle, tu peux voir hardiment

Mon liuret de la Contr’amie

Car elle louë honnestement

La bonne amour, blasmant l’amie

Trop enchantee, & endormie

Aux honneurs, & biens de ce monde,

Ou [p. 96]

Ou ton ieune esprit ne se fonde,

Par pere & mere bien instruit :

Car ie sçay que tout à la ronde

Le Souleil y chace la nuict.

[58]À l’Escuyer Catherin Ian.

Voz cheuaux vous font grant despense

Qui voz courriers, & pacquets portent :

Mais i’en sçay d’autres, quand j’y pense,

Qui plus alaigres se comportent,

Et qui du bout du monde sortent

Portans par la machine ronde

En poste le tresor du monde

Le long de l’an, sans perdre aleine,

Et marchent sus maint monstre immonde,

Et ne mangent foin ny aueine.

[59]À treshaute, & tresexcellente Princesse,
Madame la Duchesse de Vendosme,
fille vnique du Roy & Royne
de Nauarre.

La maiesté, & doux port de ta grace,

Perle perfaite en grace, & en beauté,

Meritent trop que ma Muse te face

Tousiours honneur : Cela fut arresté

Des-lors [p. 97]

97 5

Des-lors qu’à Tours fus à toy presenté

Auec vn liure en prose pour present,

Qui le receus de grand humanité

Comme feras cette Muse à present.

[60]Apostrophe, au Pau, riuiere d’Italie,
sus laquelle l’auteur alla de
Turin à Venise.

O Pau qui as sus tout Fleuues l’honneur,

Puis qu’à bon port as porté la Fontaine,

Et que ce tour luy as fait, & bon eur,

D’oresnauant en sa petite veine

Ira bruyant ta loüange certaine.

O Pau qui es de tous fleuues le Roy,

Ton Royal sceptre, & puissance hautaine

Face sans fin trembler fleuues sous toy.

[61] L’auteur saluoit ainsi l’Ambassadeur
du Roy à Venise .

Salut te dit, Ambassadeur du Roy,

Second Phebus en douceur d’eloquence,

Second Phebus (comme on dit, & le croy)

En tout sauoir d’esprit & d’excellence,

Second Phebus en vraye intelligence

De la vertu d’herbes, d’arbres, & fruits :

g [p. 98]

Salut te dit donc la Fontaine , puis

Qu’auec le Pau qui doucement se meult,

Qui l’a portee, & reporter la veult,

Est cy venue en la belle Venise :

Salut te dit autant comme elle peult,

Mais ne le peult autant qu’elle te prise.

[62]Remontrance aux detracteurs de
de [sic.] Poësie Françoise .

Si l’Hebreu a rime pour Poësie,

L’Italien, le François mesmement,

Ie m’esbay qu’aucuns ont fantasie

A depriser assez legerement

Rime, qu’on dit Poësie autrement :

La desprisant, Poësie ils desprisent,

Et trop ingrats, leur langue bien peu prisent

En reprouuant ses Poëtiques vers :

Ainsi donc ceux qui de rime mesdisent

Sont d’ignorance ou malice couuers.

[63]Autre, sur ce mesme
propos.

I’ay congnu des gens de sauoir

Qui estimoyent en leur langage

Les vers rimez, c’est a sauoir

Tant [p. 99]

Tant que Latins, ou dauantage :

Car (sans au Latin faire outrage)

La rime auec sodn harmonie

Donne à l’oreille vne infinie

Volupté, par voix concurrente :

Aussi nul bon esprit ne nie

Que la rime riche, & fluente,

(Mais de bon sens, sus tout, fournie)

L’oreille & le cœur ne contente.

[64]À vn Stoic, ennemi des Muses, &
de toute science liberale.

Par mes vers ie t’honorerois,

Et t’ecrirois communement :

Bon iour, bon soir te donnerois

D’vn petit quatrain gentement,

Ou d’vn huitain fait brauement,

Mais à ta lourde fantaisie

Ne peult conuenir nullement

La braueté de Poësie.

[65] L’auteur inuitoit six de ses amis Lyon-
nois à ses premieres nopces.

Venez tous six, venez voir la Fontaine

Qui veult saillir de sa roche petite,

g 2 [p. 100]

100

Pour saluer en sa petite veine,

Et s’allier auec la Marguerite

Que luy auoit ce beau champ cy produite :

Venez tous six, qui en valez bien douze,

Pour voir lier par amour bien conduite

Fontaine espoux, & Marguerite espouse.

[66]Du Roy François, premier de ce nom
Dizain presenté, & leu deuant
luy, par l’auteur .

François est Roy si Royal, & si franc,

France si franche, & si obeissante,

François humain, & de si noble sang,

France courtoise, en biens si florissante,

François si fort, & France si puissante,

France croissant, François en tout bien creu

Que ie ne say (consideré & veu

Qu’entre ces deux a si grand conuenance)

Ie ne say point lequel estoit mieux deu,

France à François, ou bien François à France.

[67]À M. Annemond Polier.

Pvis qu’ainsi est que ce gentil Mercure

T’ameine voir l’equipage de Mars,

Ou [p. 101]

101

Ou le Lyon se delecte, & prend cure,

N’y espargnant d’argent cent mille marcs,

Dessus ce mont qui ne craint les Cesars

Bien venu sois, ou Pallas la deesse

A double honneur, d’armes, & de sagesse,

A adrecé la petite Fontaine

Que tu congnois, dont tu auras sans cesse

A ton command, & son cours, & sa veine.

[68]À vn amy .

Comme à ton amy singulier

Tu m’as declaré ton affaire,

Ou l[’]on peult gaingner vn milier

De bons escus (c’est profit faire :)

Mais aussi tu n’as voulu taire

Qu’il se faudroit trouuer en place,

Armé de ruse, & de fallace,

Et d’escus en bource à largesse :

Que dyable veux-tu que i’y face ?

Ie n’ay finance, ne finesse.

[69]Aux detracteurs de Poësie
Françoise .

Si chacun n’a ce beau don de nature,

Si chacun n’a du ciel cette influence,

g 3 [p. 102]

102

De composer en beaux vers par mesure

(Vray art diuin, & celeste science)

Respondez moy vn peu en conscience :

Fault il que ceux qui n’ont pas ce beau don

Laissent aller leur langue à l’abandon,

Pour detracter Poësie en tout lieu ?

(Grand Dame elle est, requerez luy pardon)

Chacun n’a pas telle grace de Dieu.

[70] L’auteur fait mention de ses
secondes nopces.

L’an mil cinq cens quarante quatre,

Au court moys (qui or’ long sera,

Et sa rigueur delaissera)

Fut pour en bonne amour s’ebatre

Lié Fontaine auec Flora :

Car trop fletrissant demoura

Sa marguerite (amour premiere :)

Donc au printemps s’enamoura

De Flora, florissant, non fiere.

[71]À S. Vallambert, Poëte Latin
& François.

Horace vn iour son Vergile attendoit,

Et ne l’eut pas apres le long attendre :

Mais [p. 103]

103

Mais auiourd’huy vn Vallambert, qu’on doit

Bien estimer (puis qu’à luy se vint rendre

Clio la Muse, en sa ieunesse tendre)

N’attendoit pas le sien ami Fontaine,

Toutesfois vient Fontaine son cours prendre

Pour saluer Vallambert en sa veine.

[72]Au iuge de Tournus, auquel l’auteur
remetoit sa reueuë, & visitation,
de moissons en vendanges.

Mon brief retour ne me veult pas permet-
tre

Te visiter, selon ta grand semonse,

Mais de ma Muse auras ce petit mettre

Seruant ici d’excuse, & de response :

Car cet escript te declare, & annonce

(O iuste iuge autant comme Eacus )

Que ma personne, à toy deux moys absconse,

Dame Ceres la remet à Bacchus.

[73] L’auteur à sa Flora enceinte pour
la premiere foys.

Svr tous plaisirs qu’onc tu me fiz,

Si tu veux que soit cette anne

Ma personne bien estrenee,

Ma Fleurie, fay moy vn filz

g 4

[p. 104]

104

[74] L’auteur, encor à sa Flora, lors qu’il
estoit sus les champs.

Le blond Phebus a prins sa robbe d’or

A ce matin, & son cler diademe,

Bien estoffé d’vn infini tresor

De pierrerie ayant splendeur extreme :

Ses grans coursiers qui sont bardez de mesme,

Courent grand trot par le ciel pur, & munde :

Les grans souffleurs laissans en paix le monde

Ont ce iourd’huy replié leurs grans ailes

Qui parmi l’air trop se batoyent entre elles :

En cœur d’yuer vn iour d’esté ie voy,

Cette iournee est la belle des belles,

Mais laide elle est quand ne suis auec toy.

[75]À vn mesdisant.

Toy qui ne fais d’vn Poëte grand compte,

Mesdis de moy, qui mesdire ne puis,

Disant par tout, que c’est à moy grand honte

Que Medecin ou Aduocat ne suis :

Ce nonobstant vn peu plus hault ie monte,

Et pour raison, malgré tout blasonneur :

Car de la France, à qui Dieu doint bon eur,

Vault [p. 105]

105

Vault il pas mieux le Poëte cinqieme

Estre en degré, en eur, & en honneur,

Que Medecin, ou Aduocat centieme ?

[76] L’auteur, à sa Flora .

Des Aduocats les consultations,

Des Medecins les recipez aussi

N’ont point acquis tresors, possessions

(Qu’on va gardant auec peine & souci)

A toy n’à moy : mais ceste Muse cy,

Muse qui est ma ioye, & ma cheuance,

Nous donnera honneur à suffisance.

O que plusieurs haultes dames de nom

Voudroyent auoir mari qui eust puissance

De leur donner par ses euures renom.

[77]Au President de Gouy.

Si l’equité est la fille de Dieu,

Et l’equité en ma cause est aperte,

Dieu est pour moy en ce temps, & ce lieu :

S’il est pour moy, ie ne viendray à perte :

Car ta science à iuger bien experte,

Et conscience au droit point immobile,

Voyant ma cause en l’equité ouuerte,

N’iroyent iamais contre Dieu & sa fille.

g 5 [p. 106]

106

[78]À Monsieur de Chantecler, Conseiller
au parlement de Paris.

Pvis qu’ainsi est que ta docte Minerue

Pour vn des fils d’Apollo a prins peine

Et qu’il te pleut en memoire, & reserue

Mettre son faict, voire en memoire saine,

Et y donner aide opportune, & plaine,

C’est bien raison qu’iceluy par ses vers,

Lesquels ira bruyant en chants diuers,

Te rende grace, & louange immortelle,

Quand ses esprits s’en vont clers, & ouuers,

Loing de proces, & de toute querelle.

[79]Des amis, non des personnes, mais
seulement de leurs bonnes
fortunes.

Qvand on est en autorité

Rempli d’honneur, & de richesse,

Tant d’amis de prosperité

Nous font compaignie, & caresse :

Mais si tost que richesse cesse,

Et que fortune nous ameine

Prison [p. 107]

107

Prison, proces, poureté peine,

Et tous maux sus nous manifeste,

O que c’est tresmauuaise alaine !

Chacun nous fuit comme la peste.

[80] L’auteur, à soymesme, de sa trop
grande & prompte faci-
lité à faire plaisir.

Qvand il aduient communement

Que l[’]on me trompe, & l[’]on m’abuse,

Cela n’est pas que nullement

Ie n’entende des gens la ruse,

Et que ne puisse prendre excuse

De prester mon temps ou mon bien :

Mais c’est que l’homme ayant maintien

De bonne foy (qui est tant beau)

L’homme rond, & l’homme de bien

C’est tousiours vn homme nouueau.

[81] L’auteur à sa Flora Lyonnoise,
lors qu’il estoit en
Bourgoingne.

Ce moys tout plein de vertes cottes,

Fleurie en qui sont mes amours,

Craindre ne dois les Bourguignotes

En [p. 108]

108

En villes, villages, ne bourgs,

Car sans toy mes plaisirs sont courts :

Garde n’ay de changer Fleurie,

Fleurie est en regne, & en cours

Ainsi que la saison fleurie.

[82]L’auteur à son amy M. P. Coritain.

Pour recreer les clers esprits

De ta ieunesse eureuse, & belle,

Ami, qui tant lis, ou escris

Mainte oeuure ou antique, ou nouuelle,

Reçoy de ma Muse le zelle,

Mes vers ioyeux, & non chargeans,

Par ce moys d’origine telle

Qu’il prent son nom des ieunes géns.

[83] L’auteur donne conseil selon le
temps, par ironie tou-
tesfois.

En tout honneur, & excellence

Quiconque veult aller auant,

Quiere l’argent, non la science,

Les lettres n’aille poursuyuant,

Mais l’argent noble aille suyuant :

L’argent fait les gens sauants, pource

Qu’au [p. 109]

109

Qu’auiourdhuy l’homme est fort sauant

Qui fait force escus en sa bourse.

[84]Epigramme, pour recreation, à l’escuyer
Caterin Iean, lors que ses gens deman-
doient les estreines à l’auteur, pour leur
maistre, comme la raison, & l’honneste
coustume le requiert.

Pour vostre grace, & pour voz peines,

Moy qui ne fus iamais ingrat,

Ie vous donnerois voz estreines

Sans Procureur, ny Aduocat :

Mais gens qui sont d’vn mesme estat

Ne s’estreinent pas, ce me semble.

Or sommes nous tous deux ensemble

D’estat mesme, ou qui correspond :

Que si quelcun tost me respond,

Et dit que non, ie dy que si :

Car voz courriers en poste vont,

Mes deniers vont en poste aussi.

[p. 110]

110

[85]De quel temps L’auteur a le
plus escrit.

Ie pouois bien hausser ma Muse,

Et mon stile enfler grauement,

Chantant des vers plus hautement :

Car mon Apollon me refuse

A m’inspirer diuinement

Non plus qu’vn autre entendement :

Mais du temps du grant Roy François,

Que l’autre entonnoit doucement,

Ie chantois ainsi bassement

Que vous oyez, mes vers François.

[86] L’auteur escrit de l’alliance de
luy & de sa Flora.

Dame Iuno demontra sa puissance

Quand el’ioignit Fontaine auec Flora :

En peu de temps eurent la iouissance

Du bien, à eux promis des leur naissance,

Qui apres eux vn long fruit tirera :

(Bien qu’on [cuidoit] rompre cette alliance

Laquelle au ciel écrite on trouuera.)

Mainte autre fleur autour de la Fontaine

Panchoit la teste, en vous la regardant,

Mais [p. 111]

111 10

Mais la Fontaine en son destin certaine,

Prenant visee, alloit son cours dardant

Vers sa Flora, seule fleur souueraine,

[87] L’auteur adresse ce huitain
à sa Flora.

Ta vertu & honnesteté,

T’ont fait de fille, estre ma femme,

Et l’espoir de ta chasteté,

Qui l’honeur iamais ne diffame,

Fait que ie t’ayme corps & ame

Plus cher que mon œil, & ma vie :

Aymant l’honneur, tu fuis le blasme,

Car la vertu tu as suyuie.

[88]À vn beau parleur : sur ce que bien
escrire, ou composer liures,
est beaucoup plus que
bien parler.

Tv as vne belle parole,

Dont ie m’esmerueille souuent,

Ce nonobstant elle s’en vole

Tout aussi tost auec le vent,

Et meurt, les oreilles seruant :

Mais vne œuure escrite, & bien meure,

Depuis [p. 112]

112

Depuis qu’elle est mise en auant,

A tout-iamais elle demeure.

[89] L’auteur, à sa Flora.

Estant au port trois fois prest à partir,

Trois fois i’ay eu la fortune contraire :

Les basteliers deux fois i’ay veu mentir :

Vne autre fois (qui plus me vint desplaire)

Vagues, & vens menassoyent de me faire

Boire de l’eau en la Saone parfonde.

O ma Flora, o Fleur en qui me fonde,

Les gens, & vens, quand ne suis auec toy,

Communement sont contraires à moy :

Mais tout bon eur me suit tout à la ronde,

Tout aussi tost que de loing ie te voy.

[90]À Lyon Iamet, seigneur de Chambrun,
secretaire de Madame Renee de Fran-
ce, Duchesse de Ferrare.

Qvand la bourse me presentas,

Et vuidant d’escus vn grand tas,

Tu me dis qu’à mon gré i’en prinsse,

Foy d’homme, c’estoit fait en Prince :

Mais quand alors ie n’en prins point,

Ie te [p. 113]

113

Ie te pry respond moy d’vn point,

Ami, exemple de tout aage,

Fus-ie sot, ou si ie fus sage ?

[91]Autre, à luymesme.

C’est peu de cas d’auoir promis,

L[’]on n’en trouue que trop, d’amis

De la parole, & du visage :

Mais qui soyent à tel faict venus

Comme toy,

Et qui soyent de prendre abstenus

Comme moy,

L[’]on n’en trouue point en vsage.

[92]Autre sur ce, qu’il se trouue peu de bons
& vrays amis à faire plaisir, encor que
Dieu commande de ce faire.

Ce qui est à l’ami donné,

Est hors des mains de la fortune,

Perdu ne peult estre, ou miné

Par roille, ny en sorte aucune :

Hazart de ieu ne l’importune :

La mer ne le sauroit noyer :

Larron ne le peult desployer :

h [p. 114]

114

Cenonobstant (& ne fault taire

Que Dieu commande plaisir faire)

L[’]on ne s’y veult point employer.

[93]À la faueur, & honneur des nopces de Ian
Girard de Bourges, Seigneur des Ber-
geries, & de Marguerite son espouse,
Lyonnoise.

Chantez, mes vers, vn petit chant ioyeux

A la faueur de ces nouueaux espoux.

Vous ieunes gens qui auez voz clers yeux

Estincelans l’vn sus l’autre à tous coups,

Auec regars tant amoureux, & doux,

Mais tant subtils qu’ilz perseroyent les cieux,

Entretenez voz souzris gracieux,

Sous bons propos qui le pain n’encherissent,

Car bon eur vient à ceux qui se cherissent

En bonne amour selon Dieu ordonnee :

Caressez vous tant que vous soit donnee

Dedans quatre ans vne lignee belle :

Soyez coniointz d’amour non terminee

Comme vn coulon auec sa colombelle.

A son [p. 115]

115

[94]À son compere Ian Vasis, dict
Ian de Paris.

Ian de Paris, peintre d’vn Roy de France,

Ne peignoit point les gens si bien au vif,

Qu’à noz neueuz ie feray demonstrance

De ton pourtraict entierement naif :

I’animeray par mon art sensitif

De toy ami, & compere, l’image

Au doux pinceau que i’ay eu en partage,

Mieux que ne fit Apelles sa Venus,

De qui les traitz iusqu’au iour de nostre aage

(O trop foible art) ne sont ia paruenus.

[95]À Monsieur de la Saulx, Secretaire
du Cardinal de Chastillon.

Il fault que ma Muse cherisse

Vn ami que Dieu m’a donné,

Lequel a eu pour sa nourrice

La terre mesme ou ie fus né :

Et lequel fut ieune mené

En la montaigne renommee,

De nous deux hantee, & aymee,

h 2 [p. 116]

116

Ou les Muses l’ont adressé,

Et là, sa ieunesse ont formee :

Depuis l’ont tousiours caressé.

[96] L’auteur, à quelques siens amis.

Vous vous ebahissez comment

I’escri tant en langue Françoise :

Ce n’est faulte de iugement,

Que i’ay petit, dont [ce] me poise,

Mais vn seul mot, sans bruit, & noise,

Renuerse toutes raisons vostres,

C’est qu’vne langue si courtoise

Est nostre, & si fait fruit aux nostres.

