ESTREINES,
a certains sei-
gnevrs, et
dames de
lyon.

[f. B 2 r°] ESTREINES. 11 [f. B 3 r°] ESTREINES. 13

Chant Nuptial, Sur le mariage de Mon-
sieur le Conseiller Tourveon, & Ma-
dame Magdaleine du Peyrat : Faict
& presenté par leurs nopces.

Beaux Espoux, le iour est venu,

Qui est de vous tant cher tenu :

Laissez le lict : Ie m’esmerueille,

10

Que plus tost on ne se resueille.

Mais demain pour chose meilleure,

Vous lairray dormir plus haulte heure :

Chascune saison ha son tour.

Beaux Espoux, il est desia iour :

15

Musiciens ne soyez longs,

Venez tost auec voz Violons,

Voz Fleustes, & plaisans Haulbois,

Faire melodieuse voix :

Donnez resueilz, sonnez aulbades :

20

Sonnez, il n[’]y ha nulz malades :

Sonnez quelque motet d’amour.

Beaux Espoux, il est desia iour.

Gentilz Tailleurs, à ce matin

C 3 Por [f. C 3 v°] 22 CHANT

Portez habitz de beau Satin,

25

De fin Veloux, & draps de Soye,

Au ieune Espoux en pompe, & Ioye,

Qui vous attend au lict tout nud.

Beaux Espoux, le iour est venu :

Le iour qui faict de fille femme,

30

Celle qui mainte Perle, & Gemme

Porte sur son chef honnoré,

Et sur son beau sein decoré

De Pudicité virginale.

Venez Constance Matronale,

35

Venez Dame Mere à l’Espouse,

Vous y valez bien dix, ou douze :

Et amenez l’Atourneresse,

Qui n’oublira la belle Tresse,

Pour atourner, & pour tresser

40

Les cheueux, qu[’]il fault compasser

Par bon art. O perruque chere,

De l’Espouse luysante, & clere,

Tel heur onc ne t’est aduenu !

Beaux Espoux, le iour est venu.

45

Venez Peyrat, pere plein d’heur,

Voir vostre Fille en son honneur :

Menez la belle Magdeleine,

De chaste amour en son cueur pleine,

Vostre Fille espouse en liesse

50

Ouyr la nuptiale Messe.

Venez en bonne gravité

Dames [f. C 4 r°] NUPTIAL. 23

Dames pleine de chasteté,

Aprenez à luire en tout bien

A ceste Espouse qu’aymez bien :

55

Car c’est la chose principale.

Venez Constance matronale :

Venez Damoiselles gentilles,

Mais hastez vous, soyez habilles,

Et ieunes femmes, & fillettes,

60

Et portez chappeaux de fleurettes.

Il est hault iour, qu’attendez vous ?

Or sus Espouse, or sus Espoux,

Marcher vous fault, sans plus poser,

A l’Eglise pour espouser :

65

Il est haulte heure, Atourneresse,

Depeschez vous, l[’]heure nous presse.

Damoiselles, que Dieu benie,

(O la tresbelle compagnie !)

A vous regarder on se baigne :

70

Prenne chascune sa compaigne,

Et en son riche accoustrement,

Dressez voz pas mignonnement :

L’espouse est en bel ordre mise,

Qui s’en va tout droit à l’Eglise,

75

En beaulté à Venus egale.

Venez Constance matronale,

Le Soleil de nuict ennemy,

Ha ia faict son cours à demy :

Le disner est prest, sus à table.

O quel [f. C 4 v°] 24 CHANT 80

O quel traictement honorable !

C’est trop disné, il fault danser :

Dames vueillez vous aduancer :

Damoiselles gentes, & nettes,

Apportez chapeaux de fleurettes.

85

Les rais du Soleil disparus,

Ia nous enuoient Hesperus.

O Hesperus, Estoille digne,

Propre aux Amans, doulce, & benigne,

Qui la nuict bien prochaine annonces.

90

Tu apportes quelques semonces.

Claude, le long iour qui te nuit

S’en va, voicy venir la nuict.

O noble nuict ! O nuict heureuse,

Qui fais iour de flamme amoureuse,

A Hymen, le grand Dieu des nopces.

Parens, Amys, retirez vous,

Ce dit l’Espouse, au moins l’Espoux.

Claude, Magdelon te demeure,

100

Et Magdelon, voicy ton heure :

Iuno Deesse, auec Hymen

Le veulent bien, responds amen :

Le disant, c’est bien d’auenture

S’ilz n’accourcissent ta ceinture.