[97]Au sire Pierre Seue,
Lyonnois.

Si ma Muse vers vous s’adresse,

Elle fait raison & deuoir,

Car quoy que vostre faict se dresse

En marchandise, l[’]on peult voir

Qu’aussi vous aymez le sauoir :

Et de ce foy m’ont voulu faire

Des gens de bien (que ie veux taire,

Pour n’estre long, & ennuyeux)

Mesme [p. 117]

117

Mesme Chailart, Royal notaire,

Dont le tesmoignage en vault deux.

[98]À vn riche glorieux, qui preposoit
l’auoir au sauoir.

Tv as argent, & heritage,

Certes par trop au pris de moy,

En cela tu as l’auantage,

Ie le confesse, & si le voy,

Et si n’ay enuie sus toy :

Mais ce que suis tu ne peux estre :

Et chacun peult tresbien congnoistre

Que le plus poure qui n’a rien,

Peult comme toy en grans biens croistre,

Si la fortune luy dit bien.

[99] L’auteur, à sa Flora.

Dedans Paris six moys tardant

Ie suis sans toy, & auec moy :

Dedans Lyon en m’attendant,

Tu es sans moy, & auec toy :

Mais l’amour en toy me perdant,

Et qui toy dedans moy attire,

Me dit qu’il fault autrement dire,

Et que parler ainsi ie doy :

h 3 [p. 118]

118

Dedans Paris six moys tardant,

Ie suis sans moy, & auec toy :

Dedans Lyon en m’attendant,

Tu es sans toy, & auec moy.

[100]Au President de Gouy, Placet,
pour auoir audience.

Vostre bonté de grand renom

Me fera elle resiouy ?

Doubte souuent me dit que non,

Mais vostre nom me dit qu’ouy.

[101]Au Seigneur Ian Brinon.

Si mes amours que i’ay chantees

En nostre langage François,

Ne t’ont pas esté presentees

Si tost comme ie le pensois,

Quand deuers toy les auansois,

Afin que premier tu les prinsses,

De moindre cœur vers moy ne sois :

L[’]on fault souuent, & mesme aux Princes.

[102]À Charles Girard, la premier annee
que luy, & l’auteur furent mariez.

Double estreine ici tu peux lire :

Car à ta femme ie desire

Vn [p. 119]

119

Vn beau fils, & deux à la mienne :

Elle m’est plus pres que la tienne.

[103]À Eustace de la porte, Conseiller au Parle
ment de Paris, quand le proces de l’au-
teur luy fut distribué pour rapporter.

Comme la nef apres long nauigage

Ioyeuse arriue à son port en seurté,

Ainsi mon sac, apres bien long voyage,

Fut ioyeux d’estre en voz mains arresté.

Or ie vous pry par celle integrité

Grace, & sauoir, qui en vous font demeure,

Que mon proces par vous soit visité,

Et rapporté ces iours à la bonne heure.

[104]Autre audit Conseiller, &
rapporteur.

Ie suis fondé en droit, & equité

Par texte, & glose, ainsi qu’il est notoire :

Mais on m’allegue vne formalité

Que ie suis mal fondé au possessoire :

Qu’il soit ainsi ie ne le puis pas croire

h 4 [p. 120]

120

Pour grand raison : mais encor qu’ainsi soit,

Le possessoire, ou bien le petitoire,

Me feront ils auoir tort, si i’ay droit ?

[105]Autre, aussi audit Conseiller
166305.

Ie suis entré dedans vn labirynte

Long & facheux, dont ie ne puis sortir :

L’enfant qui est dedans sa mere enceinte

N’est que neuf moys iusques au departir :

Et en neuf ans onq ie n’ay peu partir

Du labirynte obscur, & difficile :

Mais ie commence estre en voye facile,

Et voir le iour que l’Aurore m’apporte

Espoir me dit que point ie ne vacile,

Car tost, & bien sortiray Porte.

[106]À Monsieur Tignac, Lieutenent gene-
ral, & President à Lyon.

L’autorité, & le sauoir

Quand ils sont en vne personne,

Telle personne doit auoir

Honneur de tous, que le deuoir

Pour l’heur, & pour la vertu donne :

Mais d’abondant la grace est bonne

Qui [p. 121]

121

Qui en toute humanité sonne,

Ne peult que les cœurs ne retienne :

Ce triple bien veult, & ordonne

Qu’vn Tignac en honneur on tienne.

[107]À Monsieur Brinon, fils vnique du
premier President de Rouen.

Grec, & Hebreu en ton ieune aage

Tu as apris, ami Brinon :

C’est bien pour acquerir renom

Comme ton pere docte, & sage,

Et pour tousiours haulser le nom

Qui en renom eut l’auantage.

[108]De la mort de Monsieur
de Langey.

Phebus & Mars, l’vn beau, l’autre puissant,

Auoyent laissé & la harpe, & la lance,

Voyans Langey, helas, trop languissant

En son corps plein de grace, & d’excellence :

Puis quand la mort le mit en deffaillance,

Incontinent harpe & lance ont reprins,

Non pour iouer, & vser de vaillance,

Mais pour les rompre en tresgrãd desplaisance,

D’aspre regret surmontez, & surprins.

h 5 [p. 122]

122

[109]À son ami, Monsieur de la Saulx,
Secretaire de Monsieur le Car-
dinal de Chastillon.

Veu ton sçauoir tu n’eusses seu

Meilleur parti prendre, ou elire,

Quand pour ton Seigneur tu as eu

Ce Mecenas, qui ayme à lire,

Et ouir ce qui peult instruire

En tout bien & toute vertu :

Qui maint sauant haulse, & attire

Quand fortune l’a abbatu.

[110]À Monsieur de Cremieu,
Lyonnois.

Fermant à ma Muse la porte

Ocieuse, negocieuse,

Morphee apres me la rapporte

Transformee, & toute monstreuse :

Sa face vierge & gracieuse

Print forme d’vn, & d’vn autre homme,

Que Mars, & que Mercure on nomme,

Pour voler iusque es loingtains lieux

Faisant que Fontaine on renomme,

Et pour combatre l’enuieux.

Au [p. 123]

123

[111]Au Roy, Henri second du nom : sur
son Treseureux aduenement
à la Couronne de
France.

Cet eureux, & digne aduevement

Du Roy Henri, Roy fils du Roy Frãçois,

Ie voy triomphe en France abondamment,

Et loz au Roy, quelque part que ie sois :

Renouueler les beaux espris François :

Aux estrangers liesse, & alliance :

Cela voyant, i’ay dit plus de cent fois,

Henri, grand Roy, doit grand eur à sa France.

[112]À Monsieur de Saint Antost, premier
President de Rouen.

Pour tirer droit deuers toy son passage.

Ma Muse n’a grand moyen, ny adresse,

Fors par son ieune-antique ami Sauuage

De tes vertus admirant la haultesse.

Mais que fault il tant de solennitez ?

Ma Muse droit aux vertueux s’adresse

(Et mesmement aux gens d’authoritez)

Et les sauans elle honore sans cesse.

Or [p. 124]

124

Or derechef pensant à toy, si est-ce

Qu’ay vn ami ton parent Desautels,

Qui à ton loz, & au sien, tousiours dresse

(Par sa Clio ) des immortels Autels,

[113]À Monsieur Saliat, à qui l’Auteur
donnoit son pourtraict.

Si le peintre n’a prins grant soing

A tirer au vif mon image,

Que ie t’apporte de bien loing,

Pour te donner vn tesmoignage,

Et de nostre amour certain gage,

Ne t’en esbahi nullement :

Car il croyoit tout seurement

Qu’en ton cœur, qui m’a tant aymé,

Et qui m’ayme parfaitement,

I’estois pourtraict plus viuement

Qu’onques son art n’eust exprimé.

[114]À vn ami, & Poëte, retournant d’Ale-
maigne, auec l’ Ambassadeur
du Roy.

Pvis que tu fais si bon retour

De ce païs des Alemaignes,

Plein de discord, & de destour,

Plein [p. 125]

125

Plein de guerres, & de montaignes,

Il ne fault pas que tu te plaignes

De faire le present, & l’offre,

De nous enuoyer, si tu daignes,

Quelque epigramme en lifrelofre.

[115]Diuersité, du temps passé, & du
temps present.

Le temps passé l[’]on souloit recongnoistre,

Et honorer ceux qui par leurs escrits

Faisoyent le bruit, & l’hõneur des gens croistre,

Et occupoyent leur Muse, & leurs esprits

Pour à vertu donner son loz & pris :

Mais à present que nous courons apres

L’or & l’argent, pour qui, soit loing, soit pres,

A tous trauaux nous sommes trop vouez,

Laissans pour l’or les faits de loz expres,

Ne tenons compte aussi d’estre louez.

FIN DES EPIGRAMMES
des ruisseaux de Fontaine.

SEN [p. 126]

[116] L’auteur au Seigneur Iean
Brinon

Ce liure d’Odes ie t’adresse,

Pourtant qu’en tes graces infuses

Tu te montres Prince des Muses,

Et que suis homme de promesses.

[p. 127]

127

SENSVIT LE
LIVRE DES
odes.

[1]et premierement
À Iean Brinon.

P our louer le mignon des Muses,

Des Muses le premier mignon,

Vien, espans tes graces diffuses,

Apollo, c’est pour ton Brinon :

Aymé-aymant toute la troupe

Des Poëtes saintz & sacrez :

Et qui boit souuent en leur couppe

Du saint nectar de leur secretz.

C’est celuy qui tant les recree

Et de son œil, & de son bien :

C’est celuy qui sur tous agree

Au sainct couppeau Thessalien :

Qui sur le poinct de sa naissance

(Pour demontrer vn plus grand eur)

Repr [p. 128]

128 15

Reprint la face, & accroissance

D’vne plus diuine verdeur.

Dequoy les Muses estonnees

Ont vn tel propos demené,

Sachons par quelles destinees

Tel nouueau bien nous est donné ?

Lors Phebus respond, par Oracle,

Que pour le nouueau né Brinon

Aduient vn tel diuin miracle,

Miracle digne de renom.

Car luy (dit il) tiendra ma place

Dessus le mont Parisien,

Luy qui a la grace, & la face

De moy Phebus Thessalien.

Et, par le fil des destinees

Quand au ciel seray rappelé,

Vous, Muses, luy serez donnees

En garde. Des qu[’]il eut parlé,

Tou [p. 129]

129

Toutes les Muses de Thessale

Demenans ioye, & nouueau ris,

D’vn pas, & d’vne marche egale

Vont droit au nompareil Paris.

Là ce Brinon nouueau-né trouuent,

Et comme leur vray nourrisson,

L’embrassent, l’alaictent, le couuent,

Par vne admirable façon.

Depuis luy deuenu en aage,

Ce bien a si bien recongnu,

Qui leur donne en propre heritage

Son propre bien, & reuenu.

Elles n’ont plus prins leur adresse

Deuers le mont Thessalien :

Ains delaissans du tout la Grace,

Viuent au mont Parisien.

[2]Ode ij.
L’auteur à sa Flora.

I’ay la main blanche, escriuant lettre noire

Que ne pourra nulle pluye effacer,

i [p. 130]

130

Non toute l’eau, soit de Seine, ou de Loire

Qu’ Orleãs voit passer sans trespasser.

I’ay l[’]arc bandé dont les traits ne deffaillent,

Corde ne rompt, ny l’hébéne vouté,

Qui pour Phebus incessament bataillent,

Car il n’a point Fontaine debouté

Du nombre eureux de sa gent belliqueuse,

Tuant tousiours le monstre renaissant :

Et dont la fleche, estant victorieuse,

Va d’vne mer à l’autre outrepassant.

Ie tien mon luc dont la corde tendue

Ne rompt, ainsi que corde d’artisans,

Et dont la voix est bien loing entendue

Par l’air François depuis deux foys dix ans.

I’ay le pinceau du doux art Poëtique

Dont ie pourtrais ma Flora florissant :

I’ay le liuret de diuine musique,

Là ou ie chante vn chant non perissant.

O ma [p. 131]

131

O ma Flora, bien que ton seul corps meure,

Le mien aussi, pourtant point ne mourrons :

Car mon doux chant à ton honneur demeure

Mille foys plus que viure ne pourrons.

[3]Ode iij.
À Monsieur le Cardinal
de Chastillon.

Les cieux ne sont point tant semez

De ces beaux clers feux alumez

Quand la nuict se monstre si clere

Qu’elle doit peu au iour, son frere,

Que les beaux champ, de tes vertus

Sont ores couuertz, & batus,

De tes vertus grandement grandes

Marchans par troupes & grans bandes,

Que tu fais bien paroistre au iour

Durant ton naturel seiour :

Mais tes vertus enseuelies,

Apres ta fin seroient faillies,

[p. 132]

132

Si vn Mercure, ou vn Phebus

Ne les tiroit de l’Herebus,

Du Stix d’oubli, pour les faire estre

Encores viues, & renaistre.

Ie m’ose promettre, & vanter

Par ma Muse, de te chanter,

Si que tes vertus, & louanges

Verront les païs plus étranges :

Et faisans leur tour & retour,

Cerneront le monde alentour,

D’vn cerne qui ne se termine,

Et que le long oubli ne mine.

Ainsi sus l’aile de mes Vers

Les reportant par l’vnivers,

Ie feray qu’elles seront, telles

Qu’elles meritent, immortelles.

Alors, qui ton Phebus seray,

Du sepulchre t’arracheray,

Et te feray si bien reuiuvre

Que reuiuras pour tousiours viure.

Od [p. 133]

133

[4]Ode iiij.
L’auteur à sa Muse.

Mvse, ma deesse honoree,

De qui ma plume est la mignonne,

Par elle seras reueree

Ainsi qu’vne sacree Nonne :

Par toy, i’ay vn nom qui s’abille

Tout de plumes, pour son vol prendre,

Et s’en va leger, & habile

Loing se faire voir, & entendre.

Par toy mes petis vers verdissent,

Et, tousiours verds, tu les fais croistre

Aux beaux champs qui tousiours florissent

Benistz par ta sainte main dextre.

Mieux que Medee, & que la Circe

Tu raieunis, & tu transmues :

Comme le hault Poëte Dirce

Qu’en vn aigle, ains Phenix, tu mues.

Encor, pour vn euident signe,

i 3 [p. 134]

134

Tu me transmue en Aloëte,

En Rossignol, en vn blanc Cigne,

Qui a la voix d’vn doux Poëte.

[5]Ode v.
À sa 166209.

Mais dy moy donc, ô ma Flora,

Pourquoy on t’a veu si fort plaindre ?

Et pourquoy ton œil tant plora

Et qui le peut à ce contraindre ?

Ha, ie le deuine, & l’entens :

Ha, ie l’entens, & le deuine :

C’est que tu fus par trop long tẽps

Sans ta moitié la plus diuine.

Mais comment sans elle estois tu ?

Mais comment estois-tu sans elle ?

Veu que par diuine vertu

Tousiours as sa Muse, & son zelle ?

Sa Muse, qui en son François

Chanta si cler des son enfance :

Sa [p. 135]

135 15

Sa Muse, qui ou que tu sois

T’honnore de son creu de France :

Que si pour ta terrestre part

Eloignee, tant te tourmentes,

Ton cœur n’a donc faict tel rempart

Que mille payenne amantes.

Car si leurs lettres & escritz

Tu veulx pour ton soulas elire,

Tu verras quelques plaints & cris,

Mais nõ pas tant que tu veulx dire.

Tu y verras Penelopé

Regretter son mary Vlisse,

Qu’en vingt ans elle n’a trompé,

Ains les braues pleins de malice :

Qui trop audacieusement

Luy faisoiẽt la court, & grãd chere :

Mais son cœur chaste sagement

Les abusoit sous toile chere.

i 4 [p. 136]

136

Que si vingt ans elle attendit

Constamment sa chere partie,

Pourquoy n’aurois ie le credit

De six moys vers toy, ie t’en prie ?

Voire à vn besoing de six ans ?

Comme encore auiourd’huy s’en treuue

De seules en veuf lict gisans,

Mais Dieu te gard d’en faire epreuue.

[6]Ode vj.
À Monsieur de Querinec, & de Coad-
iunal, gentilshommes de
Bretaigne.

Il n’est si bonne compaignie

Qui ne se doiue separer,

Tant soit de bonne amour garnie,

Et tant s’en puisse elle parer.

De Capricorne en Capricore

Phebus est presque retourné,

Eschau [p. 137]

137

Eschaufant vne fois la corne

Du Taureau de fleurs atourné,

Depuis que la nostre alliance

Que le ciel dans Lyon lia,

Print sa racine, & accroissance

Qui dans Paris se publia :

Et si se publira encore

Par mes Muses qui voleront

Depuis le soir iusque à l’Aurore,

Deux bouts du ferme element rond.

Car ceux que mon vers veult elire

Pour leur vertu, ou leur sauoir,

Immortalizez par ma lyre

Leur nom hault voler pourront voir.

Ie n’ay pas petite puissance,

Ny d’ Apollo peu de faueur,

Ie sens en moy des ma naissance

Vne Poëtique ferueur :

i 5 [p. 138]

138 25

Ferueur qui me donne des æsles

Pour voler par tout l’vniuers :

Aesles qui seront immortelles

Comme immortelz seront mes vers.

Aussi d’estre né ie me vante

Au pied du Parnasse François,

Là ou ma Fontaine coulante

Ne meurt, bien que mortel ie sois.

Là i’ay veu des ma grand ieunesse

Phebus auec les neuf sœurs,

Par vne fatale caresse

Me repaistre de leurs douceurs.

Quand donc de noz Muses Françoises

Suis le destiné nourrisson,

Mes vers coulans en douces noises

Chanteront de vous en tel son,

Que l’ame de la compaignie

Departant, ne departira,

Ains d’immortelle amour vnie

Par mes vers iusqu’au ciel ira.

Ode [p. 139]

139

[7]Ode vij.
A vn Gentilhomme, son hoste & son
ami, allant vers le Roy au Camp,
en Iuillet 1554.

Le plus brief que ie pourray,

Ie diray

Adieu à ta compaignie :

A toy ne le diray point,

Pour le poinct

De la longue amour vnie.

Ta vertu & ton sauoir

Me font voir

Ie ne say quoy de si rare,

Que dire adieu ie me deulx,

Et ne veulx

A qui de moy ne separe.

Mais pourrois-ie dire adieu

En ce lieu

Ou à Mars, ou à Minerue ?

Tous deux reluisent en toy :

Nostre Roy

Fault qu’ores de Mars se serue.

Là [p. 140]

140

Là tu verras les assaults,

Les tours caults,

Surprises, & stratagemes :

Là tu verras les combats,

Les esbats

Que ie say bien que tu aymes.

Ton cœur Martial bien-né,

Estrené

Soit il d’vne bonne estreine,

Par laquelle tu sois bien,

Et en bien

Et en honneur pour ta peine.

La Grece qui t’a congnu

Bien-venu

Dedans ses terres baignees,

Et l’Italie ou maints faits

Tu as fais

Pleins de tes graces ornees :

Puis le faiz que tu soustins,

(Et retins

Con [p. 141]

141

Contre fortune constance)

Dans le Haynault : tout cela

Te doit là

De loz & biens iouyssance.

Mais des biens n’as grand souci,

Et aussi

Ta vertu ne les pourchace :

Ta vertu que ie congnois

En harnois,

En estude, en faict, en face.

En toy Vlysses reluit,

Qui conduit

Tout par sagesse & par grace :

Nestor & Achilles sont

En ton front,

En ton cœur, ton corps, & trace.

Adieu donc point ne diray,

Ny pourray

A ta prouesse, & prudence :

Mais ie diray bien Dieu gard

Toute [p. 142]

142

Toute part

A ta vertu, & vaillance.

[8]Ode viij.
Par apostrophe, à la Saone,
& au Rosne.

Douce Saone, qui danse aux sons,

Et qui entens bien la cadance

De mes Muses, & des chansons

Auxquelles aussi à plaisance

Le Rosne roulant, souuent danse,

Si à vostre honneur i’ay chanté

Et si encores ie y compose,

Mon nom soit donc par vous porté

Iusques à la porte desclose,

Ou vous courez sans faire pose.

Là vous rebruirez en mourant

Entre les bras de vostre mere,

Que ie suis vostre eur, & garant,

Et que ma Muse est coustumiere

De vostre louange premiere :

Muse [p. 143]

143

Muse, vous gardant de mourir

Apres vostre course derniere :

Et qui fait voz beaux noms courir

Par la Poëtique carriere,

Seul honneur de toute riuiere.

[9]Ode ix.
L’auteur escrit de son alliance
auec Flora.

Cette Fontaine

Venant de Seine,

De la ville au siege prudent,

Bruit en sa veine,

Qui n’est pas veine,

Vn doux son d’vn cours euident,

Iusques au Rosne,

Et sa sœur Saone,

Qui l’ont bien voulu caresser :

Et leur hault trosne

De drap d’or iaune

Pour Flora ont fait tapisser :

Qui [p. 144]

144

Qui l’a receuë

A pleine veuë

Des montaignes & des coutaux :

La cóte drue

De ioye esmeuë

Sur la riue en a fait maints sauts.

Le mont Foruiere

Pres la riuiere,

De cette alliance est tant fier.

Qu’en face fiere

Saute en arriere

Pour monts d’Auuergne deffier.

[10]Ode x.
À Françoys l’Archer : que la puis-
sance d’amitié, & les biens qui
en procedent, sont in-
estimables.

Ie tien la clef qui ouure

Le tresor d’amitié :

Le grand tresor du Louure

N’en vault pas la moitié.

Tout [p. 145]

145 5

Tout ce que l’ami touche,

Se conuuertit en or,

Voire en fin or de touche,

Et en plus fin encor.

C’est vn Mydas antique

L’ami certainement :

La science & pratique

Il a diuinement,

Et la puissance egale

A la pierre au grand cout,

Pierre Philosophale

Qui transmue en or tout.

D’amitié le plus proche,

Ami, bende ton arc,

Et ta fleche descoche

Au milieu de ce parc,

Lionnoys Chersonese

Chersonese demi,

Là ou chante à son aise

La Muse à ton ami.

k [p. 146]

146

[11]Ode xj.
À sa Muse, & en faueur de
sa Flora.

Chante vn chant qui l’air couppe,

L’air ami de ta voix,

O Muse, & prens ta coupe

Deuant la docte troupe

Des Nymphes que tu vois,

Cette coupe luysante

En pierrerie, & or,

Tel’ splendeur produisante

Qu’auoir fait el’ se vante

Ialoux le cler tresor,

Qui en sa pierrerie

Va le monde éclerant,

Montrant face marrie

Et dardant ses trais crie,

Si grand mal endurant :

Cette coupe tant riche,

Couronne en ce ruisseau

Que [p. 147]

147

Que le saint troupeau liche,

Puis d’vne main non chiche

Vien espandre cette eau,

Sur la fleur que tu oses

Vanter sur toutes fleurs,

Sur lys, oeillets, & roses,

Au plus vert moys decloses,

Par les Zephyrs soufleurs.

[12]Ode xij.
À sa Flora.

Qvand ie chante de vous

En mon bas stile doux

La louange certaine,

Vous dites tous les coups

Que mon sens & ma veine

Pour vous ont trop de peine :

Mais ne scet l[’]on pas bien

Que plus d’honneur, & bien

La grand’ vertu merite,

Qu’à vostre seul maintien

k 2 [p. 148]

148

L[’]on ne iuge petite,

Aiguille qui m’incite :

Toutesfois, si ne suis

De ce loz que poursuis

Poëte & chantre digne,

Pensez que sous les nuictz

De long silence indigne,

Est mainte Dame insigne :

Qui n’a pas eu moyen

De rencontrer ce bien

D’auoir telle trompette,

Qui face l’honneur sien

Sonner loing en voix nette,

Encor qu’elle l’appette.

Ma Flora, seule fleur

Qui embasme mon cœur

En la part plus secrette,

De ton renom l’odeur

Des-ia bien loin se iette

Au son de ma musette.

Ie [p. 149]

149

Ie trouue qu’il y a

Nemesis cynthia,

Puis aussi la Corinne,

Puis encor Lesbia

Dont maint Poëte insigne

A chanté maint bel hymne.

Ie trouue tout ainsi

Lalage, & Cloe aussi

Auoir esté chantees :

L’espoir & le souci

Sous qui sont inuentees

Mille chansons notees.

On en voit mainte bulle

Chez Properse & Tibulle :

Puis Ouide en douceur

N’y a fait faute nulle,

N’ Horace le harpeur

Ore en ris, ore en pleur.

Tels sonneurs ont sonné,

Et quelquesfoys tonné

k 3 [p. 150]

150

Les honneurs de leurs dames,

Qui auoient moyssonné

Leurs corps, leurs cœurs & ames,

Et mis en dures fiames.

Et encor auiourd[’]huy

N’y a presque celuy

Qui sa Dame ne chante,

Et en trouble & ennuy

Estre heureux ne se vante,

Tant ce charmeur l’enchante.

Vne si claire loy

Ne les tient comme moy,

Ni amour tant honneste :

La nuict noircit leur foy,

Et leur bande la teste

D’ignorance inhonneste.

Des vieux siecles passez,

Ia long temps trespassez,

Ilz rameinent la feste,

Ilz sont sauans assez,

Mais [p. 151]

151

Mais fuit les admonneste

L’idole deshonneste.

S’ilz eussent lors esté

Que le siecle auorté

Fut libre en torte chante,

En la nuict arresté,

Chacun d’eux à plaisance

Eust peu suyure l’vsance.

Mais au iour & clarté

Qu’a Phebus rapporté,

Phebus nostre lumiere,

Chacun est enhorté

Suyure en autre maniere

Nostre clere banniere.

Or donques, ma Flora,

Mon vers qui t’honora

Leue au beau iour la creste,

Il marche, & marchera

En plain champ, hault la teste,

Sans craindre la tempeste.

k 4 [p. 152]

152

Puis ces boutons ornez

Que tu m’as boutonnez

Au beau champ de ton estre,

Ont mes vers façonnez

Pour plus clers apparoistre

A toy qui les feis naistre.

En écriuant de toy,

Tant doux couler ie voy

Les ruisseaux de ma veine,

100

Que ie sens dedans moy,

Au cœur de la Fontaine,

Tout plaisir, & non peine.

Mon luc te sonnera,

Tant qu’on s’estonnera

105

De te voir louangee :

Ma Muse te fera,

Es champ eureux logee,

Du long oubli vengee.

Phebus a ordonné

110

Que ie sois coronné

Par [p. 153]

153

Par Flora ma mignonne :

Vien donc, cœur floronné,

Et mon chef enuironne

De la verte couronne.

[13]Ode xiij.
À Monsieur le Cardinal
de Chastillon.
L’auteur presagit, & quasi pre-
voit son immortalité,
par sa Muse.

Dieu qu’est ce-cy ?

Ie sens icy

Hors & dans moy

Vn grand esmoy :

Vne mutation étrange

Entierement tout mon corps change.

Chantant mes vers

En tons diuers,

Suis mué tout,

De bout en bout.

Ma teste haulte, s’appetisse

Et mon poil par tout se herisse :

k 5 [p. 154]

154

Qui plume est fait

Par vn grand faict,

Et en blancheur

Rend grand lueur.

Mes deux bras emplumez s’estendent,

Et à voler desia pretendent.

Iambes, & piedz

Me sont liez

De rude peau

Trempee en l’eau :

Tout au bout des doigts y sont iointes

Des griffes, & picquantes pointes

Mon nez pointu

Plat rabbatu,

Et faict brun-sec,

Me sert de bec,

Desia bien hault par l’air ie vole,

Couuert de plume blanche & molle.

Puis [p. 155]

155

Puis fendant l’air,

Vien bas voler,

Pres les ruisseaux

De douces eaux :

Là planté sur l’herbage tendre,

Loing ma voix douce fay entendre.

Aupres d’Ainé,

Mon chant est né,

Et non en vain

S’espand au sein.

De Loire longue, & Seine saine,

Iusqu’à Tethys leur mere pleine.

Parmi les champs

Semant mes chants,

Iusques aux cieux

En plusieurs lieux,

Cigne faict ie vole, & me plante :

La terre, l’air, & l’eau ie hante.

Bien [p. 156]

156

Bien que sur tous

Oyseaux sois doux,

Si l’Aigle fort

Me fait effort,

De grant cœur me deffens, de sorte

Que la victoire i’en rapporte.

Des œufs ie ponds

Polis, blancs, ronds,

Que bien souuent

Ie vois couuant :

Attendant que bien tost ie vole

Depuis l’vn iusqu’à l’autre Pole.

[14]Ode xiiij.
À sa Flora.

I’ay affaire à vn Achilles,

Ie me puis bien nommer Hector :

Et voudrois mieux estre Hercules

Qu’vn ancien sage Nestor :

Car science, & sagesse ici

Sont [p. 157]

157

Sont estimez mais c’est tant peu

Que le moindre de leur souci

Fait à ces deux adresse & vœu.

Or si me puis nommer Hector,

Andromache te puis nommer :

Andromache qui vit encor

Pour son Hector tresbien aymer :

Et pour conduire par la main

Son petit fils Astianax

Qu’ Hector verra quelque demain

Comme grant desir tu en as.

[15]Ode xv.
À P. de la Saulx , Secretaire du
Cardinal de Chastillon.

Qvi a veu Zephyr, & sa Flore,

N’a pas veu Phebus & Daphné,

N’a pas veu Cephal & l’Aurore,

N’y Paris auec Enoné :

N’a pas veu Iason & Medee,

Ny [p. 158]

158

Ny Pyrrhe auec Hermioné,

Par Orestes redemandee,

Qui auec elle est retourné

Ains a veu Hector, Andromache,

Andromache en pudicité :

Mais non Hector lequel s’attache

Encontre Achilles irrité :

Ains Hector de Francique Troye,

Encontre l’ignorance armé,

Auquel Phebus puissance ottroye

Que soit par son arc assommé

Ce monstre ennemi de la Muse,

Et de toute douceur de vers,

Que desia le combat refuse,

Et gaingne les champs à trauers.

Mon arc que i’enfonce, & ie bande.

Ou qu’il fuye, l’attaindra bien :

Et mettra en route sa bande,

Pour faire aux Muses vn grand biẽ.

Ode [p. 159]

159

[16]Ode xvj.
À sa Muse de sa Fora [sic.] .

Chante ma Muse, chante ici

La plus douce fleur qui fut onques :

O ma Muse, mon doux souci,

Chante la, rechante la donques.

Phebe ne se contente point

De montrer vne foys sa face,

Souuent se montre en diuers point,

Et dix mille clers feux efface :

Ainsi parmi les champs diuers

Ma fleur, tu montres & remontres,

Recoulouree de mes vers

Bigarrez à toutes rencontres.

Et la montrant, elle destaint

Auecques sa naiue grace,

Des autres fleurs tout le beau taint,

Leuant hault sa teste, & sa face.

Parmi la France on la voit bien,

Tu [p. 160]

160

Tu la fais à tout oeil congnoistre :

Sa grant vertu (seul riche bien

Vainqueur du temps) tu fais paroistre.

[17]Odelette à sa Flora.

Ie t’ay donné de ma richesse,

Richesse qui ne se consume :

Ce sont les tresors de ma plume,

Pleins de bon eur, & de liesse.

Mais pense tu, ô ma Fleurie,

Quand te donrois cent mil escus

Que ie te donrois encor plus ?

Somme d’argent est tost perie.

Cent mille escus n’ont la duree

Que ce chant que ie voys chantant

Pour ta vertu que i’ayme tant,

Vertu non iamais mesuree.

[18]Odelette, à la Mort, que l’Auteur,
armé de sa Poësie, va deffiant.

Vien sur moy, Mort, quand tu voudras,

Pren moy au lict entre les draps,

Ou [p. 161]

161

Ou aux champs, ou en mon estude,

Onc à ton honneur n’en viendras :

Pour repoulser ton dur effort

Mon vers est suffisant & fort.

Ie te presente sans esmoy

Le combat, car mon vers & moy

Ferons reboucher ton dard rude :

Mon vers me vengera de toy :

Mon vers qui la Mort picque, & mord,

Fait trembler, & mourir la Mort.

l [p. 162]

162

[19] L’auteur au Lecteur.

Si Phebus dit prophetie certaine,

Phebus mon Prince, & qui de grace pleine

M’a inspiré, & si m’inspirera

Tant que ce corps mon ame animera,

Enten, Lecteur, que l’eau de ma fontaine,

De source viue, & naturelle veine,

Au champ Françoys viuement coulera

Tant que Françoys en France on parlera.

Fin des Odes.

[p. 163]

163

SENSVIT VN LI-
vre d’epigrammes,
pour estreines de ceste
annee 1555.

[1] et premierement,
Au Roy treschrestien, Henri second
du nom.

M on Apollo qui m’inspire,

Me rauit, & me fait dire

Qu’vn grand Croissant clerparois-
sant,

Ira ses deux cornes pressant,

Pour clorre en sa circonference

Le reste du monde, auec France.

[2]Autre.

De Cesar l’heur, & diligence,

De Pompee l’esprit, sans l’agge,

De Fabius la grand prudence,

Et d’ Annibal le hault courage,

De Fabricius fort, & sage,

L’honneur la foy, & la fiance,

Tous ces grans dons, & d’auantage,

Sont en Henri, grand Roy de France.

l 2 [p. 164]

164

[3]À la Royne.

Iadis Iuno estoit vne Deesse :

Iadis Pallas en estoit vne aussi :

De toutes deux l’antiquité ne cesse

De hault louër la vertu & haultesse :

Mais toutes deux ne sont en ce temps cy

Qu’vne parfaite, & qui les deux resemble :

France & Itale aprouuent trop cecy,

Tu es Iuno & Pallas tout ensemble.

[4]A madame Marguerite de France,
Duchesse de Berri.

L[’] on disputoit de la vertu

Si elle est au ciel, ou en terre :

Vn grand Sophiste bien testu

Dist qu’au plus hault des cieux se serre :

Le chemin en est tout batu

Des sauans qui courent apres :

Mais auiourd[’]huy l[’]on determine

Qu’elle se tient tout ici pres :

Car ou tu vas elle chemine,

Et demeure là ou tu es.

A ma [p. 165]

165

[5]A Madame la Duchesse de Vendosme.

Le lustre grand de ta vertu premiere,

Dont Apollo fut ialoux, & marri,

Ioinct aux vertus de la Royne ta mere,

Feit ton nom cler (qui ne sera peri,

Ains splendira sur Phebus à iamais,

Perdant pres toy sa lueur coutumiere,

Chef-d’œuure illustre, & en tout bien flori)

Qu’elle es tu donc, & seras desormais

Que tu y iointz cette grande lumiere

Des grans vertus du grand Duc ton mari ?

[6]A Madame la Princesse de Ferrare,
& Duchesse de Guise.

Princesse illustre, à toute vertu nee,

D’esprit trescler, & tresbelle de corps :

Princesse ieune, & de science ornee,

De Duc espouse, & de Duc fille aisnee,

Tant de vertus, & dons en grands accords

Estans en toy bien vniz, & concords,

Par merueilleuse, & haulte destinee,

Ne me font point trop esbahy, alors

Qu’en t’admirant, soudain ie suis records

Que tu es fille à Madame Renee.

l 3 [p. 166]

166

[7]A ladicte Duchesse de Guise.

Viue la race bien ornee

De l’heureux nom de la deesse,

De la Duchesse deux foys nee,

De la deux foys nee Duchesse.

A Monsi [p. 167]

167

[8]A Monsieur de l’Estoille, President,
au Parlement de Paris.

Voici l’Estoille nette & clere,

Petite, & luisante sus toute,

Qui en son doux aspect eclere,

Suyuant du cler Phebus la route.

[9]A Monsieur Tiraqueau, Conseiller
audict Parlement.

Que fault il que de toy ie die ?

Tu es en tout art si parfaict

Qu’il semble à voir que tu sois faict

Pour clorre vne encyclopedie.

[10]A Eustace de la Porte, aussi Conseiller
audict Parlement.

Tu as tant fait pour le droit, & pour moy,

Que quand ma Muse y vient souuent penser,

Te veult louer : puis tombe en tel esmoy

Qu’elle n’y scet par quel bout commencer.

[11]A Monsieur du Lyon, aussi pareille-
ment Conseiller.

Le Lyon est fort & puissant :

En cœur & en corps tu es fort.

Le Lyon ne se va baissant

l 4 [p. 168]

168

Pour aux plus petis faire effort :

Ny toy aussi, ie le croy fort :

Mais le lyon est inhumain,

Mouuant aux grans guerre, & discord,

Et toy tu es à tous humain.

[12]A Monsieur Seneton, Conseillier au
Parlement de Paris.

Ton bon sauoir, & grace exquise,

Qu’il n’est possible qu’on ne prise,

Ton recueil, tes propos ouuers

A ceux qu’ Apollo fauorise,

Ont ma petite Muse esprise

De te donner ce petit vers.

[13]A Monsieur d’Epesse, Conseillier
du Roy au Parlement
de Paris.

Ie ne puis, ny ne veulx t’omettre

En Poësie ny en prose,

Pour les graces que voulut mettre

Le ciel en ton corps qu’il compose.

A monsi [p. 169]

169

[14]A Monsieur de Viole, seigneur d’Aigre-
mont, aussi Conseillier audict
Parlement.

Ma Muse maintient vn tel cas,

Et si ne s’abbuse orendroit :

C’est que ne se mesprendroit pas

Qui pour vn Phebus te prendroit.

[15]A Monsieur, Ian Brinon, Conseillier
audict Parlement.

Muse, dy moy, que pourrois-ie donner

A ce Brinon pour bonne & longue estreine ?

Fors par mes vers immortelz couronner

Son amitié immortellement saine,

Que l[’]on entend sans fin bruire & sonner

Par le reflot & de Saone, & de Seine.

[16]A Monsieur Vaillant, aussi Conseillier
audict Parlement.

Ie voudrois bien pouoir desduyre

En beaux vers de pareille grace,

Cette vertu que ie voy luyre

En ta parolle, & en ta face.

l 5 [p. 170]

170

[17]A Monsieur de Marmaigne, maistre
des Requestes.

Science auec experience,

Estat auec humanité,

Vertu egale à la science,

Accroissent ton autorité.

[18]A Monsieur d’Yuor, Secretaire
du Roy.

Ce bon œil, & bonne parolle

Que de bon cœur tu me demonstres

Quand quelquesfoys tu me rencontres,

Fait que vers toy ma Muse vole.

[19]A Monsieur le Senechal de Lyon,
Guillaume Gazaigne.

Dedans Lyon ton nom tant exalté

Voit dessous soy d’autres vn million,

Qui ce dicton pour deuise ont porté,

Tel Seneschal doit bon eur à Lyon.

[20]A Monsieur de Tignac, Lieutenant gene-
ral, & President à Lyon.