105

Donnez Flambeaux & Torches grosses

A Hymen, le grand Dieu des nopces,

Qui nombreras voz passetemps,

Voz [f. D 1 r°] NUPTIAL. 25

Voz doulx plaids d’amoureux contens,

Et les fruicts de vostre plaisir,

110

Il fera bien de grand loysir.

Le fruict à tousiours durera :

C’est la lignee qu’on verra,

De cinq ou six petis enfans

Dans cinq ou six ans triumphans :

115

En vertu resemblans au Pere,

En beaulté, & grace, à la Mere.

Donnez Flambeaux, & Torches grosses,

A Hymen, le grand Dieu des nopces.

FIN DV CHANT NVPTIAL

Eclogue Pastoralle, Sur le mariage de mai-
stre Charles Fontaine Parisien, &
Marguerite Carme Lyonnoise : Com-
posee par M. D. S. Poëte, & aduocat
à Paris,

Les Pasteurs.

NYOT, ET GVILLOT.

Nyot commence.

E  N attendant, que ce brouillars cy chee,

 A fin que point aux troupeaux ne
 meschee,

 Amy Guillot, fermõs les huys sur eulx :

D Or [f. D 1 v°] 26 ECLOGVE

Or sus, c’est faict : allons en nous deux.

GVILLOT.

5

En attendant passer la matinee,

Pres de ce feu faisons la desieunee

De gras formage, & de miche bien tendre,

Et sur ce banc faisons la nappe estendre.

NYOT.

C’est tresbien dit : ma foy i’en suis d’aduis :

10

Nous pourrons faire icy quelque deuis

De noz amours, ou bien de noz tropeaux.

GVILLOT.

De noz troupeaux ? voire, voire de beaux :

Parlons plus tost de Charlot le berger,

Qui dans briez iours se veult ioindre, & ranger

15

Par mariage à Margot la brunette.

NYOT.

A Margot dea ? Ceste fille ieunette,

Que le puissant, & noble fleuue Rosne,

Ha engendree en la riuiere Saone ?

GVILLOT.

A ceste là ? N’est il pas bien heureux ?

20

Et nous icy poures, & malheureux,

Que ne pouuons à son beau iour luy estre

L’vn à sa gauche, & puis l’autre à sa dextre,

L’accompaignans toute celle iournee.

NYOT.

Si Seine estoit ce iour là destournee,

25

Et que la Mer laissait son bout aller

Pour [f. D 2 r°] PASTORALLE. 27

Pour tout courant au Rosne deualler,

Nous pourrions bien compagnie luy faire.

Que pleust à Pan, que quelque gros affaire,

Avecques luy, le suruinst empescher,

30

Et qu’autre qu’el’ ne le peust depescher.

GVILLOT.

O pleust à Pan, ou que leurs deux riuages

Fussent si pres, que sont ces deux villages :

Nous yrions lors tout à nostre bel aise.

NYOT.

Or ça, Guillot, mais qu’il ne te desplaise,

35

Puis qu’vn chemin si loingtain nous retarde,

Et d’y porter noz presens nous engarde,

A tout le moins souhaittons luy tout bien.

GVILLOT.

Par mon serment, Nyot, tu dis tresbien :

C’est bien raison, & vrayment il le fault :

40

Sur tous Bergers, le bon Berger le vault.

Commence donc, & ie t’escouteray,

Puis apres toy ie luy souhaitteray.

NYOT.

Tu le veulx donc, & ie le veulx, Guillot :

O franc Berger, tu es trop bon hillot,

45

Point ne seras en cela refusé.

Premierement souhaitte à l’Espousé,

Le iour de Nopce estre clair & serein,

Et qu’il n’y ayt ne Tarin, ny Serein,

Rossignolet, Chardonneret, Lynote,

D 2 Qui [f. D 2 v°] 28 ECLOGVE 50

Qui au resueil ne luy chante sa note,

En s’assemblant d’vne lieue à la ronde,

Ou s’ilz pouuoient de tous quartiers du monde.

GVILLOT.

Ie prie à Pan, qu’en ceste rencontree,

Berger n’y ayt en toute la Contree.

55

Qui son present à la feste n’enuoye,

S’il ne se met, pour le porter, en voye.

NYOT.

Ie prie à Pan, qu’en toute la iournee,

Par Loups ne soit la Brebis mal menee,

Ains que plus tost, par la Brebis, les Loups

60

Soient rechassés en leurs fosses, & troux.

GVILLOT.

Ie prie à Pan, que tous Pasteurs congnoissent

Que par Charlot ces biens leurs apparoissent :

Et qu’en son nom chascun d’eulx se gogaye,

Menant danser la Pastourelle gaye.