Di moy, Lyon, en verité,

Qui plus grand loz merite auoir

Ou de Tignac le grand sauoir,

Ou bien la grande humanité ?

A mons [p. 171]

171

[21]A Monsieur du Puy, Lieutenant parti-
culier en ladicte ville.

La Fontaine ne doit pas taire

Vn Puy si grand, & de renom,

Qui s’est monstré en son affaire

Ami de faict, parent de nom.

[22]A Monsieur de Vauzelle, Aduocat du
Roy à Lyon.

Le grand sauoir, & le grand zelle

De Iustice, & d’integrité,

Attrempee d’vne equité,

Ou sont ilz sinon en Vauzelle ?

[23]A Monsieur Billoud, Procureur du
Roy en ladicte ville.

Maiesté d’esprit & de corps,

Science & grande humanité,

Grans biens, & grand benignité

Ont fait en vous leurs grans accords.

[24]A Monsieur Bryaud, Conseillier au
siege Presidial de Lyon.

Auec sauoir, santé, ieunesse,

Honorable office, & richesse,

Pour le vray comble d’amitié

Vous fault encor votre moitié.

A mons [p. 172]

172

[25]A Monsieur de Villas Iuge ordinaire
de ladicte ville.

Humilité auec science,

Science auec humilité,

Syncerité, autorité

Trouuent en vous leur alliance.

[26]A Monsieur l’Aduocat Athiaud.

Tu as grace, & facilité,

Bon conseil à la verité,

Mis au poix de iuste balance,

Et au droit poinct vne constance.

[27]A Monsieur l’Aduocat Laurens.

Des grandes loix le grand sauoir,

Promptitude, & viuacité,

Inuention, dexterité

En toy se font clerement voir.

[28]A Monsieur l’Aduocat Thomas.

De bonnes lois, vn grant amas,

Le stile, & l’obseruation,

Iugement, & discretion

Sont en la teste de Thomas.

A Mon [p. 173]

173

[29]A Monsieur Lymandas, Conseil-
lier au siege presidial de
Lyon.

Prestance de corps, & de voix,

En Lymandas se fait notoire :

Puis grande science de loix,

Et la couronne de memoire.

[30] Aux deux Melliers • il s'agit de Guillaume Mellier er Nicole Mellier , Aduocatz.

Les deux Melliers • il s'agit de Guillaume Mellier er Nicole Mellier ont alliance

De nom, & consanguinité :

C’est la double perle en science

Soit de loix, soit d’humanité.

[31]A Monsieur Gyrinet Aduocat.

Tu donnes telle experience

De ta vertu, & ta science,

Que bien aueugle se feroit

Que si luysant ne te verroit.

[32]A Monsieur le Seneschal Guillau-
me Gazaigne, & à Monsieur
de Beau regard son frere.

Vous estes deux, & n’estes qu’vn

Car tout entre vous est commun,

Science, vertu, & ieunesse

Ornee [p. 174]

174

Ornee de grande richesse.

Si que comparer vous peult on

A deux pierres en vn chaton,

Orientales, precieuses,

L’vne pres l’autre, radieuses,

Iointes en œuure haultement,

Auec grace & contentement.

[33]Pour excuse du petit epigramme
precedent.

Par ces ans prochains à venir,

Ma Muse aura en souuenir

De grater tant vostre eur prospere,

Qu’encor croistra comme elle espere.

[34]Ausdits seigneurs, Gazaignes freres. • il s'agit de Guillaume Gadagne er Thomas Gadagne

Si permetez (par ce bon œil

Qui aux bons arts fait bon recueil)

Que de vous ma Muse s’accoste,

Ie corneray de poste en poste

Voz louanges (car ie le puis)

Et les feray bruire depuis,

Ou le braue Phebus grimpant,

Par sa voute va galopant,

Iusques où, parfaisant sa táche,

Ses [p. 175]

175 10

Ses grans coursiers las, il attache :

Et dans la grant mer se plongeant,

Du soir au matin va nageant,

Tout enamouré de l’Aurore

Qu[’]il la suit, & poursuit encore :

Et en nageant prent son deduit

A se lauer toute la nuict,

Pour montrer sa face plus belle

Quand le matin il vient vers elle.

[35]Au Seigneur de Riuerie, le Baron
Laurencin.

Astree, la vertu ancienne

Descendant du plus hault des cieux,

Feit Laurencin la maison sienne

( Laurencin le premier des vieux

Bien renommé en tous les lieux)

Ou qu’elle voyse, ou qu’elle vienne,

Elle ne pouoit loger mieux.

[36]Au Tresorier Martin de Troye.

Priam, Seigneur de la grant Troye,

De grans biens & vertus doué,

A peine fut autant loué

Qu’est auiourdhuy Martin de Troye.

Au [p. 176]

176

[37]Au Tresorier Artus Prunier, & Rece-
ueur du Dauphiné.

Tu mets contraires en accords,

Car tu es petit quant au corps :

Mais d’esprit, & d’experience

Es bien plus grant qu’en corporance.

[38]A Ieã Prunier, receueur de Forest.

Tu mets contraires en accords,

Car tu es grant d’esprit & corps :

Mais en grace & ciuilité

Tu as cœur plein d’humanité.

[39]Au Capitaine Ceruieres, Capitai-
ne des enfans de Lyon.

Ie ne say par quelles manieres

Ie puisse extoller dignement

Le vertueux-heureux Ceruieres,

Qui se maintient si dextrement.

[40]Au Capitaine George Regnart.

Tu as vertu, & grace humaine,

Que ie tesmoigne en ma science :

La verité à ce me meine,

Qui en ay veu l’experience.

Aux [p. 177]

177

[41]Aux Enfans de la ville de
Lyon.

On veit, quand nostre noble Roy

Entra en triomphant arroy,

Voz vertueuses alegresses,

Voz brauetez, & voz richesses.

[42]A Nicolas Henry, seigneur de
Cremieu, Lyonnois.

Ieunesse, science, & sagesse,

Eureusement en toy se montrent :

Aussi les grans biens s’y rencontrent :

Et qui voudroit plus grant richesse ?

[43]Au secretaire Iean Grauier.

Si i’oubliois Grauier qui m’ayme,

Grauier qu’aussi i’ayme, & ie prise,

Grauier qui mes vers fauorise,

Ie m’oublirois quasi moy-mesme.

[44]Au Chanoine Charton,
Lyonnois.

Si ta grande science pleine

Tu ioints à ma petite veine,

m [p. 178]

178

A mon art, & basse science :

Ie t’asseure que telle estreine

Ie prendray bien en patience.

[45]À P. Sceue.

La bonté, la vertu, la grace

Qui en tes faicts, & en ta face

Reluysent tant apertement,

Meritent honneur doublement.

[46]A Maistre Mathieu Michel.

Bien doict vers toy ma Muse aller,

Pour ta vertu, & ta science :

Puis d’amitié la longue vsance

Ne se pourroit iamais celer.

[47]A Maistre Antoine Virieu, En-
questeur en la Senechaucé
de Lyon.

Qui plaisir fait, il vient les cœurs lier

D’vne amitié qui s’entrelasse entre-eulx :

Vn plaisir faict ne se doit oublier :

Et autresfoys m’en as fait plus de deux.

Au Gr [p. 179]

179

[48]Au Grefier Vidilli.

Ie say que tu aymes la Muse :

Et ie l’ayme, & poursuis aussi,

Et comme à celuy qui en vse

Te dedie ce quatrain cy.

[49]A Ennemond Polier.

Polier ami tant acompli,

Et en amitié tant poli,

L’esprit poli, dont ton sens vse,

Pourroit polir ma rude Muse.

[50]Au Lieutant de la ville de
Chartres.

Entrez en ce rang maintenant

Vincent que vingt cent fois i’admire,

Vertueux Chartrain Lieutenant,

Ou la vertu mesme se mire.

[51]Au Seigneur Ian Antoi-
ne Gros.

Ie te lourois plus grandement

Que par vn quatrain seulement,

Qui t’ay congnu ces ans passez :

Mais ta vertu te loue assez.

m 2 [p. 180]

180

[52]Pour excuse, si aucuns ne sont pas
bien mis en leur ordre, & se
lon leurs qualitez.

Si ie n’ay bien obserué l’ordre

De voz estatz, & qualitez,

Nul detracteur me vienne mordre,

Qui n’entends ces solennitez.

[53]Au Lecteur.

Au lieu de ris, ioyez, esbatz,

Qu’aucuns prennent en passant tẽps,

Auec ma Muse ie m’esbas :

Ma Muse c’est mon passetemps,

De qui vn peu plus ie pretends

Que de perdre le temps à rire.

Si tu ne m’entends, ie m’entends :

Car non en vain sonne ma Lyre.

[54]A Françoys Santien, Seigneur
de Villette.

Le sens meur, & non ancien

L’heur, & la valeur (sans mentir)

Ne me sauroient de Santien

Sinon tout bien faire sentir.

A Noé [p. 181]

181

[55]A Noé Neyret, & Marie
Briande sa femme.

Ce moys nouueau, & enioué

Vous doint vn beau fils pour estreines :

Et que voz personnes bien saines

Viuent les ans du vieux Noé.

[56]A Iean de Rochefort.

Bien que ie ne sois ton parent,

Toutesfoys i’ay de toy pitié

Quand ie te voy si beau, si grant :

Ou trouueras tu ta moitié ?

[57]Aux deux freres Prunas, • il s'agit de Léonard Prunas et de François Prunas
Lyonnois.

Tous deux de ma Muse, & de moy

Amis, tous deux freres aussi,

Verrez voz noms tous deux ici,

Noms qu’oublier ne veux, ne doy.

[58]Aux deux freres Taillemont • il s'agit de Claude de Taillemont et de Jacques de Taillemont .

Tous deux freres, tous deux amis,

Tous deux aymez autant que trois,

Voyez voz deux noms que i’ay mis

Au front du plus renommé moys.

m 3 [p. 182]

182

[59]Au premier moys de l’an.

Moys à deux testes, & bonnetz,

Puis qu’à ton loz ma Muse forge,

Porte aux amis mes vers clers-nets,

Et tous frais sortant de ma forge.

[60]Au Seigneur Leonard Spine.

Dedans Lyon, eureux, tu tiens

L’extremité de deux grans biens :

C’est vn beau petit innocent,

Et vn grant batiment recent.

[61]A Alexis Iure, de Quiers.

Puis que Marot t’aymoit, & t’escriuoit

En vers François, comme en son œuvre on voit,

Ma Muse veult sonner dessus sa lyre,

Qu’elle peult bien & t’aymer, & t’escrire.

[62]Au seigneur Sebastian
Sommage.

A ce tant vertueux Seigneur

Ma Muse doit porter honneur :

La vertu mesme fait hommage

A vn Sebastian Sommage.

A Mon [p. 183]

183

[63]A Monsieur Clepier, Aduocat.

Ta grand constance, & grand science

Qu’on ne peult louer dignement,

Me font passer dessous silence

Ce que tu as diuinement.

[64]L’auteur, à son compere Seba-
stien Gryphius.

Si vostre art, comme l[’]on scet bien,

Vous rend de l’honneur & du bien :

Vigilance & viuacité

Dient que l’auez merité.

[65]A son compere, Guillaume Ro-
uille, Libraire.

Diligence, & dexterité

Amitié aux gens de sauoir,

Vous deuoient la prosperité

Qu’on peult chez vous aperceuoir.

[66]A Benoist Montaudouyn,
Bateur d’or.

Quand i’ay de l’or ie le caresse :

Et nonobstant tost il me laisse :

Et toy qui de grans coups luy donne,

Il te suit & ne t’abandonne.

m 4 [p. 184]

184

[67]A son compere Thibault Payen,
Libraire, chez qui se vend le
present liure.

Vends mes vers, possible immortelz,

Payen de nom, Chrestien de faict :

Et pleust or à Dieu en effect

Que tous les Payens fussent telz.

[68]A son compere Iean de Tour-
nes, maistre Im-
primeur.

Ton nom par tout si fort congnu

Aura bien petit auantage

D’estre dans mes vers recongnu,

Qui seront d’amitié le gage.

[69]A Philibert Rollet, lors qu’il
imprimoit le pre-
sent liure.

Puis qu’en ton art prens tant de peine

De mettre mon liure en lumiere :

Reçoy ce quatrain de ma veine,

L’ouant ta vertu singuliere.

A Guil [p. 185]

185

[70]A Guillaume Phylledier
Imprimeur.

En ton estat, & en ta charge

Si tu as eu peine & affaire,

Aussi ta patience large

S’y est monstree necessaire.

[71] L’auteur à sa commere, la dame
Clemence de Rochefort.

Pour vne estreine à rebours faite,

Le mal des yeux ie vous souhaite,

Et à voz gens : en somme toute,

Que chez vous nul n’y voye goutte.

[72]A Anne de Rochefort.

Comme le beau Souleil efface

Des estoilles vn million,

Ainsi la beauté de ta face

Enrichie de bonne grace,

Passe les beautez de Lyon.

[73]A Sibylle de la Porte.

Quand aux autres noms ie compare

Le tien beau, & qui tant bien sonne

Ie di qu’il est tant beau, & rare,

Qu’il conuient bien à ta personne.

m 5 [p. 186]

186

[74]Au premier moys de l’an.

Ò Ianuier des Moys le premier,

Et qui accostes le dernier,

Ianuier ioyeux pour tes estreines,

Si tu viens vers moy les mains pleines,

Ie ne te veux pas renier,

Ains veux armer mes Muses saines

Pour te deffendre de Feburier.

[75]A Madamoyselle Lallier.

Et en la France, & en l’Itale

I’ay ton espoux veu, & congnu,

Qui, en louange principale,

Est pour second Phebus tenu :

Mais ton pere onques n’est venu

En congnoissance, & veue mienne,

(Au moins pourueu qu’il m’en souuiẽne)

Et si ie m’ose bien vanter

Le congnoistre (sans attenter

Par sus ma Muse, du vray serue)

Ton pere c’estoit Iuppiter,

Car il a engendré Minerue.

A mada [p. 187]

187

[76]A Madamoyselle de la Foy.

La vertu, la beauté, la grace,

De grand pris, chacune endroit soy,

N’ont point choisi meilleure place

Qu’en Damoyselle de la Foy.

[77] L’auteur, à sa Flora.

Tant que la mer sera salee,

Et la terre en May verdira,

Tant que montaigne aura vallee,

Fleurie en mes vers fleurira.

[78]A la bourgade de Chaponnot au
Lyonnois, lieu natal de sa
Fleurie, ou Flora.

Chaponnot, lieu hault & non maigre,

Ou ma Flora fut verdissant,

Tu sois tousiours sain & allaigre,

Et mieux que Tempé florissant.

[79]A son filz aisné, Iean Fontaine.

Sers bien Dieu, li bien, escri bien,

Honore pere, mere, & maistre :

En ce faisant tu pourras estre

Vn iour en honneur, & en bien.

A sa [p. 188]

188

[80]A sa fille Françoise Fontaine.

Ton corps a beauté suffisante :

Ton esprit a viuacité :

Fay que tu sois à Dieu plaisante,

En douceur & humilité.

[81]A son filz Charles Fontaine.

A trois ans assez bien tu parles,

Dans autres trois tu viendras lire

Les beaux vers que ton pere Charles

Pour son filz Charles veult elire.

[82]A son petit filz Sebastien
Fontaine.

I’ay beau parler, tu ne m’entends,

Tu es trop petit pour m’entendre :

Mais, à voir ce tien minois tendre,

Semble qu’à respondre pretends.

[83]Autre.

Mon petit masle singulier

En beaux petis membres vnis,

Venus te prent pour Adonis,

Mais garde toy du faux Sanglier.

A mon [p. 189]

189

[84]A Monsieur Auberi, Lieute-
nant Ciuil à Paris.

Science, & conscience bonne,

Grauité & facilité,

Iointes à ton autorité,

Illustrent beaucoup ta personne.

[85]A Monsieur Braillon, Conseil-
lier au siege Presidial
de Lyon.

Le nom & renom de ton pere,

Des Roys • il s'agit de François Ier et peut-être de Louis XII & Muses honoré,

(Et qui durant son cours prospere

Fut de la France reueré

Mesme en Paris presque adoré

Comme vn Phebus seul en son art)

M’incite de te faire part

De mes Muses : mais d’auantage

Ta propre vertu m’encourage,

Ton sauoir, & ta grace : & puis

Ne fault oublier ce passage,

Que tous deux sommes d’vn pays.

A mon [p. 190]

190

[86]A Monsieur Pasquier , aduocat
au Parlement de Paris.

Quand ma Fontaine veult transmettre

Deuers toy quelque siens ruisseaux,

Incontinent, en prose ou metre,

Ie luy responds que seroit mettre

Dedans la grand mer, des eaux.

[87]A Monsieur Duarenus, Do-
cteur, Regent à Bourges.

Vers les sauans tousiours tu vses

De faueur, & d’humanité,

Qui m’as semonds, & inuité,

Honorant mes petites Muses.

[88] L’auteur à son cousin Monsieur
le coigneux, Aduocat au
Parlement de Paris.

Ta personne tant docte-humaine,

Que la deesse docte meine

Aux champs des loix des fruitz cueillir,

Poulse ma Muse à ne faillir

T’offrir la veine, & la Fontaine

Que tu voulus bien recueillir.

A son [p. 191]

191

[89]A son cousin Antoine du gué.

Mais qui me pourroit diuertir

D’aymer ta science & vertu

Dont ton esprit est reuetu ?

Puis le bon sang ne peult mentir.

[90]A Monsieur le Baron de l’Espinasse.

L’amour que tõ cœur porte aux lettres,

Tesmoing ta librairie grande,

Fait voir ton nom en cette bande

Des amis de mes petis mettres.

[91]A I. de Cãbray, Chancelier de Bour-
ges, Ambassadeur du Roy.

Tu scez parler maint beau langage,

Tu as acquis mainte science,

A qui as ioint experience,

Grace, & grans amis d’auantage :

Et tout cela en moyen aage.

[92]A Monsieur Touchet, Lieute-
nant à Orleans.

L[’]on prise sur tous vn Touchet,

Sa science est pour or de touche :

Et quand sa main par escrit couche,

Le poinct y gist, sans qui tout chet.

A Iac [p. 192]

192

[93]A Iacques Ioubert, Lieutenant Crimi
nel à Bourges, que l’Auteur auoit
veu malade puis peu de temps.

Pour t’estrener, auoir voudrois

L’art de Phebus, & de Circé :

Lors la santé ie te rendrois :

Puis en ton pere remettrois

La ieunesse du temps passé.

[94]A Françoys l’Archer, Procureur
des Comptes à Paris.

Phebus fait son tour & retour

De iour en iour continuel,

Par son Zodiaque annuel :

Ainsi ma Muse, sans seiour

Vole & reuole tout au tour

D’vn Archer amy solennel,

Et en amitié eternel.

[95]A Monsieur Fournier, Poëte,
& à Iean Garnier.

I’admire la Muse à Fournier,

Sonnant bien en Sonnet & stance :

I’ayme l’amitié d’vn Garnier

Dont dans Tournus ie eu cõgnoissance.

A Capi [p. 193]

193

[96]Au Capitaine Pierre Bon.

Au faict conuient tresbien ton nom :

Car soit en mœurs, dont nul te charge,

Soit en ton estat, & grand charge,

(Ou tu as acquis bon renom,

Auec honneur bien ample, & large)

Vn chacun dit que tu es bon.

[97]Au Contreroleur, Philippe
Coulom.

Coulom de nom, Coulom de mœurs t’es fait,

Coulom qui n’est bigarré, ne diuers,

Ains d’vn blanc doux, plumage tant parfaict

Qu’il peult blanchir, & adoucir mes vers.

[98]A Monsieur de belle Isle.

Si i’estoye belle riuiere,

Ne faudrois d’estrener belle Isle,

Et l’estrenerois la premiere :

De mes poissons auroit dix mille :

Puis l’accolant sans fin ne cesse,

Bruirois en signe de caresse :

Mais tresbien me contenterois

D’estre auiourdhuy belle Fontaine,

Car auec le temps ie ferois

De mes ruisseaux riuiere pleine.

n [p. 194]

194

[99]A Guillaume du Louët, seigneur
de Querinec.

Ie congnois bien, & ne puis ne congnoistre

Comment tu prens par vertueux desir

Plaisir & peine à me faire plaisir,

Que veulx & doy par mes vers recongnoistre.

[100]A Monsieur Syluius, Mede-
cin à Paris.

Vn Syluius en medecine

Doublement estimer on doit :

Car de tous maux scet la racine,

Et par sa science diuine

En guerit l’homme s’il le voit.

[101]A Monsieur Fernel, aussi Me-
decin à Paris.

Vn Fernel, Phebus en son art,

Porte en son chef la Theorïque :

Puis se fait voir en toute part

Expert-eureux en sa pratique.

[102]A Geofroy Granger Mede-
cin à Paris.

Pour estreine ie te donrois

Vne Muse mieux accomplie,

Et de haulteur passant les trois,

Et de [p. 195]

195

Et de termes trop mieux polie

Et d’inuention mieux remplie,

Si i’estois par grace diuine

Tel Apollo en Poësie

Comme tu es en medecine.

[103]A Guillaume Plantius, aussi
Medecin à Paris.

Les Aphorismes bien tournez

Par toy ami plein de science,

Nous font voir par experience

Vne part des grans dons ornez

Que le hault ciel t’a destinez.

[104]A Claude Millet, Mede-
cin à Lyon.

Ie te puis dire vn Esculape,

Qui fais les gens resusciter,

Puis souuent les laz euiter,

Par lesquelz la Mort nous attrape.

[105]A Simon Guy, maistre Chi-
rurgien à Lyon.

Ton art vtile, & necessaire

Tu le scez tant seurement faire,

Que ce qui est plus difficile

T’est naturel, & tout facile.

n 2 [p. 196]

196

[106]A Marie Buzelin.

Le ciel se courbe, admirant ta constance

Contre l’effort d’vn destin, ou fortune :

Puis sus ton chef vne fleur d’excellence

Reluire fait, qui n’a pareille aucune.

Comme l[’]on voit luire vne belle Lune,

Entre maint astre apparente en clarté

Durãt la nuict qui est obscure & brune :

Ainsi le pur de ton integrité,

Durant l’orage, & en l’obscurité,

Fait qu’en vertu es entre dix mille vne.

[107]A Marie Crabe.

Comme en loix, en vertueux zelle

Ton espoux maintz Aduocatz passe,

Ainsi en taille, en grace, en face

Tu passes mainte femme belle.

[108]De son petit filz Polycarpe.

Ton Polycarpe ie n’oublie,

Ton petit filz tant esueillé :

Filz de face & grace anoblie,

Filz à tout bien appareillé.

A P. de [p. 197]

197

[109]A P. de la Saulx, Secretaire du
Cardinal de Chastillon.

Comme la Saule, arbre vtile & plaisant,

Se resiouyt aux ruisseaux de Fon-
taine :

Ainsi la Saulx, ami plaisir faisant,

Se resiouyt au doux bruit de ma
veine.

[110]A Charles Seuin, Chanoine
d’Agen, en Agenois.

L’honneur, & renom que merite

Ta vertu, ta grace, & sauoir,

Aussi ton bon recueil, m’excite

Ne passer sans faire deuoir

De te faire ici ton nom voir,

Mon Parrin, & ami d’eslite.

[111]A maistre Iehan Ferrand,
de Clamart.

Il ne fut onc acier si fort

Que la nostre amitié est forte,

Et qui, en despit de la mort,

Onque en mes vers ne sera morte.

n 3 [p. 198]

198

[112]A Monsieur de Sangelais.

Pour bien te louer par escrit,

Ie voudrois de toy emprunter

Ton cler, & ton diuin esprit,

Si tu me le voulois prester.

[113]A Maurice Sceue, Lyonnois.

Ces quatre vers que tu lis & tu tiens

(Ce dit Ianus ) sont les estrenes tiẽnes,

A celle fin que dix braues des tiens,

A cent pour cent, soyent les estreines
miennes.

[114]A Monsieur du Parc, Cham-
penois.

Que veulx tu ami que te donne ?

Tu metz assez en euidence

Et ta science, & ta prudence,

Qui vont illustrant ta personne.

[115]A P.de Ronsard.

I’entonnerois plus hautement,

Ie chanterois plus amplement,

Si la Musette en moy infuse

Estoit digne de ta grand Muse.

A Ioac [p. 199]

199

[116]A Ioachin du Bellay, Seigneur
de Gonnor.

Pour escrire vers de hault pris

Tu entens mieulx que moy le poinct :

Si t’escri-ie, & tu ne m’escris :

Mais tu escris, ie n’escri point.

[117]A E. Iodelle Parisien.

Ta Tragedie, Cleopatre,

Que le Roy voulut voir iouer,

Dont il feit dresser le Theatre,

Te feit en Court beaucoup louer :

Mais ie t’ose bien aduouer

De plus, si plus tu veux promettre,

Et à ton Apollo vouer

Nous mettre au iour tout ton beau met-
tre.

[118]A G. deshautelz.

Si comme toy Poëte estoye,

A toy comme toy i’escriroye :

Mais i’escri à toy comme moy :

Escri donc à moy comme toy.

n 4 [p. 200]

200

[119]A Monsieur de Sainct Romat.

Viue la Muse docte-humaine

Qu’en nostre Athene ie congnu,

Sur ce beau mont qui nous rameine

Tout l’honneur du Grec mont cornu.

[120]A E. Forcadel.

Ta Muse, amie de la mienne,

Bien amplement vault le louer :

Ma Muse, amie de la tienne,

En telle mer n’ose nouer.

[121]A I. Gohorri Parisien.

Si ie t’escri, ne t’esbahis :

Car les Muses, & le païs

Ne permettent que ie t’oublie,

N’y ta grace qui les cœurs lie.

[122]A Ponthus de Thiart.

Ta douce-eureuse grauité

Te rend Poëte inimitable :

Mais la grande profondité

De ton sauoir, incomparable.

[123]A Oliuier de Mangni.

Ie veux que ton Phebus m’inspire

Pour te louer suffisamment

Comme il t’inspire abondamment

En louant ta Castianire.

A Remi [p. 201]

201

[124]A Remi Belleau, Poëte.

Tous deux sommes (ami Belleau )

Cousins & de Muse, & de nom :

Aussi tous deux aurons renom,

Puis que tous deux portons belle eau.

[125]A Cl. Chappuy.

L’Aigle par toy tant bien chantee

Qui feit la poule à Landreci,

Que n’est elle ores rechantee,

Puis qu’encor fait la poule aussi ?

[126]A P. Saliat, qui a traduit
Herodote.

Saliat, qui à toy s’allie,

Est d’amitié bien allié,

Quand amour telle la lie,

Qui noz espritz long temps a lié.

[127]A luymesme.

Les vns quierent l’inuention.

Le sauoir, la profondité :

Les autres la deduction

Auec grace, & facilité

Ennemie d’obscurité :

A tant de gens ayant affaire,

n 5 [p. 202]

202

Pour leur diuerse qualité

Comment pourrois-ie satisfaire ?

[128]A Iean Dorat tresdocte en Grec.

Ami, non moins sauant que sage,

Celuy qui ores ne saura

D’ou vient Minerue, le lira

Facilement en ton visage.

[129]A Louis Chesneau, lecteur
en Hebrieu, à Paris.

D’estre tost grand durant ce regne

Ie t’en donne vn moyen nouueau :

Roigne vt [sic pour vn] petit nom nom, Chesneau,

Incontinent deviendas [sic pour deuiendras] chesne.

[130]A Iacques Pelletier.

En Pelletier l’art Poetique

Non seulement se trouuera,

Mais maint art de Mathematique

Auec luy on descouurira.

[131]A Monsieur Amyot, qui a traduit He-
liodore, Diodore, & les vies
de Plutarque.

Bien que ie ne t’ay iamais veu

(Sinon [p. 203]

203

(Sinon que tu m’ayes deceu)

Si te puis-ie faire sauoir

Qu’à moy, & maints, t’es bien fait voir.

[132]Au seigneur de Baif Poëte.

Le chant de ta Muse, Baif,

Muse Françoise, donc eureuse,

Est si parfaict, & si naif,

Si plein de grace armonieuse,

Qu’il te fera, & mort & vif,

Viure la vie glorieuse,

Malgré Caron, & son esquif,

Mal gré l’eau noire obliuieuse.

[133]A monsieur de bon Repos, mon-
sieur Lateranus.

Il ne fut onc feu sans fumee,

Effect sans cause n’a esté :

Aussi ta grande renommee

En sauoir, & humanité,

(Le contrepoix d’autorité)

Ne sont sans le faict : aussi en ce

Ne celeray la verité,

Qui suis tesmoing d’experience.

Quand [p. 204]

204

Quand donc ie prendray ma volee,

Guindé sus l’aile de mes vers,

Bien tost ta louange extollee

Reuolera par l’vniuers.

Ie say tes clers esprits ouuerts

Surpasser ma Françoise Muse,

Mais mes vers floris, tousiours verds,

Ou ton nom florit, ne refuse.

[134]A monsieur Fumee, grand Rap-
porteur de France.

Ta haulte Pallas, lumineuse

Plus que la perle clere-nette

Que la grand’ Royne somptueuse

A de sa belle oreille traite,

Pour sumptuosité parfaite :

Cette Pallas tant precieuse

Iointe à faconde gracieuse,

Ne peult au vif estre pourtraite

Par le pinceau de ma Musette,

Sans la vertu miraculeuse

De la mesme Pallas eureuse.

Qui l’ayt premier idoine faite.

A Bar [p. 205]

205

[135]A Bartolemi Aneau.

Ta science pleine, & entiere

Que l[’]on peult bien assez congnoistre,

Te fera encor mieux paroistre

Mettant tes œuures en lumiere.

[136]A G. Aubert Aduocat à Paris.

Ieunesse, science, & vertu

Qui tous trois reluisent en toy

(Comme l[’]on scet, & ie le voy)

S’ils prosperent, quel seras-tu ?

[137]A François Content.

Ami tu es content de nom,

Mais ma Muse chante en effect

Qu’en tout honneur, & bon renom,

Nous le sommes tous deux de faict.

[138]A Gilles Bolaud.

Toy, & ton frere, deux amis

(Dont ma Muse a eu congnoissance

Des sa ieunesse, ou son enfance)

Par moy ne sont en oubli mis.

A Marc [p. 206]

206

[139]A Marc Roger Mathe-
maticien.

Quiconque hantera Roger

De perdre temps n’ayt deffiance,

Car en matiere de science

Il trouuera bien à ronger.

[140]A G. Galterus.

Longue amitié, literature,

Ne me voudroyent iamais permettre

Que i’oubliasse ton nom mettre

En mon tresor, qui luit & dure

Plus que la perle nette & pure.

[141]Au Poëte Tahureau.

Ton sauoir, ta Muse, ta veine,

Qui tant doux coulent par la France,

Te font, par la Françoise plaine,

Auoir renom à suffisance.

[142]A Iean Pierre de Mesme.

Ma Muse estrenant ses amis,

Si elle t’auoit oublié,

Ce peché ne seroit remis,

Ains à iamais seroit lié.

A Bo [p. 207]

207

[143]A Bonauenture du Tronchet.

Tu as la Muse, & la ieunesse

Auec naturelle alaigresse.

Et que te puis-ie donner plus ?

Tu vaux plus de cent mil escus.

[144]Au Lecteur.

Si à mes amis ie me iouë,

Qui vouldra, m’en louë ou deslouë :

Ie ne suis point de ces Stoïques,

Sourcilleux, & melancoliques :

Et les vers doiuent tousiours estre

Bien resemblables à leurs maistre :

Et puis les estreines gentiles

Ne veulent estre tant subtiles :

Et à resuer, & rechercher

Maint amy ne se veult facher,

Qui n’a le temps, ne le plaisir,

Comme aucuns qui ont bon loisir.

Marot pour sa facilité

Sera leu, comme il a esté,

Du commun (auquel ne veulx plaire

Totalement, n’aussi desplaire)

Tous [p. 208]

208

Tousiours aura plus de lecteurs

Que cent, & cent, d’autres auteurs.

[145]A monsieur Angelus.

Mon cœur auec le tien lié

De forte amitié qui le lie,

Fait que ie ne t’ay oublié :

Fay donc que le tien ne m’oublie.

[146]A Iean Otin.

Ton cœur qui m’ayme, me prouoque

A t’aymer, louer, honorer

D’vne affection reciproque,

Et par mes vers te decorer.

[147]A Calui de la Fontaine.

Ton nom du tout semblable au mien,

Et ton cœur espris de ma Muse,

Me lient d’vn si vray lien

Que de m’excuser n’ay excuse.

[148]A Claude Gruget, Parisien.

Ton Astre auec le mien s’accorde,

Et me lie de telle corde

Qu’auec ta Muse qui m’astraint,

D’vn nœu plus fort me sens contraint.

A Re [p. 209]

209

[149]A Remi Belleau, Poëte.

Nous nous aymons, qui dit que non,

Certainement trop il s’abuse :

Tous deux sommes parens de nom,

Et tous deux parens de la Muse.

[150]A N. Preuotet.

Tu n’as pas trop, & si trop as,

Voire vn petit trop, Preuotet,

Ie te veux donc oster le ,tet,

Tu auras plus que n’as pas.

[151] L’auteur inuite ses amis à venir voir
leurs noms en son liure.

Pour recongnoistre vne amitié certaine,

Et tout plaisir que souuent m’auez fait,

Ce quatrain-cy vous semond en effect

Que vous veniez tous boire à la Fontaine.

[152] L’auteur estreine quatre cens amis
par ce quatrain.

Mes quatre cens amis i’estreine

De mes vers pleins d’vn bon vouloir :

N’est-ce pas vne riche estreine ?

Tant qu’on veult on la fait valoir.

o [p. 210]

210

[153]Aux gens illustres, & d’authori-
té, dont l’auteur a fait men-
tion en ses œuures.

Mes vers honorent vostre nom

(Ce dit on) mais ie di que non :

Ainsi ie maintien tout le reuers,

Vostre nom honore mes vers.

[154]Aux gens doctes, dont il a
fait mention.

Si i’ay mis voz noms en mon liure,

L’ay-ie fait pour les faire viure ?

Vie sans moy vous leurs liurez,

Et par voz œuures mieux viurez.

[155] L’auteur estreine vn ieune glo-
rieux, qui se [contentoit]
bien de sa personne.

Tu es à toy sage, & sauant,

Et quelque chose dauantage :

Mais à moy, ny à tout viuant,

Tu ne fus onc sauant, ne sage.

[156]A vn petit Myrmidon.

Petit de corps & de science,

Tu n’as cœur loyal à demi :

Que [p. 211]

211

Que dy-ie ? tu es fort ami,

Car tu as double conscience.

[157] L’auteur donne les estreines
à ses enuieux.

Pour estrener mes enuieux

Ie veux qu’ilz soyent dans vn an vieux,

Vieux radotez, & r’acroupis

Ie leur souhaite encore pis :

Puis qu’ilz ne sauent rien bien dire,

Qu’ilz ne cessent point de mesdire.

[158]Au Lecteur.

Quand ma Muse va saluant

Cent miens amis par ces estreines,

Les honorant, & les louant

Pour leurs vertus & graces plaines,

Mais ou sont les personnes vaines

Qui par brocards luy voudroiẽt nuire ?

Telz n’auroyent pas les testes saines,

Ains sur eulx auroyent plus à rire.

[159]A Françoys du Cleré.

Ces Nymphes qui te sont amies,

Sont aussi amies des Muses,

o 2 [p. 212]

212

De mes Muses non endormies,

Françoyses, franches & sans ruses.

[160]A vne Damoyselie [sic pour Damoyselle], sa cou-
sine d’aliance.

Le perroquet de la belle Corine

En son langage auoit tant bonne grace,

Mais ie suis seur que cil de ma Cousine

En sa voix begue, & en sa langue grasse,

Parlant, chantant, plus de deux fois le passe :

Or quant à moy cela n’est de merueille,

Car ma Cousine en sa bouche vermeille,

En sa main docte, & en sa douce voix,

En sa beauté, & grace nompareille

Surpasse bien la Corine trois fois.

[161]A Michel Miriti, de Rhodes,
estudiant à Pauie.

De païs Grec, d’habit Françoys,

De cœur ami, bien que brun sois

(Si tu n’es blanchi à Pauie)

Tousiours sera blanche ta vie.

A vn [p. 213]

213

[162]A vn ami qui luy donna vn braue
boucquet de soye, & de fil d’or.

Boucquet de fleurs m’auez donné

Qui ne sera d’vn an fenné :

Boucquet des Muses ie vous donne,

Qui tousiours verdit, & floronne.

[163]A Monsieur de Bieures, gentilhom-
me Champanois.

Ta grand vertu, & grand bonté

Mon petit stile à surmonté :

Et fault que ma Muse se change

Pour te donner digne louange.

[164]A son compere René Chandelier.

Ie ne say plus si tu es homme,

Tu ne me parles, n’escris rien :

Ami, qui es ores à Rome,

De m’escrire fay moy ce bien.

[165]A E. Charpin.

Par mon souhait plein & entier,

Charpin, tu seras charpentier

o 3 [p. 214]

214

De l’arbre plus vieil que Nestor

Qui porte belles pommes d’or :

Et ne crains le dragon veillant

Qu’à mort mettras comme vaillant.

Cela sous condition telle

Que i’auray la branche plus belle,

Dont les pommes arracherons,

Et toutes nous les mangerons

Sans les laisser pourrir trop d’ans :

Et sans mettre les dents dedans.

[166] L’auteur au Lecteur.

Me blasme tu comme Poëte

Quoy que ie ne chante aussi bien

Qu’vn Rossignol, ou Aloete

Au liure en Vers, que ie fay tien ?

Si ie le say, ne verras rien

Cy apres, de mon œuure en prose :

Car, quoy que ce fust plus grand chose,

Tu voudrois, ennemi lecteur,

Auec ta langue qui trop cause,

Me detracteur comme Orateur.

Au Sei [p. 215]

215

[167]Au Seigneur Iean Brinon.

Si aucuns miens vers sont legers,

Aussi y en a il de poix :

De nature, & de Dieu les loix

N’ont fait egaux boys ny vergers :

Non les estoilles en clarté,

Non pas auiourdhuy & demain.

Non par les doigtz de nostre main :

Par tout y a diuersité.

Fin des Epigrammes pour
estreines.

o 4 [p. 216]

216

[168]A IEAN BRINON,
Charles Fontaine S.

Ie ne t’ay pas en oubli mis

Quant aux enigmes te donner :

Ne t’auois-ie pas bien promis

Que te donrois à deuiner ?

[p. 217]

217

SENSVIVENT
xxviii. enigmes,
traduitz des vers Latins
de Symposius, an-
cien Poëte.

[1]ENIGME I.

A ux riches gens, combien que soys
petite,

Bien grandement ie sers, & ie prou-
fite,

A mon seigneur ie garde la maison,

Et suis de luy gardee pour raison.