NYOT.

65

Ie prie à Pan, que la iournee entiere

Se passe, sans quereleuse matiere :

Et s’a la feste on voit quelques mutins,

Que dessus eulx on chasse les mastins.

GVILLOT.

Ie prie à Pan, que dessus la nuictee,

70

(Charlot voulant baiser son accointee)

Vn sien Parent, subtil, la luy desrobee,

Et sur le lict n’en laisse que la robbe.

NI [f. D 3 r°] PASTORALLE. 29

NYOT.

Ie prie à Pan, qu’en ceste chaleur grande,

Ou il sera, subit on la luy rende :

75

De peur qu’estant peu apres refroidy,

Ne soit trouvé son manche desroidy.

GVILLOT.

Ie prie à Pan, que luy estant rendue,

Soudain ne soit sa requeste entendue :

Mais que plus tost, luy faisant trouuer bon,

80

La Fille vienne à luy deffendre son.

NYOT.

Ie prie à Pan, que pour certaine enseigne,

L’vne des mains, esgratignee, en saigne,

Au marié : & que sa desiree

Ayt, pour tout mal, chemise dessiree.

GVILLOT.

85

Ie prie à Pan, qu’enuiron la mynuict,

Quelque Pasteur cuysinier bon, & duit,

Luy porte au lict la souppe Iacopine,

Pour conforter avec luy sa poupine.

NYOT.

Ie prie à Pan, que sur le matinet,

90

Pour cultiuer l’amoureux Iardinet,

Celle qui fut sur le soir deffendante,

Soit luy donnant la iambette assaillante.

GVILLOT.

Ie prie à Pan, qu’apres ceste embrassee,

Ne soit pourtant leur grande amour passee :

D 3 Mais [f. D 3 v°] 30 EGLOGVE 95

Mais que plus tost de iour en iour s’accroisse :

Et qu’à tous deux vn vouloir apparoisse.

NYOT.

Ie prie à Pan, que si bien leur prospere,

Que dans vn an Charlot se voye Pere :

Si c’est vn Filz, qu’à son Pere resemble,

100

Et qu’aussi bien les Chalumeaux assemble.

GVILLOT.

Ie prie à Pan, que si c’est vne Fille,

Comme ressemble à la Boule la Bille,

Resemble aussi la Fillette à sa Mere :

Et qu’elle soit, comme elle, mesnagere.

NYOT.

105

Ie prie à Pan, qu’en l’arriere saison,

Ayent tousjours du blé en leur maison :

D’aulx, & d’oignons ilz soient tousiours garnis :

Et de bon lard en charnier soient fournis.

GVILLOT

Ie prie à Pan, que chez eulx pour despense

110

Ayent tousiours quelque Muy de despense :

Et que Charlot en Bourse ayt quelques testes,

Pour quelques fois boire du vin aux festes.

NYOT.

Ie prie à Pan, que de tout leur viuant,

Ne l’vn ny l’autre aille autre amour suyuant :

115

Mais que Charlot soit content de Margot,

Et Margot soit contente de Charlot.

GVIL [f. D 4 r°] PASTORALLE. 31

GVILLOT.

Ie prie à Pan, que Margot, non par crainte

D’estre battue, ou par quelque autre feinte,

Luy porte amour : mais que de volunté

120

Garde sa foy, & tienne sa bonté.

NYOT.

Ie prie à Pan, qu’aussi Charlot la prise

Tant en son cueur, qu’elle estant vieille, & grise,

Ce nonobstant luy semble ieune, & blonde :

Et que iamais l’vn à l’autre ne gronde.

GVILLOT.

125

Ie prie à Pan, qu’en leur grande vieillesse,

De leurs Enfans, en fleur de leur ieunesse,

Soient resiouys : & que tout leur mesnage

Soit bien conduit par ces gens de ieune aage.

NYOT.

O grand Dieu Pan, exaulce noz prieres :

130

Et fay qu’en fin par tes doulces manieres

Chascun d’eulx soit en ce beau lieu rauy,

Ou sont rauys ceulx qui t’ont bien seruy.

GVILLOT.

Ainsi soit il : mais cessons ce parler,

Car il est temps aux champs nous en aller,

135

Voyla le temps, qui s’est ia mis au beau :

Chascun de nous emmeine son troupeau.

FIN DE L’ECLOGVE
PASTORALLE.

Pour conclusion.

L’AVTHEVR, A SOYMESME.

Ces iours ioyeux puis que tu saultes

De tes Chansons aux Chansonnettes,

Apres ces petites Musettes,

Retourne à tes Muses plus haultes.