[2]II.

Et moy qui suis de belle forest fille,

Longue ie suis, & suis portee habile,

Ayant plusieurs compaignes de ma race :

Ie cours beaucoup ne laissant point de trace.

[3]III.

C’est vn grand cas comme en ce monde i’entre

Ie n’estois né, ny de ma mere au ventre,

Lors que rendu sa portee elle auoit,

En la rendant nul ne m’apperceuoit.

o 5 [p. 218]

218

[4]IIII.

I’ay corps petit, mais i’ay le cœur bien grand :

Ie suis bien fin, à peine on me surprent :

Beste suis sage, ainsi le veux entendre,

Si on me doit pour vne beste prendre.

[5]V.

I’ay ma maison qui clerement resonne,

Elle fait bruit, & l’hoste mot ne sonne :

Ce nonobstant & l’hoste & la maison

Courent ensemble, & en toute saison.

[6]VI.

Ie chante en l’eau vn chant tout enroué :

Ma rude voix de louange resonne,

Et ceste gloire elle mesme se donne :

Ie chante fort, mon chant n’est point loué.

[7]VII.

Aueugle suis, le iour me semble nuict :

Ie ne puis voir du Souleil la lumiere :

A fin que nul ne me voye, il me duit

Que soys tousiours souz terre en ma taisniere.

[8]VIII.

Sans plumes suis, ayant ailes volantes,

Ie hay le iour, les nuictz me sont duisantes.

IX.

[p. 219]

219

[9]IX.

Ma maison est toute pleine d’espine,

Et si ie suis hoste de petit corps :

I’ay le doz sain, persé d’aiguilles fines,

Comme on peult voir dessus moy par dehors.

[10]X.

Ie suis tout contraire au cheual,

L[’]on me monte dessus le ventre :

Ie vois puis à mont, puis à val,

Querant de la terre le centre,

Mais dedans la terre ie n’entre,

Ie vole aucunesfois sans ailes :

Et bien souuent i’en ay de belles :

Ie vois sans pieds, & auec pieds :

Et voy maintes choses nouuelles

Ayant le vendre & pieds liez.

[11]XI.

Chasseur, escoute vne nouuelle chasse,

Nouuelle elle est, car cil qui me pourchasse,

Quand il m’a prins il n’a cure de moy :

S’il ne me trouue il m’emporte auec soy.

XII.

[p. 220]

220

[12]XII.

Sage ie suys, car tel ie me comporte,

Que ie prens peine, & trauaille beaucoup,

Ie vois portant non pas tout à vn coup

Ce qui vaincra du froit la saison morte.

[13]XIII.

Naistre ne puys sans occire ma mere,

I’occis ma mere, & i’auray telle mort :

Donc en ma fin i’endure non à tort

Le mal que fey quand ie vins en lumiere.

[14]XIIII.

Pallas m’aprint la manière d’ourdir :

Ma toille n’a que faire de nauette

Pigne, ou mestier : ie n’ay mains pour tenir

Car seulement aux piedz ma toille est faicte.

[15]XV.

Ie m’entretiens, & suys de fer liee,

Et si plusieurs liez ie retiendray :

Liee suys premier, puys les tiendray :

Maintz i en deslie, & ne suys desliee.

[16]XVI.

Des larmes i’ay en façon de grant pleur,

Et si ie n’ay point cause de douleur :

Ie vois au ciel, mais l’air espois ne veult :

Qui [p. 221]

221

Qui m’engendra sans moy naistre ne peult.

[17]XVII.

N’a pas long temps que ie suys d’eau venue,

Ce que i’espere encore bien tost estre :

Sur moy marcher ie ne veux pas permettre,

Pareillement que l[’]on me tienne nue.

[18]XVIII.

Ie n’ay iamais de certaine figure,

Car peu de temps toute forme me dure :

I’ay vn grant lustre apparent par deuant,

Ne monstrant rien qu’il n’ait veu parauant.

[19]XIX.

On me peult bien coupper, mais non pas fendre :

Ie suys diuers, en la faim seray gris :

I’aymerois mieux estre noir, tout compris,

Mieux me pourrois de vieillesse defendre.

[20]XX.

De bout en bout ie suys pleine de dents,

I’ayme le boys, ie mordz bien fort dedans :

Ie mordz en vain, car le tout ie reiette :

Tant plus i’ay faim, & plus y suys subiette.

[21]XXI.

Ie naiz pendue, & pendue engrossis :

I’ayme l’humeur, de l’eau nourrie suys :

Le [p. 222]

222

Le vent me poulse, & me rend esperdue :

Brief ie me meurs, si ie ne suys pendue.

[22]XXII.

I’ay esté mise entre la dure pierre

Qui me pressoit, & tenoit si fort serre,

Qu’à peine ay peu sortir de tel encombre :

Petite suys, mais en bien plus grant nombre.

[23]XXIII.

Le feu corrompt ma vertu chaulde & clere :

Quand le feu fault, la vertu m’en demeure :

Tousiours en moy le feu fait sa demeure :

I’ay tousiours feu, & si point ne m’esclere.

[24]XXIIII.

Creuse ie suys, & la terre est ma mere,

Des deux costez oreilles me gouuernent :

Quand ie suys cheute, adonc ma mere fiere

Auec mes sœurs, mes tendres os n’espargnent.

[25]XXV.

De tout le corps estre fort ne me vante,

Mais le combat de teste, ne refuse :

I’ay grosse teste, & celuy qui en vse

La sentira plus que le corps pesante.

Terr [p. 223]

223

[26]XXVI.

Terre ie fuz (qui s’en veult enquerir)

Le feu me donne à ceste heure autre nom,

Car ie n’ay plus de terre le renom,

Combien qu’on peult de moy terre acquerir.

[27]XXVII.

Ie suis ainsi comme vne vierge bonne,

Effrénement ie ne parle à personne :

Mais qui me veult de parolle semondre,

Tant seulement ie luy veuz bien respondre.

[28]XXVIII.

Quand il me plaist plusieurs choses ie feins,

Et plusieurs cas de dueil ou ioye pleins,

Soit faux, soit vray qui soit dessous enclos :

Nul ne me voit, s’il n’a les deux yeux clos.

FIN DES ENIGMES
traduits de Symposius.

[p. 224]

224

[29]AVTRE ENIGME,
qui n’est pas de Symposius.

La mere aux champs, & le filz en la ville

Le filz est fort, & la mere est debile :

Quand elle est grosse elle a le corps si vain

Qu’auoir luy fault vn baston en la main :

D’esté vestue, & d’yuer elle est nue :

Mais elle croist, & le filz diminue :

La mere au large, & le filz est en serre :

Il est si fort qu’aux plus fortz fait la guerre,

Des qu[’]il est né on l’arrache, on le lie,

Mais bien souuent tout seulet se deslie.

Deuenu grant, il est fort gracieux,

Mais tost apres se monstre furieux.

Fin des enigmes.

[p. 225]

LE PASSE-
TEMPS DES
AMIS,

Livre contenant Epitres, &
Epigrames en Vers François,
qu’ils ont enuoyez les vns aus
autres, le tout composé par
certains Auteurs Modernes,
& nouuellement recueilli par
Charles Fontaine Parisien,
Auteur d’vne partie.

p [p. 226]

226

[1]A IEAN BRINON,
Conseiller du Roy en
son Parlement de
Paris, Charles
Fontaine
Salut.
*

Quiconque en son coeur aura mis

Le nom d’ami, plus qu’à moitié,

Verra ce livre des amis

S’entr’escrivans par amitié.

[p. 227]

227

[2]G. TESHAULT
à Charles Fontaine
Huictain.

L’ Epitre que ie vous enuoye,

O ami Poëte, a esté

Deux ou trois fois ia mise en voye

Depuis le premier moys d’esté :
5
Mais on m’a tousiours rapporté

Mon papier, obstant vostre absence :

Au iour duquel il est datté

Vous congnoistrez ma diligence.

[3]Superscription de l’epitre.

Epitre seruez de tesmoing

A la fontaine de science,

Que vostre maistre qui est loing,

Luy dit boniour, & reuerence.

[4]Epitre

Entrelaissant les cautelles & ruses

Du vieil Accurse, O fontaine des Muses,

Le tien ami, ayant feruent desir
p 2 [p. 228] 228
De faire cas qui te vienne à plaisir,
5
Par ce porteur humble salut te mande,

Et mille foys à toy se recommande :

Comme avec luy, sa Muse, qui voudroit

N’auoir iamais ouy parler du droit :

Mesme qui s’est encontre moy fachee
10
Ces iours passez, de se voir attachee

Dans tels grans laz, & auec telz propos

M’a empesché de les lire en repos.

Ha (disoit elle) est ce ainsi que lon pense

Rendre à Phebus la deuë recompense
15
De ses beaux dons ? desires tu auoir

La Poësie (hault, & diuin sauoir)

Pour en vser en sciences prophanes ?

Autant vaudroit donner la harpe aux asnes. • Tournure proverbiale : voir Érasme, Adages, I, 4, 35 (335) "Asinus ad lyram".

Contredisant ie respondois ainsi :

Ou as tu veu (ma Muse) que cecy

Soit tant prophane, & des Muses indigne,

Veu q[']uil n’y a rien plus noble, & plus digne ?

Les Muses ont pour leur seigneur Phebus,

Et celuy là pour reformer l’abus

Des mal viuans, donna en belles tables

Au bon Solon noz loix tant equitables :

Puis [p. 229]

229

Puis qu’Apollo, vostre grand conducteur,

Est reclamé des saintes loix auteur,

Dira lon pas que la sainte pratique

Des loix, conuient à nostre art poëtique ?

Dira lon pas estre nobles les loix,

Qui filles sont d’Empereurs, & de Roys ?

Dira lon pas sainte celle doctrine,

Qui fondee est sur parolle diuine ?

Voila (amy, & Poëte) comment

Ie reprenois ma Muse doucement :

Luy amenant pour familier exemple

Le bruit tres bon, & la renommeee [sic pour renommee] ample

D’vn oncle tien, qui tant de beaux vers feit,

Et seut si bien faire en droit son profit,

Qu’en ces deux artz il fut grand personnage :

Puis en ce temps vn tien ami tant sage

Qui pour plaider, ou consulter maint cas,

N’est pas le moindre entre les aduocatz

Du hault Senat, qui font auiourdhuy luire

Leur bon renom, par bien sauoir, & dire :

Brief, chacun d’eux en Poësie est tel

Qu’auec le tien leur loz est immortel.

A ce propos me repliquoit ma Muse,

p 3 [p. 230]

230 50

Que chacun d’eux ainsi au droit s’amuse

Qu’il met tousiours les Muses au dessus,

Tesmoings en sont leurs escritz bien tissus,

Me reprochant que noz loix tresagues

Sont en maint lieu à present corrompues :

Et que les loix qui auoient merité

L’honneur & pris, n’ont plus d’autorité.

Somme, en l’oyant parler de tant de choses,

Ie vais laisser textes de loix, & gloses,

Pour luy complaire, & entendre à ses artz

Autant ou plus qu’aux édictz des Cesars.

Lors commençay lire ta contr’amye,

Des ennemis d’amour forte ennemie :

Ou le François Marot n’eust mis tel ordre

Ny le Latin Maro n’eust seu rien mordre.

Certes quand bien ie voy ta veine roide,

Ie trouue trop l’amye de court froide :

Et m’esbay que cet honneste amant,

Hors de raison, forcluz de iugement

Osa montrer sa vaine, & sotte rime,

Qui a besoing encor de longue lime.

Ie croy qu’il veult auoir en paragon

Ce Poëtastre, & zoïle Sagon.

Qui [p. 231]

231

Qui desirant faire voir son ouurage,

Monstra à plain comme il estoit peu sage :

Et pour auoir en ses escris boneur,

Sans bon conseil vouloit noircir l’honneur

D’vn, dont le nom durera comme il dure :

Et cet amant s’efforce faire iniure

A toy, qui as par escritz merité

D’estre loué de la posterité.

Encor (qui plus me desplaist) c’est qu’il pense

Que lon prendra plaisir en son offense,

En invitant les plus divins espritz

De nostre temps, à lire ses escritz :

Et puis il a maint terme vil, & laid,

D’honneste amant indigne, & de varlet.

Ie croirois bien que Sangelais, & Sceue

Prendront plaisir en vn homme qui resue :

Ie croirois bien qu’Heroet, & Chappuy

Daigneront lire ouurage de celuy

Duquel la Muse est ieune, inepte, & sotte :

Et toutesfois à Fontaine se frotte.

Donq en lisant l’oeuure tant gracieux,

De cet amant, fol, & audacieux,

D’ardent despit mon courage s’allume,

p 4 [p. 232]

232

Et par troys foys ie mis es mains la plume,

Pour luy respondre à mon petit pouuoir,

Et enuers toy faire le mien deuoir.

Mais ie pensay honneste, ou necessaire,

100

(Plus tost que d’estre en cela temeraire)

T’en aduertir : ma basse Muse auβi

Me conseilloit qu’il falloit faire ainsi,

Quoy qu’elle fust d’ire esprinse, & ravie,

Et de respondre eust merveilleuse enuie :

105

Il luy fachoit d’attendre si long temps

De toy response (encores ie l’attens)

Et craignant trop faire longue demeure

Elle ditta cette epistre en vne heure,

Qui te sera mal agreable à voir

110

Par sa rudesse, & son petit sauoir :

Mais ta savante, & florissante Muse

Par la douceur, dequoy tousiours elle vse,

Excusera ce mien loysir petit :

Et si mon vers n’est à son appetit,

115

Elle fait bien ce prouerbe congnoistre,

Du premier coup l’aprenti n’est pas maistre.

Si tu fais tant, doncques, par ta bonté,

Que d’escuser ma bonne volonté,

Tu [p. 233]

233

Tu pourras bien sans plus grand facherie,

120

Faire pour moy cecy dont ie te prie :

C’est qu’il te plaise à l’anneau precieux,

Qui par Vulcan le forgeron des cieux

A esté faict dvn or si pur & monde

Qu’il rend clarté par tous les coings du monde,

125

Humble salut luy rendre de ma part.

Et si tu vois qu’en luy parlant à part

Il vueille bien en gré la peine prendre

Pour de ce lieu les nouuelles entendre,

Lors (s’il te plaist) en deux motz luy diras

130

Le bruit qu’aquiert nostre docteur Coras,

Qui sans propos inutile, & frivole,

Efface ici le grand nom de Bartole.

Desia il fait venir les Transmontains

S’humilier, & n’estre tant hautains :

135

Desia on voit tomber l’outrecuidance

D’Italiens, se venans rendre en France.

Certes Budé l’auoit ia commencé :

Autres savans l’auoyent bien avancé.

Donques Coras maintenant donnera

140

La fin à tout, Coras couronnera.

Mais comment veult ma Musette tant basse

p 5 [p. 234]

234

Louer l’esprit qui les plus hautz surpasse ?

Certes vn nom tant cler se vouloit bien

Mettre en papier plus poli que le mien.

145

Homme tant grand & d’art, & de nature,

Demandoit bien plus parfaite escriture.

Mais quoy ? il fault en ce considerer

Ce que n’a sceu ma Muse declarer.

Et sur ce point, O tresclere Fontaine,

150

Ie te priray de supporter ma veine,

Qui maintenant te transmettre a osé

L’escrit present, rudement composé.

Fait à Valence en ma case petite

Ce vendredi que le Souleil visite

155

Castor, Pollux, qui sont au ciel là hault,

Par ton ami, à tout iamais Teshault.

[5]Responce par Charles Fontaine.

I’Ay veu amy tout au long ton Epitre,

Que dãs mõ coeur ie mettray pour registre,

Car elle est faite en bonne intention :

Et si n’a point faute d’affection.
5
Ie suis non moins esbahi que fasché

Qu’en May ne l’euz : s’elle m’eust bien cherché

Le moys de May passé dernierement,
Croy [p. 235] 235
Croy qu’elle m’eust trouué facilement :

Car ie n’ay point entreprins de voyage
10
Aucunement qui montast dauantage

D’vne sepmaine, ou mesme d’vn seul iour.

Ains i’ay tousiours à Lyon fait seiour.

Ie pensois bien pour raison du proces

Que tu as sceu que i’ay par le deces
15
De feu ma femme, à Paris voyager,

Mais iusque icy s’est tant fait prolonger.

Ores ie suis sur point de partement,

Pour saluer le hautain Parlement

Duquel l’arrest i’espere, & ie desire

Dedans le Mars : mais qu’il ne me soit pire

Que la sentence a esté par deça,

Que le conseil à mon profit dressa.

Voila comment pour conserver Iustice

Seruent voz loix, polissans la police.

Car toutes gens qui sont sur terre nez,

Sont bien par loix regis & gouvernez :

Et n’y a nul tant grand iusques aux Roys,

Ny tant petit, qui n’honore les loix,

Comme vne chose estant divine, & sainte,

L’honneur des bons, & des mauuais la crainte.

Si [p. 236]

236

Si je pouois ieune encor devenir,

Ie voudrois bien le train des loix tenir :

Bien qu’il ne soit avecques sa pratique,

Autant plaisant comme l’art poëtique,

Au ieune esprit, gaillard, & gracieux,

Des libres artz querant champs spacieux :

Mais en haultesse il est plus honorable,

Plus necessaire, außi plus profitable.

Et pleust à Dieu que mon oncle eusse creu,

Lors que moy ieune, ayant l’esprit trop cru

Fey grand refus de la science suivre

Qui en honneurs, & en biens le feit vivre :

En quoy m’offroit pour me mettre à bon port,

Ses livres tous, avec tout son support :

Mais c’en est fait, ietté en est le dé,

Le sort par art en doit estre amendé :

Nul remede autre y a, tant soit on sage,

Y obstant l’aage, avec le mariage.

Pourtant, amy, quand tu peuz, me croiras,

Faisant ton cours souz ton docteur Coras,

Dont la louange est grande en ton escrit,

Mais sont plus grans son nom, & son esprit.

A ce que quiers si response dois faire

A cet [p. 237]

237

A cet amant de tant mauvais affaire :

Et qui son nom trop lourdement efface,

D’auis ne suis que ta Muse la face :

Car s’il en fust en quelque sorte digne,

D’autres amis de leur grace benigne,

L’eussent ia faite : ou le Iouure, ou le Sage :

Mais il convient estre en sa Muse sage,

Et ne se doit vn Poëte avanser

En vn tel cas sans long temps y penser,

Et sans conseil auec ses amis prendre

(Comme tu fais) avant que d’entreprendre.

Et si tu dis qu’à l’amie de Court

I’ay respondu : ie te dy, brief, & court,

Qu’elle a propos, & grace trop meilleure

Que cet amant, qui pour elle labeure.

Et ie voyant qu’elle estoit en hault pris,

A la response appliquay mes espritz,

Querant l’honneur qu’vn Poëte doit querre,

Quãd par ses vers aux plus grans liure guerre,

Qui n’espand sang, dont les combatans ont

La paix au coeur, & tousiours amis sont.

Ce nonobstant ie doy bien recongnoistre

Le bon vouloir que tu me fais congnoistre.

Donc [p. 238]

238

Donc si tu sens (amy) que mon pouuoir

Te vienne à gré, ie t’offre mon devoir.

Soit à Paris, ou ailleurs voirement,

Ie suis tousiours à ton commandement :

Car la douceur de toy, & de ta veine

Merite plus de ton amy Fontaine.

[6]Charles Fontaine, à maistre Iean
Orri, Aduocat en la ville
du Mans.

DE noz espritz la grande conuenance

Souuent me fait de vous la souuenance.

En premier lieu, vous auez du sauoir

Certes trop plus que ie ne pense auoir,
5
Soit en Latin ou Françoys, vers ou prose,

Qui est en vous vne louable chose,

En second point vne ioyeuseté

Auez meslee auecques priuauté,

De tel façon, & de si bonne sorte
10
Qu’impoßible est qu’vne personne sorte

D’auecques vous le coeur d’ennuy chargé :

Quand tel viendroit vous le rendriez changé.

Ne fust qu’à voir vostre tant bonne face
Pleine [p. 239] 239
Pleine de grace, & qui toute autre efface :
15
Laquelle grace est en bien peu de gens,

Car on en voit qui sont tant diligens

A engendrer par tout melancolie :

Et ie les hay : car c’est à eux folie.

Mais quel plaisir à soy, ou à autruy,
20
Se consumer en tristesse, & ennuy ?

Et pourtant dit le Sage, que tristesse

Seiche les os : c’est mauvaise maistresse,

Qui nourrit mal, mais qui iusques aux os

Ronge, & deseiche vn tas de poures sotz :
25
Donc toutes gens amis, de congnoissance,

Chassent ennuy, prennent resiouissance :

Mesmement ceux qui ont cest art hanté,

Qui n’est sinon que d’esprit gayeté.

Ce que vouloient let [sic pour les] Poëtes entendre
30
Parlant souuent de la rosee tendre,

Du beau vert gay, de sources, & ruisseaux,

D’herbes, & fleurs, d’arbres, & d’arbrisseaux,

Doyseaux chantãs en voix franches, & nettes,

Et de bergers dansans aux chansonnettes
35
Tout enuiron les buyssonnetz des champs :

Pareillement des Muses, & leurs chantz,
Chantz [p. 240] 240
Chantz, tons diuins, & sainctes letanies,

Es regions de montaignes munies,

Ou elles sont faisans solennitez,
40
Ioyes, esbatz pleins de diuinitez,

Et par la main l’vne l’autre se tiennent,

Dãsans tousiours sans que iamais s’abstiennẽt.

Tout cela fait que tant mieux me reuient

Vostre façon, quand d’elle me souuient :

Et tout cela met en ma fantasie

Qu’en aprochez plus pres de Poësie.

Cest ce qui fait qu’encor ma Muse escrit,

Et vous enuoye en ce present escrit,

Vn bon vouloir, avec vne semonse

De m’addresser en brief vostre responce.

Car quand seray hors de cette contree,

Facilement ne sera rencontree

Lettre de vous : & l’opportunité,

Qui entre nous apporta vnité

De sa nature est chaulue par derriere :

Ne mettez donc la responce en arriere

Puis ce retour de Nice, me rappelle

A voir la Court, plus riante & plus belle,

Apres la veue, & sainct abouchement

Des [p. 241]

241 60

Des souverains, parlans sans truchement.

Sus doncques, sus, mettez au vent la voile

Faites moy peur, que ie n’aye os, ne moile

Qui ne redoute, & craigne d’assaillir

Le bruit des vers qu’orray de vous saillir.

Tonnez, ventez, faites feu, faites rage,

Et me rendez tost couart de courage,

De honte espris, de frayeur & d’esmoy :

Car Dieu n’a pas ou en vous ou en moy

Mis le tresor de tant belle science

Pour le cacher, ou garder en silence :

Mais pour louer son nom premierement,

Puis pour escrire à ceux là mesmement

Qui ont le nom d’y sauoir, & congnoistre :

Qui ne le fait, se met en danger d’estre

Ainsi traité que celuy nonchalant

Lequel en terre enfouït son talent.

Vous en auez l’exemple en l’Euangile,

Comment puni fut ce serf inutile.

N’est ce pas donc iniure & deshonneur,

Tant peu priser les graces du Seigneur ?

C’est lascheté, & grand ingratitude

De n’exercer son stile, & son estude :

q [p. 242]

242

Ce que sainct Paul a appelé estaindre

Le sainct esprit, l’empescher, & restraindre :

Quand il deffend à tout homme d’esprit

Ne suffoquer en soy le sainct esprit :

Comme disant, les inspirations

Doiuent effectz, oeuures, & actions :

Il ne fault pas que vn don de Dieu sommeille

En voz espritz, ains fault qu’on le réveille.

Ne le laissons en nous donc sommeiller,

Ains le veons viuement reueiller,

S’il y en a en nous quelque estincelle,

Ne permettons qu’elle se cache, & celle :

Ne voyons nous maintes gens bien sauans,

De ce temps cy, tant, & bien escriuans ?

Entre dix mil distractions, affaires

De l’eur [sic.] estat, qui leur sont necessaires ?

Et quand on est vn peu accoustumé,

100

Labeur s’enfuyt, on n’est plus estimé,

La Poësie & diuine semence

De Dieu en nous, ne requiert plus qu’vsance.

Ce que i’en dy, ie le dy (sur ma foy)

Vn peu pour vous, & grandement pour moy :

105

Et (comme on dit) de mon couteau me couppe,

Taxant [p. 243]

243

Taxant autruy en ce dont bas ma coulpe.

Car ie n’ay pas les graces exercees

Suffisamment, que Dieu m’a dispensees :

Mais c’est vn point de vertu (quand i’y pense)

110

De recongnoistre, & blasmer son offense.

En premier lieu ce faisant on s’accuse :

Et l’on n’a plus doresnavant d’excuse.

Vertu cachee (à quiconque l’entend)

Est tout ainsi comme l’arc qu’on ne tend,

115

Comme vn beau luc ou harpe non sonante :

Pareillement comme nef non voguante.

Changeant propos bien auertir vous veux

Qu’il n’y a pas plus hault d’vn iour, ou deux

Que me baignant en riuiere petite,

120

Bien grandement me blessay, & plus viste

Que ne pensois : encor le mal me tient

Au plus gros doigt d’vn pied qui me soustient :

Plus ne veux donc me baigner en riuiere :

Mais a escrire en ce stile, & maniere

125

Baigner m’y veux : il y a vn bon point,

On ne s’y blesse, & ne si noye on point,

Or excusez, amy, la Muse mienne,

Qui ne pretend par ceste Epistre sienne

q 2 [p. 244]

244

Qu’à exciter la vostre mieux chantant :

130

La mienne alors s’eschauffera d’autant.

[7]Responce par Iean Orry.

A Ce matin qu’il est dimenche, & iour

Auquel ie puis prendre quelque seiour

Et passetemps en ma petite Muse,

Qui pas souuent ne me tient & amuse
5
En autre temps, pour l’occupation

De mon esprit, & la vacation

De mon estat aux Muses tant contraire,

Qui me contraint d’elles fort me distraire,

Ainsi qu’on peult à l’oeuure aparcevoir :
10
A mon recueil ay pensé de reuoir

Vne elegante, & bien ornee lettre,

Que deuers moy il vous a pleu transmettre.

Considerant la veine doux coulant

D’vne fontaine à ruisseaux distillant,

Tant melliflux, comme monstre la lettre,

A peine osay la plume en la main mettre

Pour vous donner ce petit de response :

Et n’eust esté vostre grande semonse,

Qui grandement pretend à m’exciter,

Et m’eußiez vous à troys iours fait citer

Pour vous respondre, encor ne l’eusse fait,

Entre [p. 245]

245

Entreprenant si presumptueux faict :

Consideré que ma Muse, & ma veine

Contre la vostre est trop debile, & veine,

Et dauantage à faulte d’exercice :

Bien peu s’en fault certes qu’elle perisse :

Dont cause sont mille cinq cens affaires

Que i’ay le iour, qui me sont necessaires :

Et puis la nuict fault à la femme entendre

Qui iour & nuict ne fait que ses laz tendre,

Tant qu’il conuient quand doy prendre repos

De mon esprit, trauailler o le dos :

Ou l’endemain faudroit (qui fort me poise)

De Xantippé ouyr la dure noyse,

Ou delaisser tout soudain la maison

Com’ Socrates, fuyant telle achoison :

Ainsi n’est il de vous qui m’accusez,

Parquoy plus tost mon dur stile excusez.

Or pour respondre à voz grandes louanges

Que me donnez, au Dieu d’hõmes, & d’Anges

Ie les refere, & non à mon merite :

Car en moy (las) y a cause petite

De me louer, mais cela vous prouient

D’vn grand amour, lequel de bon coeur vient,

q 3 [p. 246]

246 45

Amoderant vostre bon iugement,

Et par lequel souuent bon iuge ment.

Combien que n’ay enuers vous merité,

Que me portiez si grande priuauté

De bon amour, sinon (ou me reuoque)

Un autre amour lequel est reciproque

Dedans mon coeur, voulant produire effect,

Si quelque foys me puis trouuer au faict.

Quand au regard (ami) de la blesseure

Quavez au pied, ie vous dy, & asseure

Qu’il m’en desplaist, car vous a retenu,

Si que ces iours n’estes ici venu,

Quand bien pensois vous visiter & voir,

Et enuers vous faire mieux mon deuoir

Que n’auois fait ces iours prochains passez,

Avec quelqu’un qui m’a prié assez

De luy donner de vous la congnoissance,

Dont vous parlay (i’en ay bien souuenance)

En nostre hostel. Il est de nostre court,

De son sauoir (pour vous parler plus court)

Ia n’en dy rien, vous en congnoistez l’art

En goutant bien l’Epistre du vieillart

Qu’il vous enuoye, apres propos tenu

Entre [p. 247]

247

Entre nous deux. Quand serez revenu

De par deça, au long vous en diray,

Et ce pendant me recommanderay.

[8]Responce par Charles Fontaine
audict Aduocat.

ON dit bien vray, que les choses humaines,

De mal & bien sont meslees & pleines :

Mais beaucoup plus de mal (ie le say bien)

Qu’elles ne sont de bon eur, & de bien.

5

Voila, ainsi que le barbier incise

L’ongle du poulce, ou s’est fortune aßise,

Fut le porteur de voz lettres present :

Ie les receu, comme vn tresbeau present :

Et ie ne say si ce bon eur, & joye

Exceda lors le mal que ie sentoye :

Mais ie say ien que le mal cessera

Auec le temps (& de brief ce sera,

S’il plaist à Dieu) mais cette ioye telle

Sera tousiours en mon coeur immortelle.

Or pour entrer des letres en propos,

L’escrit premier fait en meilleur repos,

Quand ine [sic pour ne] • Le « i » est barré à la main sentois tel mal, en somme toute,

Sentoit vn peu son iour de Pentecouste :

q 4 [p. 248]

248

Außi, ainsi comme le sainct Esprit

Multiplia (aux Actes est escrit)

Dedãs maintz coeurs ses dõs, & sainctes graces

Et par dehors dons de langue, efficaces,

Miracles haultz puissances, & vertus,

Dont furent maintz ornez & reuetus,

Ainsi ces iours sa grand grace accomplie,

Par deuers moy voz lettres multiplie,

En me faisant ce bon avansement

Que i’en reçoy outre mon pensement :

Et m’enuoyant, sans chicheté aucune

Et sans seiour, largement deux pour vne,

Lesquelles font (si la mienne ie y nombre)

De Trinité le sainct, & diuin nombre.

Außi ce fut le iour de Trinité

Que ie receu le tout empacqueté.

A vostre escrit maintenant je responds,

Que dans les miens bien peu ie corresponds,

Ie dy bien peu, ou du tout rien sans faulte

A la louenge excellente, & tant haulte

Que me donnez : & maintiens que d’honneur

Vous m’estes bien trop liberal donneur :

Et s’il ya chose en moy de loz digne,

Grace [p. 249]

249

Grace i’en rens à la bonté diuine,

Considerant qu’elle me faict ce bien

Sans mon dessert, & que le tout est sien :

Mais bien ie sens que l’eau de ma fontaine

N’est point si viue, abondante, & certaine

Que l’auez faicte : ains c’est humilité

De vostre coeur, & liberalité

(Dont votre Epistre ainsi que la personne

Resplendit fort) qui tel honneur me donne :

Lequel honneur (i’en iure foy, & loy)

Quand ie le li, ou quand lire ie l’oy,

Me rend honteux : il y a bien maniere

De donner loz plus saine, & droituriere,

Moyen est beau. Aux Tulles, Demosthenes,

Aux gens savans, soit de Rome ou d’Athenes,

Ie ne suis rien, ou bien peu ie leur suis,

Car de bien loing, ou de rien les ensuis.

Ilz ont leur veine ou Latine, ou Attique

Exquise fort, i’ay la mienne rustique

En mon Françoys, qui est moins precieux,

Et moins orné, diffus, & copieux :

Parquoy en eux on trouue la semence

De bien parler, & de grand eloquence :

q 5 [p. 250]

250 65

Tant leur langage est beau, riche, & hanté :

(Tel l’ay trouué quand ieune l’ay gousté)

Mais en mon rude, & tant rural ramage,

En tout mon faict, escriture, ou langage

Qui bien y voit, y trouue seulement

Vn lasche cours, vague, sans fondement.

Or ne prenez en mal ou à iniure

Ce que i’ay dit parolle vn petit dure

Non en faueur de nostre langue : pource

Que verité, de vertuz mere, & source,

Sans aucun blasme, ou affection d’ire,

Selon propos m’a contraint de ce dire.

Ie ne suis point d’Apollo, ou Pallas

Le vif pourtraict, ainsi que tu parlas :

Onc n’ouy chant de Mercure, ou Phebus :

Mais il est vray que sur les champs herbus

Pan le cornu i’ay bien ouy sonner,

Qui ne se veult moindre gloire donner

Que fait le pan en sa queuë, & sa rouë :

Car comme Pan de son beau flaiol iouë,

Vn iour me trouue avecques les bergers

Gardant brebis illec en ces vergers,

Et les vy tous (ce que tresbien ie note)

Venir [p. 251]

251

Venir à luy, à son chant, & sa note :

Auec son chant il les vous attiroit

Comme Amphion pierres, & boys tiroit :

Si m’aprochay, & au son de ses buses

Prenois plaisir, autant qu’au chant des Muses

Font les diuins Poëtes excellens,

En stile hault riches, & opulens.

Or ainsi comme à ce Pan, Dieu agreste,

Et à son chant mon oreille ie preste,

Rauis si fort en furent mes espritz

Que pour mon maistre, & enseigneur l’ay pris :

Mais le Mercure, en sa parfaite lyre,

100

Point n’ay ouy, ains n’en ay fait que lire

Comme il iouoit avec tous si agus

Q[']uil endormoit tous les cent yeux d’Argus,

Afin que fust ravie (que Dieu sache)

La belle Yo iadis muee en vache.

105

De Pan tout seul ie puys bien dire ouy

Que ie l’ay veu & son gros chant ouy.

Voila pourquoy ma Muse est tant sylvestre

Elle ne tient sinon de Pan mon maistre,

Me ravissant avec ses chalumeaux

110

Qui m’y sembloient harmonieux & beaux :

Dont [p. 252]

252

Dont à present ma Muse sourde, & molle

Tant sourdement & mollement flaiole,

En ensuyuant du dieu Pan les Musettes.

Changeõs propos, vous dites que vous estes

115

Beaucoup distraict, & sans aucun seiour

Tant occupé, ou soit nuict ou soit iour,

Le iour aux plaictz, & la nuict à la femme

Qui vous traveille : or ne luy donnez blasme,

Et de tel cas on n’en doit que bien dire :

120

Car femme doit de nuict iouer, & rire

A son mari, qui de iour en simplesse

Doit resembler à la chaste lucresse.

Vous vous plaignez, & ie say qu’il y a

Bien pres d’ici homme qui se lia

125

Par mariage, & print vne des filles

De ce quartier pour mieux iouer aux billes,

Mais i’ay grand peur que tost ne ioue au flux

Qu’on dit auoir quatre vingtz ans, ou plus

Cenonobstant ce vieillart triomphant

130

A son espouse a fait vn bel enfant.

Dieu face donc la grace à ce vieillart

D’encor cent ans exercer ce vieil art.

Vous vous plaignez, vous auez donc trop eu

De ce [p. 253]

253

De ce que telz comme moy ont trop peu :

135

Et par ainsi le long de la sepmaine

Voila comment trop aise vous demaine.

O que plusieurs voudroiẽt qu’on les touchast

Souvent ainsi, & qu’on les approchast !

O qu’ils diroient, tu sois la bien venue,

140

Et fusses-tu à minuit toute nue !

Ilz courroient sus en poste, & à gran pas :

Mais attendez, pour moy ne le dy pas,

Car en courant on s’eschauffe, & enflambe,

Arriere donc, c’est aigrun pour ma iambe :

145

Ce nonobstant, mais bien d’vn autre stile,

Toutes les nuictz me réueille ma fille

Que vous savez, ma petite fillette

Qui a rendu ma personne foiblette.

Voila vn point que dictes grosse charge,

150

Touchant lequel vostre femme vous charge,

Mais au contraire ainsi vous deschargez,

Et en ce point vostre femme chargez.

Vn autre cas, en n’espargnant les dames,

Vous imposez dessus voz póures femmes :

155

C’est que si vous ne faites leur besoigne,

On vous riotte, & tousiours on vous groigne.

Si [p. 254]

254

Si croy ie bien que seriez Socrates

D’esprit, & meurs, mieux que Xenocrates.

Mais quel besoing que ie vous admonneste

160

Qu’en femme y a bon luc [sic pour cul], & bonne teste ?

La femme soit en noyse Xantippé.

Mais en cueur chaste vne Penelopé :

Car toute femme ou fille, bonne, ou belle

Communement vous tient de la rebelle.

165

Voila les pointz en quoy vous abondez,

Ou voz raisons, & defenses fondez :

Bon homme, helas, certes ie vous plaings tant,

Mais ie n’ay rien que vous donner pourtant.

Or ie vous pry, respondez à propos,

170

Maint sauant homme a il plus de repos

Que vous n’avez ? ie di maint sauant homme

Qui auiourdhuy bien peu souuẽt prent somme,

Ayant l’esprit aux sciences raui :

Et de ce point desia vous escrivi.

175

Mais il me fault respondre à l’autre point,

Que comme vous marié ne suis point :

Car vous m’auez escrit sus ce point cy

Qu’il ne m’en prend comme à vous en cecy.

Ie vous diray le bien que l[’]on y gouste

Vous [p. 255]

255 180

Vous fait passer cette amertume toute,

Legerement, ainsi qu’il m’est auis :

Tousiours auez à qui faire deuis,

Et si le mal vous prend en quelque sorte,

Incontinent auez qui vous supporte :

185

Et nous distraitz, perduz, & égarez,

Du medecin sommes loing separez :

C’est chose dure, & de plaindre tresdigne,

Quand le malade est loing de medecine,

A qui il fault, quand le mal serre pres,

190

Tost recourir en grant peine, & grans fres.

Mais nous auons communement apris

De nostre estat quasi mettre à despris,

Plus estimans, & preferans vn tas

Tant des egaux que des moindres estatz :

195

Tesmoing en est le peuple qui se tanne

De tant manger du seigneur Dieu la manne,

Et qui desire außi de la changer

A aux puants, grant viande à manger.

I’ay du vieillart (que vous dictes) la lettre

200

Leuë & releuë assez de mettre en mettre :

Elle a bon vent, & marine en effect,

Dont suis joyeux que tel honneur me faict :

Pour [p. 256]

356 [sic pour 256]

Pour cette foys luy fay brieue response,

Satifaisant à sa seule semonse :

205

Quelque autre foys que mieux dispos seray,

Plus long escript à luy i'adresseray.

Or excusez l’epitre du malaise,

Tant sa longueur que sa grace mauuaise :

A Dieu ami, qui en santé vous tienne,

210

Et en briefz iours me renuoye la mienne.

[9]Response par Iean Orry, Aduocat susdit.

CEla est vray, ie le tien pour certain,

Ce qu’Edipus au propos incertain,

Douteux, obscur, subtil, Enigmatique,

Du monstre Sphinx, sur le mont Thebaique
5
Discretement respondit, qu’il aduient

Que l’homme vieil en enfance reuient.

A mon propos conuient telle response,

Car au moyen de vostre grand semonse,

Retourné suys de facheuse vieillesse

En mon enfance, & florissant, ieunesse :

Ie n’entens pas qu’en aage fusse vieux,

Car plus aagé que suis estre ne veux :

La raison est, si l’estois dauantage,

C’esta [p. 257]

257

Il en viendroit à deux perte, & dommage :

C’est asauoir, à moy que premier nomme,

A celle außi qui m’appelle son homme :

Et a besoin que ie trauaille ieune,

Ou il faudra que souuent elle ieusne :

Mais i’enten donc parler de mon estat,

Triste, & chagrin, de toute ioye plat,

Loing de plaisir, & de tout passetemps,

Auquel on n’oyt, & ne voit que contens,

Debas, discors, noyses, plaidz, & proces,

Lesquelz m’auoyent rendu en tel acces

De cure, & soing, qu’estois en mes espritz,

Par tous mes faitz, mes ditz, & mes escritz

Comme vn facheux réueur, & tout songeart,

Melancolique, & rioteux vieillart :

Et quasi tel comme Heraclite fut,

Qui peu, ou point, rire, & chanter voulut.

Comme luy donc, iauois ia souz le banc

Mis la vielle, & m’estois mis au ranc

De tristes gens, laissant ioyeuseté

De ma ieunesse, ou i’ay ioyeux esté.

Plus ne prenois de plaisir à la lyre,

N’au tresdoux chant d’Apollo, n’a relire

r [p. 258]

258

Du dieu Bacchus l’origine, & naissance.

Plus ne prenois deduit ne plaisance,

A hault louer Castalie, & Dircé,

Ou Permessus, ou m’estois exercé

En mon ieune aage : ainsi qu’à Parnasus

Au long d’escrire auecques Pegasus,

Et comme il feit la clere Hypocrené

En Helicon, à louer Lariné,

Et autres lieux delectables aux Muses,

Qui me plaisoient, auec les cornemuses

De Syluanus, de Pan, & Silenus,

Dansans sur l’herbe auec Nymphes tous nuds,

Et autres dieux pastoureaux, & champestres :

Car soing n’auois lors de tous biens terrestres.

Et brief, sur tout les sciences humaines

Me delectoient, pource qu’elles sont pleines

De grand douceur, qu’ay laissée depuis,

Dont trop me plaindre & repentir ne puis.

Mais en pensant par vostre induction,

Hyer au soir à tell [sic pour telle] mutation,

Phebus allant les Antipodes voir,

Et enuoyant la Lune nous reuoir,

Qui tost apres en sa face cornue

Vint [p. 259]

259 60

Vint apparoir luysante, & de corps nue,

Dont la clarté le ciel tant decora,

Qu’Herebus lors d’elle s’enamoura,

Et prepara pour la receuoir mieux,

Maint corps celeste illuminant les cieux,

(Qui de bien peu seruirent, car Diane

Tant reluisoit en son corps diaphane,

Que chacun corps lumineux s’enfuit)

Morpheus vint qui mes deux yeux clouit,

Et tout ainsi comme aux cerueaux des hommes

Souuent excite, & fait divers fantosmes,

Il m’imprima vn songe fantastique.

Aduis me fut qu’en habit magnifique

Ie vy Pallas : à la venue d’elle

Si grand lumiere apparut, qu’onques telle

Ie n’auois veuë, & fort m’espouenta,

Car en fureur à moy se presenta,

Me reprenant auec grosses parolles

Pourquoy tenois tous ses faictz à frivoles :

Si ie m’estois retiré d’avec elle

La reputant comme vne simple ancelle,

Pour ensuyuir la chymere pratique,

Vne grand vieille, auare, toute ethique,

Qui n’a iamais ne repos ne soulas.

r 2 [p. 260]

260

Comment (dit elle) estois tu desia las,

de t’esiouyr avec Nymphes, & Muses ?

De ta ieunesse, & ton esprit abuses :

Car celle suys, qui les miens en liesse

Fay long temps viure, & puis en leur vieillesse

Auoir honeurs, & biens sans grande cure :

Aduise donc, quand telz bien ie procure,

Retourne t’en vers moy, si bon te semble,

Viuons, chantons, soyons tousiours ensemble.

Lors Aurora, fourriere de Phebus,

Vient dechasser la Lune, & Herebus :

La Lune en mer tost se plonge, & s’en vient,

Mais on ne scet pas que Herebus deuient.

Tantost phebus, de fin pourpre vétu,

Tout le hault ciel d’azur a reuetu,

S’en vient, & prent place en nostre hemisphere :

100

Et, pour autant qu’il est de vie pere,

Chacun petit oyseau à sa venue

S’esiouïssant, en son chant le saluë,

Luy donnant mille aubades, chansonnettes,

Petis motetz en voix franches & nettes,

105

Tant qu’onques plus oreille n’en ouyt :

Le chant desquelz mes deux yeux esblouit :

Et [p. 261]

261

Et sur ce point, estant de ioye esmeu,

Pour leur doux chant, & pource qu’auois veu

Dame Pallas ainsi en mon sommeil,

110

Ie proposay alors en mon réveil,

Hors de mon coeur chasser toute tristesse,

Et que Pallas ie prendrois pour maistresse :

M’esiouyssant souuent avec ma Muse,

Sans que vers vous ie prenne plus excuse

115

Sur mon estat, au moins tant que i’ay fait :

Pareillement en alleguant le fait

De mariage, & du deu domestique :

Mais ma Muse est encore rant [sic pour tant] rustique,

Et si tresrude, à faulte d’exercer,

120

Que bien souuent, quand viens à y penser,

Ie n’ose plus à escrire me mettre,

Considerant vostre fluide metre,

Si bien poli en langage propice,

Que d’Apollo semble estre l’artifice,

125

Et non de Pan, dieu rustique, & champestre,

Que vostre maistre auez dit aux champs estre :

Car qui voudroit noz metres assembler,

Incontinent on verroit resembler,

Le metre mien (que ne die plus oultre)

r 3 [p. 262]

262 130

Tout proprement à vn caduque coutre,

Qui de long temps ne fut au labeur mis,

Mais delaissé, & à rouille souzmis,

Tout laid, gasté, consumé, demoli :

Mais bien le vostre à vn glaiue poli,

135

Agu, tranchant, & venant de la forge.

Voila comment de present ie vous forge

Metres si laidz, difformes, & sans art,

De peur qu’on dist qu’vn paresseux songeart

Fusse enuers vous, qui tant de vostre grace

140

M’auez semonds en vostre art d’efficace.

A ce matin, d’vn iour de noz vacances,

I’employe donc mes petites puissances

A vous ensuyure en vostre art, & mesure :

A ce matin ie taille, & ie mesure

145

Cet escrit mis souz vostre lime, & titre,

Et vous enuoye encore cette epistre

En respondant à la vostre, ou me dites

Bon hõme, mais ie croy que vous mesdites :

Car vn chacun, qui a veu cette attache,

150

Dit bien qu’en moy onques n’en fut veu tache.

Ce nonobstant ie prens en gré l’iniure,

Et contre vous n’en proteste, ou murmure :

Tel [p. 263]

263

Tel soye ou non (quoy qu’il m’en doit chaloir)

Ie n’ay esgard qu’à vostre bon vouloir :

155

Combien que pas chez nous on ne demande

Que soye tel, ainsi on le vous mande.

Quant au plaisir, au soulas & grand bien

Que poures gens, lesquelz sont au lien

De mariage, ont (ainsi que vous dictes)

160

En lieu des maux que noz femmes mal duites

Nous font, auec tant de noysifz alarmes,

Vous en parlez ainsi comme clerc d’armes.

Quant au surplus i’ay au pere Tamot

Communiqué, & leu de mot à mot

165

Vostre susdite ornee, & douce lettre,

Lequel vne autre a voulu vous trasmettre.

Mais soit la fin, priant Dieu que santé

Il vous enuoye, auec biens à planté.

[10]Responce, par Charles Fontaine.

I’Ay veu, i’ay leu vostre responce, amy,

Et comme auez auec songe dormy,

Songe qui n’est illusion fascheuse,

Mais d’vne dame aux lettres amoureuse :
5
Dont n’eusse pas voulu vous réveiller,
r 4 [p. 264] 264
Car tel dormir ne vault moins qu’vn veiller.

Ie louë en vous premier la diligence,

Secondement la bonne intelligence,

Qui mes propos a conceuz, & notez :
10
Et tiercement l’amour que me portez.

Or comme vous i’ay songé, non pas comme,

Car mon songer ne sent pas tant son homme :

Mais sans descrire, & sans montrer au doigt,

Comment Phebus s’en vint plonger tout droit

En l’Ocean, la nuict tout à la ronde,

Enuironnant de ses ailes le monde :

Ny comme, apres qu’elle eut son vol parfait,

Ie vy venir en son tróne bien fait,

De l’Orient Aurora honoree,

Par Phaëton, & par Lampus tiree :

Sans tout cela, i’ay mon songe compris

En vn dizain, afin que noz espritz

Apres longs traitz en brieueté se iouënt :

Car gens savans, & l’vn & l’autre louënt.

Par vn dizain vous me respondrez donc,

Et de deux pointz, i’estimeray adonc

Vostre gentille, & gracieuse Muse,

Qui d’escrit long, & außi de brief m’vse.

Dizain [p. 265]

265

[11]Dizain par Charles Fontaine, audict
I. Orry, Aduocat.

I’ay songé cette nuict passee,

Que vous estiez de par deça,

Et vous ay eu en ma pensee,

Plus que depuys troys moys en ça :
5
Pour vous traicter cours la, & ça,

Et de ma place n’ay bougé :

En dormant i’ay beu, & mangé :

O amy digne de memoire,

Si ne m’auez autant songé,
10
Au moins faites le moy acroire.

[12]Responce au dizain precedent.

S’il ne tient qu’à le faire acroire,

Ie le feray facilement :

Bon amy, donc te soit notoire

Que i’ay songé semblablement,
5
Voire songé royalement,

Que d’Espaigne tu estois Roy :

M’en croy-tu ? mais ie ne le croy :

Or en mon coeur trop ie me deulx

Que la puissance n’est en moy
10
De le bien prouuer à nous deux.

r 5 [p. 266]

266

[13]Gabriel Tamot, Aduocat du Mans
à Charles Fontaine.

L’Antiquité, la memoire labile,

Me pressent tant que ne fay plus l’habile

Pour deuiser, & composer par metre,

(Filz, & amy) & ne veult Dieu permettre
5
Que mes vieux ans retournent en ieunesse,

Car mourir fault, on voit bien que ieu n’est ce.

Les iours de l’homme en ce monde sont courtz,

La mort le prent quand il a fait son cours.

Ieune ay esté, maintenant suis vieillart,
10
Passé, casse, ma rime est de vieil art,

Peu estimée entre ieunes auteurs,

De gens lettrez, & lettres amateurs.

Souuent ieunesse est à vieillesse dure,

C’est bien à tard quand l’vne o l’autre dure :

Si ne doit on vieillesse mespriser,

Et ne la fault raualer, mais priser.

Cela ne dy pour despriser ieunesse,

Mais c’est afin que de nous deux ieu naisse,

Qui noz espritz echauffe, & mette en ioye

Et que de toy bonne responce i’oye :

Car on m’a dit qu’en bon art poëtique,

Tu es [p. 267]

267

Tu es expert[,] garni de theorique,

De bons propos, & science certaine :

Si qu’aux ruisseaux de ta clere fontaine

Ceux qui ont soif de sauoir, pourront prendre

Refection poëtique, & aprendre

Bien & honneur, auec tout bon sauoir :

Comme on a peu l’experience voir

Par tes escriptz : car ta plume distille

Vn doux françoys passant tout autre stile.

Cet escript donc prendras en bonne part,

D’außi bon cueur comme du mien il part :

Filz & ami, si mieux faire sauoye,

Ie le ferois, cela s’en va sa voye :

Mais ie ne suys des mignons de Pallas.

Or sus, mon filz, montre que n’es pas las :

Metz plume en main, papier sur ton pulpitre,

Pour m’adresser en beaux vers quelque epitre.

Pardonne moy si quelque faut feis,

Trescher ami, en t’appellant mon filz :

Car ie n’entens estre en sauoir ton pere,

Qui en tout cas le mien petit supere :

Mais les vieillards par priuilege d’aage

Sur ieunes gens prennent cet auantage

Filz [p. 268]

268 45

Filz & ami de nom noble, & d’honneur,

Dieu te soit donc perpetuel donner

De son amour : c’est le desiré mot,

Par ton amy, cest Gabriel Tamot.

[14]Responce par C. Fontaine.

PEre, & ami, qui premier m’as eleu,

De tresbon cueur le tien escrit i’ay leu,

Duquel le sens, ou la rime, i’ay prise

En bonne part, tant ie l’ayme, & la prise :
5
Pour la valeur d’elle, & de son auteur

Qui m’a voulu ce bien faire, & cest eur

D’escrire à moy, pour prendre congnoissance,

Dont à iamais luy doy recongnoissance.

Vn point y a, ie voy que tes espritz,
10
Pere & ami, sont vn peu trop épris

D’amour vers moy, & en font trop estime :

Cause ne voy pourquoy tant on m’estime.

Bien donc, ami, ce loz, & grand honneur

Ie rens à Dieu, & au mesme donneur.

15

Quant à l’epitre, & la response tienne,

Raison veult bien que ie la die, & tienne

Non, que tu dis, batie de vieil art

(Encor que soit de la main d’vn vieillart)

Mais [p. 269]

269

Mais ieune en stile, assez robuste, & viue :

Dont chanteray, viue le vieillart, viue :

Et que d’ici à seize ou dixsept ans

Soyons les traitz de sa plume sentans.

Mais quant au point de ta faulte ou offense,

M’appellant filz, en cela on n’offense :

En ne fault ia qu’on en quiere pardon,

Soit par amis, par argent, ou par don.

Car, grace à Dieu, ie ne suys à sauoir

Qu’on doit aux vieux la reuerence auoir

Comme à son pere : & saint Pol l’a escrit,

Ce m’est auis, en quelque sien escript.

Si on leur doit donc telle reuerence,

Combien plus tost fault qu’on les revere en ce

Beau mot de pere ? ainsi donc maintenant. [sic pour ]

(Puys quà ton mot ie suys la main tenant)

Les ieunes gens peux appeller tes filz,

Comme de moy sans offense tu feis :

Et quant au pere, en sauoir, de nous deux,

Pere tu soys, certes ie ne m’en deulx.

A tant fay fin, car ie ne suys rusé

En equiuoque, & n’en ay guere usé.

Qui equiuoque aucunement s’efforce,

Et [p. 270]

270

Et moy ie hay toute contrainte, & force.

[15]Responce par ledit Gabriel Tamot.

PVys que i’ay veu ta response ensuyuie,

Filz & ami, il m’est pris vne enuie

De te rescrire encor vn petit mot,

Que bien prendras de ton pere Tamot,
5
Pere i’entens d’aage, non de science,

Car ie congnoy en saine conscience

Qu’en ce ne suys digne d’estre ton pere,

Et pource à toy en ce ne me confere.

Ton sauoir est exquis, & autentique,
10
Et moy vieillart ie besoigne à l’antique :

Et doublement, tant d’esprit que de corps :

L’esprit ne tient en vers les bons accords,

Le corps s’en va, & tousiours diminue,

Ieunesse passe, & vieillesse est venue.

15

Assez souuent ie rime sans raison,

Mais pour rimer n’est riche ma maison :

Rime & raison sont tresbonnes ensemble,

Bien eureux est qui des biens en assemble :

Ce n’est pas moy : car ie congnoy tresbien,

Et long temps a que ie n’y acquiers rien :

Et m’est besoing sauoir autre mestier.

Ie ne [p. 271]

271

Ie ne suys pas vn maistre Alain Chartier,

Vn Meschinot, vn Milet vn Nesson

Desquelz on oyt le poëtique son.

I’ayme trop mieux dire ma maladie

Qu’vn medecin pour argent me la die :

Car ie sens bien mon imperfection :

Si te suppli par grant affection,

Filz & ami, supporter mes deffaultes

En m’excusant, & mes tant lourdes faultes.

Et quant au point ou tu m’appelles pere,

Ie ne le prens à dueil, ne vitupere :

Grace t’en rends autant qu’onques ie feis,

Car trop eureux suis d’auoir vn tel filz,

Qui tant me fait de consolation,

Et met à fin ma desolation

Qu’ay eu d’vn filz, qu’Atropos, la diuerse,

A rué ius, & mis à la renuerse.

Mais il m’en prent trop mieux que ie ne pense,

Car Apollo par toy me recompense.

Voila comment ie gaigne, & rien ne perds :

En lieu de noir doy porter vert ou pers,

Car puys que i’ay nouueau filz recouuert,

Ie laisseray le noir pour prendre vert.

Dueil [p. 272]

272 45

Dueil me rendoit froit comme vn iour de ieusne,

Mais tu me rends tout gay, ioli, & ieune.

Puys que par toy ce bien m’est auenu,

Filz & ami, tu soys le bien venu,

Et plus que bien en ce païs du Maine :

Quand te plaira verrons ta face humaine

Orry, & moy, en noz petit burons

Et du meilleur l’vn à l’autre beurons,

De tresbon cueur, par grand resiouissance,

Afin qu’ayons tousiours la iouyssance

De bonne amour parfaicte, inseparable

Or Dieu te doint son regne perdurable,

Mon trescher filz : &, par son doux plaisir,

Venir au point de ton parfaict desir.

[16]Response par Charles Fontaine
audit Tamot.

DE ton escript i’ayme l’affection,

Pere & ami, qui fais tant mention

De moy ton filz, à qui tu montres zelle

Fort aprochant de l’amour naturelle,
5
Que tu auois à ton filz trespassé,

Dont tu te dis par moy recompensé

Eureusement : mais ie puys dire ainsi,
Que [p. 273] 273
Que Dieu par toy me recompense außi :

Car long temps a sur mon naturel pere
10
La mort ietta sa main noire, & severe.

Quant aux propos, en ton escrit dernier

Ne sont pas fort differens du premier :

Car tu poursuis, parlant de ta vieillesse,

A me donner tousiours honneur sans cesse.

Mais ie voudrois de Medee tenir

L’art, par lequel te ferois raieunir,

Comme elle feit iadis le vieil Eson,

Qui pere estoit de son mary Iason :

Ie n’y faudrois, tu le peux bien entendre,

Pour, comme moy, en ieunesse te rendre.

Car ie croy bien que tu ne dirois pas

Comme Caton, quand viendroit à tel cas.

Lors pere & filz diroient, fi de vieillesse :

Lors pere & filz rimeroient en liesse.

Mais Poesie affamee, & en friche,

N’a, ce dis tu, point fait ta maison riche :

Außi n’a elle encore fait à moy :

Et ce seul point ne me met en esmoy:

Car le desir d’vn Poëte n’attend

Auoir richesse, ou tout autre estat tend.

s [p. 274]

SOMMAIRE

Extraict du priuilege.

À la louenge de Poësie.

Autre.